சென்னை, செப். 22 –

நல்ல வரு­மா­னத்தை அள்­ளித் தரும் சென்னை விமான நிலை­யத்தை தனி­யா­ருக்­குத் தாரை வார்க்க த.வெ..க அரசு முன்­வ­ரு­ மா­னால் தீவிர மக்­கள் எதிர்ப்பை எதிர்­கொள்ள நேரி­டும் என 21.09.2026 தேதிய ‘தின­க­ரன்’ தனி­யா­ருக்­குத் தாரை வார்ப்பு! எனும் தலைப்­பில் எழு­தி­யுள்ள தலை­யங்­கத்­தில் சுட்­டிக் காட்­டி­யுள்­ளது.

‘தின­க­ரன்’ நாளேடு வெளி­யிட்­டுள்ள தலை­யங்­கம் வரு­மாறு:

நரேந்­திரமோடி தலை­மை­யி­லான ஒன்­றிய அரசு பத­வி­யேற்ற நாளில் இருந்தே, அரசு துறை­கள் மெல்ல மெல்ல தனி­யார் மய­மாக்­கப்­பட்டு வரு­கின்­றன. நாட்­டின் முக்­கிய துறை­மு­கங்­கள், விமான நிலை­யங்­களை தனி­யார் வசம் ஒப்­ப­டைப்­ப­தில் ஒன்­றிய அரசு அதிக அக்­கறை காட்டி வரு­கி­றது. அதி­லும் தனது கார்ப்­ப­ரேட் நண்­பர்­க­ளாக அதானி, அம்­பானி குழு­மத்­திற்கு ஒன்­றிய அரசு காட்­டும் சலு­கை­கள் ஏரா­ளம். அந்த வகை­யில் சென்னை விமான நிலை­ய­மும் தற்­போது அதானி குழு­மத்­திற்கு தாரை வார்க்­கப்­பட உள்­ள­தாக வெளி­யாகி வரும் தக­வல்­கள் தமி­ழக மக்­களை கொந்­த­ளிக்க வைத்­துள்­ளது.

இந்­தி­யா­வில் உள்ள முக்­கிய விமான நிலை­யங்­களை தனி­யார் நிறு­வ­னங்­க­ளி­டம் ஒப்­ப­டைக்­கும் நட­வ­டிக்­கையை ஒன்­றிய அர­சின்விமா­னப் போக்­கு­வ­ரத்­துத் துறை சமீ­ப­கா­ல­மாக மேற்­கொண்டு வரு­கி­றது. இதன் ஒரு பகு­தி­யாக முக்­கிய விமான நிலை­யங்­க­ளான அக­ம­தா­பாத், லக்னோ, ஜெய்ப்­பூர், திரு­வ­னந்­த­ பு­ரம், மங்­க­ளூரு மற்­றும் மும்பை விமான நிலை­யங்­களை அதானி ஏர்­போர்ட் ஹோல்­டிங்ஸ் நிறு­வ­னம் ஏலம் எடுத்து நடத்தி வரு­கி­றது.

இதன் அடுத்­தக்­கட்­ட­மாக ஒன்­றிய அரசு சென்னை விமான நிலை­யத்­தை­யும் தனி­யார்­ம­ய­மாக்க முடிவு செய்­தால், அது அதானி குழு­ம த்­திற்கோ அல்­லது ஜி.எம்.ஆர். போன்ற பெரிய கார்ப்­ப­ரேட் நிறு­வ­னங்­க­ளுக்கோ செல்ல அதிக வாய்ப்­புள்­ளது. நாட்­டில் தற்­போது இந்­திய விமான நிலைய ஆணை­யத்­தின் (ஏஏஐ) நேரடி கட்­டுப்­பாட்­டில் சென்னை, கொல்­கத்தா உள்­ளிட்டஓரிரு விமான நிலை­யங்­கள் மட்­டுமே உள்­ளன.

இந்­திய அர­சி­ய­லில் பா.ஜ. வின் பாசிச அர­சி­யலை கடைசி வரை எதிர்த்து நின்­ற­தில் தமி­ழ­கத்­திற்­கும், மேற்கு வங்­கத்­திற்­கும் முக்­கிய பங்கு உண்டு. என­வே­தான் கடந்த காலங்­க­ளில் இம்­மா­நி­லங்­க­ளில் விமான நிலை­யங்­களை தனி­யா­ருக்கு தாரை வார்க்க பா.ஜ. பயந்­தது. தற்­போதுஇவ்­விரு மாநி­லங்­க­ளி­லும் ஆட்சி மாற்­றங்­கள் நிகழ்ந்து விட்ட நிலை­யில், பா.ஜ. தனது கார்ப்­ப­ரேட் தோழ­மைக்கு வரிந்து கட்­டிக் கொண்டு களம் இறங்­கத் தொடங்­கி­யுள்­ளது.

தமி­ழ­கத்­தில் சமீ­ப­கா­ல­மாக வேடிக்கை ஆட்சி நடத்­திக் கொண்­டி­ருக்­கும் த.வெ.க. அரசு, பரந்­தூ­ரில் புதிய விமான நிலை­யம் கட்­டும் திட்­டத்தை மூடிய கையோடு, ஏற்­க­னவே உள்ள விமான நிலை­யத்­தை ­யும் தனி­யா­ருக்­குத் தாரை வார்க்க துணை­போ­கும் சூழ­லில் உள்­ளது. முத­ல­மைச்­சர் விஜய், கடந்த ஆகஸ்ட் மாதம் பிர­த­மர் நரேந்­திர மோடிக்கு எழு­தி­யுள்ள ஒரு கடி­தத்­தில், சென்னை விமான நிலை­ யத்­தின் தற்­போ­தைய மேலாண்மை மற்­றும் சரக்கு கையா­ளு­தல் வேகம், பெங்­க­ளூரு போன்ற அண்டைமாநில விமான நிலை­யங்­களை விடக் குறை­வாக இருப்­ப­தா­கத் தெரி­விக்­கப்­பட்­டுள்­ளது.

எனவே, விமான நிலை­யத் ­தின் தரத்தை உயர்த்த வேண்­டும் எனும் கோரிக்­கையை முன்­வைத்­த­தா­கத் தெரி­கி­றது. அதா­வது சென்னை விமான நிலை ­யத்தை தனி­யார்­ம­ய­மாக்க வேண்­டும் என்­பதே அக்­கோ­ரிக்­கை­யின் மறை­முக அர்த்­த­மா­கத் தெரி­கி­றது. இந்­தத் தக­வல் வெளி­யா­னது முதல் தமிழ்­நாட்­டின் பல்­வேறு அர­சி­யல் கட்­சி­கள் தங்­க­ளது கடு­மை­யான எதிர்ப்­பைப் பதிவு செய்து வரு­கின்­றன. சென்னை விமான நிலை­யம் கடந்த 2024-–25 நிதி­யாண்­டில் மட்­டும் சுமார் ரூ.492.48 கோடி லாபம் ஈட்­டிய ஒரு பொதுத்­துறை நிறு­வ­ன­மாக உள்­ளது.

லாபம் தரும் அந்த மக்­கள் சொத்தை தனி­யா­ருக்­குத் தாரை வார்ப்­பது கண்­ட­னத்­திற்­கு­ரி­யது என கம்­யூ­னிஸ்­டு­க­ளும் இதற்கு எதிர்ப்­புத் தெரி­வித்­துள்­ள­னர். சென்னை விமான நிலை­யத்­தில் தற்­போது புதிய டெர்­மி­னல் எண்.5 அமைப்­ப­தற்­கான ஆரம்­பக்­கட்ட பணி­கள் பரி­சீ­ல­னை­யில் உள்­ளன. அதன்­பின்­னர் தனி­யார் வசம் விமான நிலை­யம் செல்ல வாய்ப்­புள்­ள­தாகத் தெரி­கி­றது. நல்ல லாபத்தை அள்­ளித்­த­ரும், ஒரு பொது சொத்தை தனி­யா­ருக்குத் தாரை வார்க்க த.வெ.க. அரசு முன்­வ­ரு­மா­னால், தீவிர மக்­கள் எதிர்ப்பை எதிர்­கொள்ள நேரி­டும்.

இவ்­வாறு ‘தின­க­ரன்’ நாளேடு தனது தலை­யங்­கத்­தில் குறிப்­பிட்­டுள்­ளது.