கலி­போர்­னியா, செப்.22–

சமூக நீதிக் காவ­லர் தந்தை பெரி­யார் அவர்­க­ளின் 148வது பிறந்த நாள் விழா வட அமெ­ரிக்க வளை­கு­டாப் பகு­தி­யின் பிரி­மாண்ட் நக­ரில் உள்ள இர்­விங்­டண் சமூ­கக் கூடத்­தின் வளா­கத்­தில், செப்­டம்­பர் 13ம் நாளன்று மாலை 4:30 மணி­ய­ள­வில் தொடங்­கி­யது. வட அமெ­ரிக்­கா­வின் மேற்கு மண்­டல தி.மு.க அணி (DMK US-WEST) மற்­றும் அய­ல­கத் தமி­ழர் நல வாரி­யத்­தின் வட அமெ­ரிக்க மேற்கு மண்­டல உறுப்­பி­னர்­கள் (NRTIA-US-WEST) வளை­கு­டாப் பகு­தி­யின் சமூக நீதி­சார் அமைப்­பு­க­ளான - சம உரி­மைக்­கு­ரல் அறக்­கட்­டளை (Equal Voice Foundation), அம்­பேத்­கர் கிங் படிப்பு வட்­டம் (Ambedkar King Study Circle), Indian American Muslim Council, AIDINDIA, Hindus For Human Rights, India Civil Watch - ஆகி­ய­வற்­று­டன் சேர்ந்து நடத்­திய இந்­நி­கழ்ச்சி சுமார் நூறு பேரைக் கொண்டு அரங்­கம் நிறைந்த வெற்றி பெற்ற நிகழ்ச்­சி­யாக நடந்­தே­றி­யது.

அய­லக தி.மு.க. மற்­றும் NRTIA சார்­பில் கலி­போர்­னியா கார்த்­திக் “சம உரி­மைக்­கு­ரல் அறக்­கட்­ட­ளையை” அறி­மு­கம் செய்து உரை­யாற்­றி­னார். தோழர்­கள் பெரி­யார் சாலை சாவித், பாலாசி ராச­வேலு, சலீம் அக­மது, பொய்­யா­மொழி பழ­னி­யப்­பன், சங்­கர் கணே­சன், பொன். தண்­ட­பாணி, ஆனந்­தன் ராசேந்­தி­ரன், விஜ­யன் ஆகி­யோர் கலந்­து­கொண்­ட­னர்.

அமெ­ரிக்­கா­வில் பெரி­யார்!

இந்­நி­கழ்ச்­சி­யில் தமிழ் நாட்­டி­லி­ருந்து சிறப்பு விருந்­தி­ன­ராக எழுத்­தா­ளர் மற்­றும் முன்­னாள் சட்­ட­மன்ற உறுப்­பி­னர் ஆளூர் சாந­வாசு அவர்­கள் இணைய வழி­யில் கலந்து கொண்டு சிறப்­பு­ரை­யாற்­றி­ னார். “ஏன் இன்­றும் பெரி­யா­ரின் அர­சி­யல் தேவைப்­ப­டு­கி­றது?” என்ற கேள்­வி­யைத் தலைப்­பா­கக் கொண்டு தெள்­ளத் தெளி­வா­க­வும், விரி­வா­க­ வும் அவர் ஆற்­றிய உரை, கலந்­து­கொண்­டோர் அனை­வ­ரின் ஆர­வா­ரத்­தை­யும், கைத்­தட்­டல்­க­ளை­யும் பெற்­ற­தாக இருந்­தது.

இன்­றைய தமிழ் நாட்­டின் அர­சி­யல் நிலை­யை­யும், இந்­திய ஒன்­றிய அர­சி­ய­லின் நிலை­யை­யும் சாடி அவர் ஆற்­றிய உரை­யா­னது “கேட்­டார்ப் பிணிக்­கும்தகை­ய­வாய்க் கேளா­ரும் வேட்ப மொழி­வ­தாம் சொல்” என்ற குற­ளுக்கு பொருந்தி அறி­வுக் கண்­க­ளைத் திறந்த வண்­ணம் அனை­வ­ரின் ஆத­ர­வை­யும் பெற்று, சிறந்து விளங்­கி­யது.

வட அமெ­ரிக்­கா­வின் வளை­கு­டாப் பகு­தி­யில் உள்ள Affordable Housing Network of Santa Clara Countyயின் தலை­வர் சாண்டி பெர்ரி (Thiru. Sandy Perry) அவர்­கள் “அமெ­ரிக்­கா­வில் அடிப்­படை உரி­மை­கள் மற்­றும் சமூக நீதி - கண்­ணி­யத்­திற்­கான போராட்­டம்” என்ற தலைப்­பில் சிறப்­புரை ஆற்­றி­னார். தாங்­கத்­தகு மற்­றும் மலிவு விலைக் குடி­யி­ருப்­பு­ க­ளுக்­கா­கத் தொடர்ந்து போராடி வரும் இவர், தம் வாழ்­நாள் சமூ­கப்­ப­ணி­க­ளில் சந்­தித்த இன்­னல்­க­ளை­யும், Santa Clara மாவட்­டத்­தில் அவர் போரா­டிப் பெற்ற குடி­யு­ரிமை சார்ந்த வெற்­றி­க­ளை­யும் பகிர்ந்து கொண்­ட­து­டன், அதைச் சார்ந்த தொடர்ச் சிக்­கல்­கள் இன்­றும் எவ்­வாறு சமூக நீதிக்கு சவால்­க­ளாக நீடிக்­கின்­றன என்­ப­தைப் பற்றி எடுத்­து­ரைத்­தார்.

நெஞ்சை நெகி­ழ­வைத்த நிகழ்ச்சி!

New Haven Unified School Districtன் நிர்­வா­கக் குழு­வின் தலை­வ­ரான திரு­மதி. சாம்சா ரபே (Tmt. Shamsa Rafay) அவர்­கள் மற்­று­மொரு சிறப்பு விருந்­தி­ன­ராக கலந்­து­கொண்டு “கலி­போர்­னிய பள்­ளி­க­ளில் சமூக நீதி­சார் கல்வி” பற்றி சிறப்­பு­ரை­ யாற்­றி­னார். அவர் கலி­போர்­னி­யப் பள்­ளி­க­ளின் பாடத்­திட்­டங்­க­ளில் இருக்­கும் சமூக நீதிப் பிரச்­ச­னை­ க­ளைப் பற்­றிப் பேசி, பெரி­யா­ரின் பெண் கல்வி மற்­றும் வேலை வாய்ப்­புக் கொள்­கை­களை அடிக்­கோ­டிட்டு அது எவ்­வாறு உல­கின் எல்லா மூலை­க­ளி­லும் கல்­விக்­கான சமூக நீதிக் குர­லாக ஓங்கி நிற்­கி­றது என்று புகழ்ந்­தது பெரி­யா­ரின் பற்­றா­ளர்­க­ளுக்கு பெரு­மி­தம் தேடித்­தந்த தரு­ண­மாக இருந்­தது.

பறை­யி­சை­யில் தொடங்­கிய நிகழ்வு, பெரி­யா­ரைப் போற்­றும் கானாப்­பா­ட­லில் தொடர்ந்து, நிகழ்ச்­சி­யின் முத்­தாய்ப்­பாய் அமெ­ரிக்­கக் குழந்­தை­கள் இணைந்து கேக் வெட்டி, “Happy Birthday to you, Dear பெரி­யார் தாத்தா!” என்று பாடி மகிழ்ந்­தது பெரி­யார் பிறந்த நாளி­னைக் கொண்­டா­டி­யது காண்­போர் அனை­வ­ரின் கண்­க­ளுக்கு விருந்­தா­க­ வும், நெஞ்சை நெகி­ழச் செய்­த­தா­க­வும் இருந்­தது.

பெரி­யா­ரின் அடுத்­தத் தலை­மு­றை­யி­ன­ரின் ஆர்­வத்­தை­யும் பேரன்­பை­யும் இந்­நி­கழ்ச்­சி­யில் கலந்­து­கொண்­டோர் பெற்­ற­னர் என்­றால் அது மிகை­யா­காது. இந்­நி­கழ்ச்­சி­யில் கலந்து கொண்ட அனை­வ­ரும் நிகழ்ச்­சி­யின் வெற்­றி­யை­யும் கலந்­து­கொண்­ட­தின் மகிழ்ச்­சி­யை­யும் பகிர்ந்­து­கொண்­ட­னர். வட அமெ­ரிக்­கா­வின் வர­லாற்­றில் பெரி­யார் சார்ந்த விழா­வொன்­றுக்கு இத்­து­னைப்­பேர் கூடிய முதற்­கூட்­டம் இதுவே ஆகும் என்ற பெரு­மி­தத்­தோடு அமெ­ரிக்க தி.மு.க. வைச் சேர்ந்த உடன்­பி­றப்­பு­கள் வீடு திரும்­பி­னர்.