#Title

முதல் பருவத் தேர்வின் 1, 2 ஆம் வகுப்பு ஆங்கில கேள்வித்தாள் கசிவு! த.வெ.க. அரசின் பள்ளிக் கல்வித்துறையில் நிலவும் நிர்வாகச் சீர்கேடு ! ஆசிரியர் சங்கங்கள் கடும் கண்டனம்!

சென்னை , செப். 22 –

ஆங்கிலப் பாட கேள்வித்தாள் கசிவு காரணமாக 1, 2ம்வகுப்பு முதல்பருவத் தேர்வு வினாத்தாள் ரத்து செய்யப்பட்டநிலையில், புதிய கேள்வித்தாள் கொண்டு இன்று தேர்வு நடைபெறுகிறது. ஏ, பி, சி, டி கண்டுபிடிக்கும் 1ம் வகுப்பு தேர்வை கூட நடத்த முடியாத நிலையில் அரசு இருப்பதாக கண்டனங்கள் எழுந்துள்ளன. தமிழகத்தில் 1 முதல் 12ம் வகுப்பு வரையிலான மாணவர்களுக்கான முதல் பருவம் மற்றும் காலாண்டுத் தேர்வுகள் செப்டம் பர் 16ம் தேதி தொடங்கி நடைபெற்று வருகின்றன.

தொடக்க மற்றும் நடுநிலைப் பள்ளி மாணவர்களுக்கும் பாடவாரியாக தேர்வுகள் நடத்தப்பட்டு வருகின்றன. இதில், 1 மற்றும் 2ம் வகுப்பு மாணவர்களுக்கான ஆங்கிலப் பாடத் தேர்வு செப்டம்பர் 21ம் தேதி (நேற்று) நடைபெறுவதாக ஏற்கனவே தேர்வு அட்டவணை வெளியிடப்பட்டிருந்தது. இதற்கான வினாத்தாள்கள் அனைத்துப் பள்ளிகளுக்கும் முன்கூட்டியே சீலிடப்பட்ட கவர்களில் அனுப்பி வைக்கப்பட்டிருந்தது.

இந்நிலையில், 1ம் வகுப்பு ஆங்கிலப் பாடத்திற்கான வினாத்தாள் தேர்வு நடைபெறுவதற்கு முன்பாகவே சமூக வலைதளங்கள் உள்ளிட்ட பல்வேறு வழிகளில் வினாத்தாள் பரவியதாக தகவல் வெளியானது. வினாத்தாள் கசிவு தொடர்பான தகவல் அதிகாரிகளின் கவனத்துக்கு சென்றதை தொடர்ந்து, பழைய வினாத்தாளை ரத்து செய்து, அதற்குப் பதிலாக புதியவினாத்தாளை தயாரித்து வழங்குவதற்கான நடவடிக்கைகள் மேற்கொள்ளப் பட்டுள்ளதாக ஆசிரியர்கள் தெரிவித்தனர்.

இதன்படி, இன்று நடைபெறவுள்ள 1 மற்றும் 2ம் வகுப்பு ஆங்கிலத் தேர்வுக்கு புதிய வினாத்தாள் வழங்கப்பட உள்ளது. புதிதாக தயாரிக்கப்படும் வினாத்தாள்கள் மாவட்ட கல்விஅலுவலகங்களுக்கு அனுப்பி வைக்கப்பட்டு, அங்கிருந்து சம்பந்தப்பட்ட பள்ளி களுக்கு வழங்குவதற்கான ஏற்பாடுகள் செய்யப்பட்டுள்ளது. புதிய வினாத்தாள்களை உரிய முறையில் பெற்றுக்கொண்டு, ஏற்கனவே அறிவிக்கப்பட்ட தேர்வு நாளிலேயே தேர்வை நடத்தி முடிக்க வேண்டும் என தொடக்கக் கல்வித் துறை சார்பில் தலைமை ஆசிரியர்களுக்கு அவசர அறிவுறுத்தல்கள் வழங்கப்பட்டுள்ளதாக ஆசிரியர்கள் தெரிவித்துள்ளனர்.

புதிய வினாத்தாள்கள் கிடைத்தவுடன் அவற்றின் பாதுகாப்பை உறுதி செய்து, உரிய நடைமுறைகளைப் பின்பற்றி மாணவர்களுக்கு தேர்வை நடத்த வேண்டும் என அறிவுறுத்தப்பட்டுள்ளது. இந்நிலையில், 1ம் முதல் 8ம் வகுப்பு வரை அனைத்து மாணவ, மாணவிகளையும் தேர்ச்சி பெற வைக்கவேண்டும் என்ற முறைஅமலில் உள்ள நிலையில் 1 மற்றும் 2ம் வகுப்புக்கான ஆங்கிலப் பாடக் கேள்வித்தாள் கசிந்து விட்டதாகவும், அதற்குப் பதிலாகப் புதிய வினாத்தாள் தயாரிக்கப்பட்டுதேர்வு நடத்தப்படுவதாகவும் வெளியாகியுள்ள தகவலை கல்வியாளர்கள் உள்பட பல்வேறு தரப்பினரும் விமர்சித்துள்ள னர்.

ஏ.பி.சி.டி. அடையாளம் காண எழுதும் தேர்வுக்காக யுபிஎஸ்சி, நீட் வினாத்தாள் வெளியானதுபோல அவசர சுற்றறிக்கைகளும், கல்வி அதிகாரிகளின் பதற்றமும் ஏன் என்றும் 1ம் வகுப்பு வினாத்தாள் வெளியானது குறித்து ஆசிரியர் சங்கங்கள் கேள்வி எழுப்பியுள்ளது. இதுகுறித்து ஆசிரியர் சங்கங்களின் நிர்வாகிகள் கூறுகை யில், கல்வித்துறையின் அச்சாணியே உடைந்து கிடக்கிறது.

பல்லாயிரக்கணக்கான ஆசிரியர் காலிப்பணியிடங்கள் நிரப்பப் படவில்லை. தகுதியுள்ள ஆசிரியர்களுக்குப் பல ஆண்டுகளாக தலைமையாசிரியர் பதவி உயர்வு வழங்கப்படவில்லை. ஆசிரியர்களின் பணிப்பாதுகாப்பு குறித்த நிச்சயமற்ற நிலைதொடர்கிறது. டெட் தொடர்பான பல்வேறு பிரச்சினைகளுக்குத் தீர்வு கிடைக்கவில்லை. நிர்வாகச் சீர்கேடுகளும் நீதிமன்ற வழக்குகளும் அதிகரித்துக் கொண்டே இருக்கின்றன. வகுப்பறைகளில் ஆசிரியர்களுக்கும் தலைமையாசிரியர்களுக்கும் பாது காப்பற்ற சூழல் தொடர்கிறது.

ஆனால் இவை எல்லாவற்றையும் விட இப்போது கல்வித்துறையின் தலையாயப் பிரச்சினை என்ன தெரியுமா? ஒன்றாம் வகுப்பு ஆங்கில வினாத்தாள் லீக் ஆகி விட்டதாம். ஐந்து வயதுக் குழந்தைகள் கோடு போடவும், வட்டமிடவும், ஏபிசிடி அடையாளம்காணவும் எழுதும் தேர்வுக்கான வினாத்தாள் வெளியாகி விட்டதற்காக, ஏதோ யுபிஎஸ்சி, நீட் வினாத்தாள் வெளியாகிவிட்டது போல அவசரச் சுற்ற றிக்கைகளும், அதிகாரி களிடம் பதற்றமும் காணப்படுகிறது.

சில ஆண்டுகளுக்கு முன்பு வரை ஆசிரியர்களே குழந்தைகளின் கற்றல் நிலைக்கு ஏற்ப வினாத்தாள் தயாரித்து, தேர்வு வைத்து, மதிப்பீடு செய்யவில்லையா?.அப்போது கல்வி அழிந்துபோய் விட்டதா?. ஒன்றாம் வகுப்பு வினாத்தாளை கூட கசிய விடும் அளவில் தான் நிர்வாகத் திறன் இருக்கிறது.இன்னும் என்னென்ன விநோ தங்களை எல்லாம் இந்தக் கல்விக்களம் பார்க்க வேண்டுமோ என்று பல்வேறு தரப்பினரும் கண்டனம் தெரி வித்துள்ளனர்.