சென்னை, செப். 22–
மதுராந்தகம், தாராபுரம் ஆகிய தொகுதிகளில் அக்டோபர் 6, 2026 அன்று நடைபெறவுள்ள இடைத்தேர்தலையொட்டி, தமிழக வெற்றிக் கழகம் வெளியிட்டுள்ள நட்சத்திரப் பிரசாரகர்கள் பட்டியலை உடனடியாக ரத்து செய்ய வேண்டும் என்று தி.மு.க. அமைப்புச் செயலாளர் ஆர்.எஸ். பாரதி, இந்திய தலைமைத் தேர்தல் ஆணையர், தேர்தல் ஆணையர்கள் மற்றும் தமிழ்நாடு தலைமைத் தேர்தல் அதிகாரியிடம் புகார் அளித்துள்ளார்.
மக்கள் பிரதிநிதித்துவச் சட்டம், 1951-ன் 77-வது பிரிவையும் மாதிரி நடத்தை விதிமுறைகளை யும் மீறி இந்தப் பட்டியல் வெளியிடப்பட்டுள்ளதாக அவர் தனது புகாரில் தெரிவித்துள்ளார். மேலும், பிற அரசியல் கட்சிகளைச் சேர்ந்த தலைவர்கள் தமிழக வெற்றிக் கழகத்தின் நட்சத்திரப் பிரசாரகர்களாகப் பட்டியலிடப்பட்டிருப்பதாகவும் அவர் குறிப்பிட்டுள்ளார்.
அந்தப் பட்டியலில் இந்திய தேசிய காங்கிரஸ் கட்சியைச் சேர்ந்த மாணிக்கம் தாகூர், விடுதலைச் சிறுத்தைகள் கட்சியைச் சேர்ந்த தொல். திருமாவளவன், வன்னியரசு, ரவிக்குமார்
எம்.பி., சிந்தனைச் செல்வன், மறுமலர்ச்சி திராவிட முன்னேற்றக் கழகத்தைச் சேர்ந்த வைகோ, துரை வைகோ மற்றும் இந்திய யூனியன் முஸ்லிம் லீக்கட்சியைச் சேர்ந்த பேராசிரியர் கே.எம். காதர் மொகிதீன் ஆகியோர் இடம்பெற்றுள்ளதாக புகாரில்தெரிவிக்கப்பட்டுள்ளது.
மக்கள் பிரதிநிதித்துவச் சட்டம், 1951-ன் 77(1)-வது பிரிவில், ஒரு அரசியல் கட்சியின் தலைவர்கள் மேற்கொள்ளும் பயணச் செலவுகள், குறிப்பிட்ட நிபந்தனைகளுக்கு உட்பட்டு, தனிப்பட்ட வேட்பாளரின் தேர்தல் செலவுக் கணக்கில் சேர்க்கப்படாமல் இருப்பதற்கான ஏற்பாடு செய்யப்பட்டுள்ளதாக ஆர்.எஸ். பாரதி தெரிவித்துள்ளார்.
இந்தச் சட்டப்பிரிவில் “ஒரு அரசியல் கட்சியின் தலைவர்கள்” மற்றும் “அந்த அரசியல் கட்சியின்” என்ற சொற்கள் பயன்படுத்தப்பட்டுள்ள நிலையில், ஒரு அரசியல் கட்சி தனது சொந்தக் கட்சியைச் சேர்ந்த தலைவர்கள் மற்றும் நிர்வாகிகளை மட்டுமே நட்சத்திரப் பிரசாரகர்களாக அறிவிக்க முடியும் என்றும், மற்றொரு அங்கீகரிக்கப்பட்ட அரசியல் கட்சியைச் சேர்ந்த தலை வர்கள் அல்லது நிர்வாகிகளை தனது நட்சத்திரப் பிரசாரகர்களா கப் பட்டியலிடுவதற்கு சட்டத்தில் எந்த ஏற்பாடும் இல்லை என்றும்
இந்திய தேர்தல் ஆணையம் அவ்வப்போது வெளியிடும் வழிகாட்டுதல்களின்படியும், ஒரு அரசியல் கட்சி தனது வேட்பாளர்களுக்காகப் பிரசாரம் செய்யும் தனது சொந்தக் கட்சித் தலைவர்களின் பெயர்களை மட்டுமே நட்சத்திரப் பிரசாரகர்கள் பட்டியலில் இடம்பெறச் செய்ய வேண்டும் என்றும்
கூட்டணிக் கட்சிகளைப் பொறுத்தவரையிலும், ஒரு கட்சியின் தலைவரை மற்றொரு கட்சியின் அதிகாரப்பூர்வ நட்சத்திரப் பிரசாரகராக அறிவிப்பது, தேர்தல் செலவுக்கான விலக்கு களைத் தவறாகப் பயன்படுத்துவதற்கு வழிவகுக்கும் என்றும் அவர் கூறியுள்ளார்.
பிறஅரசியல் கட்சிகளைச் சேர்ந்த நபர்கள் ஒரு கட்சியின் நட்சத்திரப் பிரசாரகர்களாக அங்கீகரிக்கப்படும்போது, பயணம், தங்குமிடம் உள்ளிட்ட அவர்களது பிரசாரச் செலவுகள், சம்பந்தப்பட்ட தொகுதிகளில் போட்டியிடும் தனிப்பட்ட வேட்பாளர்களின் தேர்தல் செலவு வரம்பில் சேர்க்கப்படாமல் விலக்கு பெறும் நிலை ஏற்படக்கூடும் என்றும் புகாரில் தெரிவிக்கப்பட்டுள்ளது.
இதுபோன்ற நடைமுறை தேர்தலில் அனைத்து வேட்பாளர்களுக்கும் சமமான வாய்ப்பு என்ற கொள்கையைப் பாதிக்கும் என்றும், “சுதந்திரமான மற்றும் நியாயமான தேர்தல்” என்ற தேர்தல் ஆணையத்தின் அடிப்படைக் கொள்கைக்கும் முற்றிலும் முரணானது என்றும் ஆர்.எஸ். பாரதி தெரிவித்துள்ளார்.
மக்கள் பிரதிநிதித்துவச் சட்டம், 1951-ன் 77-வது பிரிவை ஆய்வு செய்தாலே, பிற அரசியல் கட்சிகளைச் சேர்ந்த மூத்த தலைவர்கள் ஒரு கட்சியின் நட்சத்திரப் பிரச்சாரகர்கள் பட்டியலில் இடம்பெற முடியாது என்பது தெளிவாகிறது என்றும்
எனவே, சட்டத்தின் 77-வது பிரிவை மீறி தமிழக வெற்றிக் கழகம் வெளியிட்டுள்ள நட்சத்திரப் பிரசாரகர்கள் பட்டியலை உடனடியாகத் திரும்பப் பெற வேண்டும் என்று தேர்தல் ஆணை யத்திடம் அவர் கோரிக்கை விடுத்துள்ளார்.
மேலும், பிற அரசியல் கட்சிகளைச் சேர்ந்த தலைவர்கள் தமிழக வெற்றிக் கழக வேட்பாளர்களுக்காகப் பிரச்சாரம் செய்தால், அவர்களுக்கான பயணம், தங்குமிடம் உள்ளிட்ட அனைத்துதொடர்புடைய செலவுகளையும் சம்பந்தப்பட்ட தனிப்பட்ட வேட்பாளர்களின் தேர்தல் செலவுக் கணக்கில்முழுமையாகச் சேர்க்க வேண்டும் என்றும்
சட்டப்பூர்வ விதிமுறை களுக்கு மாறாக நட்சத்திரப் பிரச் சாரகர்கள் பட்டியலைச் சமர்ப்பித்ததற்காக, தமிழக வெற்றிக் கழகத்துக்கு எதிராகமாதிரி நடத்தை விதிமுறைகளின்படி உரிய நடவடிக்கைகளைத் தொடங்க வேண்டும் என்றும் தேர்தல் ஆணையத்தை அவர் வலியுறுத்தியுள்ளார்.
அரசியலமைப்பில் உறுதி செய்யப்பட்டுள்ள ஜனநாயக மரபுகளைப் பாதுகாப்பதற்கும், தேர்தல் விதிமுறைகளை நிலைநிறுத்துவதற்கும், தாம் அளித்துள்ள புகார் மீது தேர்தல் ஆணையம் உடனடியாக உரிய நடவடிக்கை எடுக்க வேண்டும்என்றும் ஆர்.எஸ்.பாரதி
கேட்டுக்கொண்டுள்ளார்.
ஒருங்கிணைந்த நெல்லை மாவட்ட கழக முன்னாள் செயலாளர் மாவீரன் கே.வி.கே.சாமி நினைவுநாளில் அவரது சிலைக்கு மாவட்டக் கழக செயலாளர் – முன்னாள் அமைச்சர் பி.கீதாஜீவன் மாலை அணிவித்து மரியாதை செலுத்தினார். உடன் மாநகர கழக செயலாளர் எஸ்.ஆர்.ஆனந்தசேகரன், மாவட்ட பிரதிநிதி செந்தில்குமார் மற்றும் கழக நிர்வாகிகள் கலந்து கொண்டனர்.