விழுப்புரம், செப். 22–
விழுப்புரம் மாவட்டத்தில் அரசு செவிலியர் கல்லுாரி அமைக்கும் கோரிக்கை இந்த ஆண்டும் புறக்கணிக்கப்பட்டதால், பொதுமக்கள் ஏமாற்றம் அடைந்துள்ளனர்.
விழுப்புரம் மாவட்ட அரசு மருத்துவக் கல்லூரியில் கடந்தாண்டு நடந்த விழாவின் போது, அப் போதைய விக்கிரவாண்டி அன்னியூர் எம்.எல்.ஏ., சிவா பேசுகையில், ‘கடந்த 2010ம் ஆண்டு முண்டியம் பாக்கம் அரசு மருத்துவக்கல்லூரி மருத்துவமனை துவக்கப்பட்டது. திண்டிவனம் டோல்கேட் முதல் தொழுதுார் டோல்கேட் வரை 140 கி.மீ., தேசிய நெடுஞ்சாலை யில் நடைபெறும் விபத்துகள் மற்றும், 7 சட்டசபை தொகுதிகளில் உள்ள கிராம மக்கள் பயன்படுத்தும்,
இந்த மருத்துவமனைக்கு செவிலியர் கல்லுாரி ல்லுாரி துவங்கிட வேண்டும்’ என கோரிக்கை விடுத்தார். இதற்கு பின் பேசிய அப்போதைய சுகாதாரத் துறை அமைச்சர் சுப்ரமணியன், ‘எம்.எல்.ஏ., கோரிக்கை யினை ஏற்று அடுத்தாண்டு நிச்சயமாக முண்டியம்பாக் கம் மருத்துவக் கல்லுாரிக்கு செவிலியர் கல்லுாரி துவங் கிட அனுமதி வழங்கப்படும்’ எனஉறுதி அளித்தார்.
அதன் பிறகு, அன்னியூர் சிவா, தமிழக மக்கள் நல் வாழ்வு செயலர் செந்தில் குமாரை நேரில் சந்தித்து, கோரிக்கையை வலியுறுத்தியபோது, அவரும் அடுத்த ஆண்டு நிச்சயமாக விழுப்புரத்தில், செவிலியர் கல்லுாரி அமைக்க அரசு நட வடிக்கை எடுக்கும் என உத்தரவாதம் அளித்தார்.
இந்நிலையில், தமிழகத்தில் புதிதாக 7 இடங்களில் செவிலியர் கல்லுாரிகளை துவங்குவதற்கு அரசு உத்தரவு வெளியிடப்பட்டுள்ளது. அதன்படி நாமக்கல், திருச்சி, தருமபுரி, வேலுார், திருவண்ணாமலை மற்றும் திருநெல்வேலி அரசு மருத்து வக் கல்லூரிகளில், தலா 100 பி.எஸ்சி., செவிலியர் மாணவர் சேர்க்கை இடங்களுடன் 6 புதிய அரசு செவிலியர் கல்லூரிகள் உருவாக்கப்படும் என கூறப்பட்டுள்ளது.
அரசுக்கு மாஜி எம்.எல்.ஏ., கண்டனம்!
இந்தப் பட்டியலில், விழுப்புரம் அரசு மருத்துவக் கல்லுாரி, இடம் பெறாதது, மக்களிடையே கடும் அதிருப்தியையும், ஏமாற்றத்தையும் ஏற்படுத்தியுள்ளது.
விழுப்புரம் மாவட்டத்தில் செவிலியர் கல்லுாரி அமைக்கப்படாதது குறித்து, தி.மு.க., முன்னாள் எம்.எல்.ஏ., அன்னியூர் சிவாகூறுகையில், ‘கடந்தாண்டு பொறுப்பில் இருந்த சுகாதாரத்துறை அமைச்சர் மற்றும் சுகாதாரத்துறை செயலர் ஆகியோர் உறுதி அளித்தனர். ஆனால், இந்த வாக்குறுதியை, புதிய அரசு புறக்கணித்திருப்பது; விழுப்புரம் மாவட்ட மக்களிடையே கடும் ஏமாற்றத்தை ஏற்படுத்தியுள்ளது. பொதுமக்களின் நலனைக் கருத்தில் கொள்ளாமல், கடந்த ஆட்சியின் போது மேற்கொள்ளப்பட்ட திட்டத்தை, கிடப் பில் போடும் புதிய அரசின் நடவடிக்கைகள் கண்டனத்திற்கு உரியது’ என்றார்.