ச மீ­பத்­தில் தமி­ழக வெற்­றிக் கழ­கத்­தின் (த.வெ.க.) இணைய உதி­ரிக் கும்­பல், ‘பிக்­பாஸ்’ (Big Boss) நிகழ்ச்­சியை நடத்­தி­வ­ரும் நடி­கர் விஜய் சேது­ப­தி­யின் மீது கடும் தாக்­கு­தல்­களை நடத்தி வரு­கி­றது. பிக்­பா­ஸிற்­கும் விஜய்க்­கும் என்ன சம்­பந்­தம்? ஒரு பொழு­து­ போக்கு நிகழ்ச்­சி­யில் கூறப்­ப­டும் கருத்­து­கள் ஏன் த.வெ.க.வின­ரைப் பாதிக்­கின்­றன? குற்­ற­முள்ள நெஞ்சு குறு­கு­றுக்­கி­றது; கள்­ளம் உள்ள மனம் கலங்­கு­கி­றது.

பிரச்­சினை விஜய் சேது­ப­தி­யின் கருத்­து­கள் அல்ல, ஓர் அரசு ஒரு பிக்­பாஸ் நிகழ்ச்சி போல நடந்­து­கொண்­டி­ருப்­ப­து­தான் பிரச்­சினை. அத­னால்­தான் அந்த நிகழ்ச்­சி­யின் பங்­கேற்­பா­ளர்­க­ளைப் பற்றி என்ன விமர்­ச­னம் சொன்­னா­லும், அது அர­சைப் பற்­றிய, முத­ல­மைச்­ச­ரைப் பற்­றிய விமர்­ச­ன­ மா­கவே மாறி­வி­டு­கி­றது. முத­ல­மைச்­ச­ரின் பெய­ரையோ அர­சின் பெய­ரையோ குறிப்­பி­டா­மல் வேறு எங்கோ யாரை நோக்­கியோ ஒரு­வர் பொதுப்­ப­டை­யா­கச் சொல்­லக்­கூ­டிய விமர்­ச­னங்­க­ளைக்­கூட, அவர்­கள் தங்­கள் மீது எய்­யப்­பட்ட அம்­பு­க­ளா­கவே கரு­து­கின்­ற­னர். எல்லா எதிர்­மறை விமர்­ச­னங் ­க­ளுக்­கும் தங்­க­ளைத் தகு­தி­யாக்­கிக்­கொண்­டதே த.வெ.க. அரசு மற்­றும் அந்­தக் கட்­சி­யின் சாதனை!

பிக்­பாஸ் நிகழ்ச்சி என்­பது மனி­தர்­க­ளி­டம் மறைந்­தி­ருக்­கும் கீழ்­மை­யான குணங்­க­ளை­யும், பல­வீ­னங்­க­ளை­யும், குற்ற உணர்ச்­சி­யை­யும் வெளிப்­ப­டுத்­தும் நிகழ்ச்சி என்று கரு­தப்­ப­டு­கி­றது. அந்த நிகழ்ச்­சி­யில் பங்­கேற்­றி­ருப்­ப­வர்­க­ளைப் பற்றி வைக்­கப்­ப­டும் விமர்­ச­னங்­க­ளைக் கண்டு ஒரு கட்சி பத­று­வ­தன் கார­ணத்தை நம்­மால் புரிந்­து­கொள்ள முடி­கி­றது. பிக்­பாஸ் வீட்­டில் பங்­கேற்­பா­ளர்­க­ளின் எதிர்­மறைக் குணங்­க­ளா­கச் சில­வற்றை விமர்­சகர்­கள் குறிப்­பி­டு­கி­றார்­கள். அவை த.வெ.க. அர­சோடு எவ்­வாறு பொருந்­திப்­போ­கின்­றன என்­ப­தைப் பார்ப்­போம்.

பிக்­பாஸ் குண­ந­லன்­க­ளும் த.வெ.க. அர­சின் செயல்­பா­டு­க­ளும்

1. அதீத ஆத்­தி­ரம் (Aggression)

• பிக்­பாஸ் பாணி: சிறிய விஷ­யங் ­க­ளுக்­குக்­கூ­டப் பொறு­மை­யி­ழந்து மற்­ற­வர்­க­ளி­டம் கத்­து­வது மற்­றும் ஆக்­ரோ­ஷ­மாக நடந்­து­கொள்­வது.

• த.வெ.க. நிலைப்­பாடு: இதற்­குச் சிறந்த உதா­ர­ணம் முதல்­வர் விஜய்­யின் பொதுக்­கூட்­டங்­கள் மற்­றும் சட்­ட­மன்­றப் பேச்­சு­கள். எதி­ரா­ளி­களை இழி­ சை­கை­கள் மற்­றும் வன்­ம­மான சொற்­கள் மூலம் ஆத்­தி­ர­மூட்­டு­தல், அநா­வ­சி­ய­மா­கக் குரலை உயர்த்­திக் கத்­து­தல், பண்­பா­டற்ற உடல்­மொ­ழியை வெளிப்­ப­டுத்­து­தல் ஆகி­ய­வற்­றைக் குறிப்­பி­ட­லாம். தமி­ழக சட்­ட­மன்­றக் கூட்­டத்­தொ­ட­ரில் எதிர்க்­கட்­சி­யான தி.மு.­க.வை விமர்­சித்து விஜய் பேசி­ய­போது, முன்­னாள் முதல்­வர் மு.க.ஸ்டாலின் அவர்­களை குறித்து அவர் வெளிப்­ப­டுத்­திய சில உடல்­மொ­ழி­கள் மற்­றும் சைகை­கள் (Jaw Gesture) இதற்­குச் சான்­றா­கும். இது­போன்ற செயல்­க­ளில் பிக்­பாஸ் பங்­கேற்­பாளர்­கள் ஈடு­ப­டு­வது வழக்­க­மான ஒன்று.

2. வார்த்தை வன்­முறை (Abusive Language)

• பிக்­பாஸ் பாணி: வாக்­கு­வா­தங்­க­ளின்­போது எல்­லையை மீறி, தனிப்­பட்ட முறை­யில் தாக்­கிப் பேசு­வது அல்­லது தரக்­கு­றை­வான வார்த்­தை­க­ளைப் பயன் ­ப­டுத்­து­வது.

• த.வெ.க. நிலைப்­பாடு: இதற்­கும் சிறந்த உதா­ர­ணம் விஜய்­யின் பல பொன்­மொ­ழி­கள்: “கொத்து பரோட்டா போடு­வேன்,” “சும்­மாவே காட்டு காட்­டுன்னு காட்­டு­வேன்,” “வச்சு செய்­ய­ணும்,” “உங்க அப்பா எங்கே?”, “கவர்ச்சி காட்ட நான் என்ன…?”, “வாயில் நல்லா வந்­து­டும்… நான் என்ன டேஷ்க்கு… ஓட ஓட விரட்­டுங்க”- இப்­ப­டிப் பட்­டி­ய­லிட்­டுக்­கொண்டே போக­லாம். இத்­த­கைய வன்­முறை­யான வார்த்­தைப் பிர­யோ­கங்­கள் பிக்­பாஸ் பங்­கேற்­பா­ளர்­க­ளி­டையே நடப்­பது வழக்­க­மான ஒன்று.

3. விமர்­ச­னங்­களை ஏற்­காமை (Inability to Accept Criticism)

• பிக்­பாஸ் பாணி: வார இறு­தி­யில் தொகுப்­பா­ளர் அல்­லது சக போட்­டி­யா­ளர்­கள் தங்­கள் தவ­று­க­ளைச் சுட்­டிக்­காட் ­டும்­போது, அதை ஏற்­றுக்­கொள்­ளா­மல் வாதா­டு­வது.

• த.வெ.க. நிலைப்­பாடு: கடந்த சட்­ட­மன்­றக் கூட்­டத்­தொ­ட­ரில் எதிர்க்­கட்­சித் தலை­வர் இந்த ஆட்­சி­யில் சட்­டம்-­ஒ­ழுங்­குச் சீர்­கேடு, மின்­வெட்டு, புதிய திட்­டங்­கள் இல்­லாமை, நிர்­வா­கப் பின்­ன­டைவு, விவ­ சா­யி­கள் பிரச்­சினை என முக்­கி­ய­மான பிரச்­சி­னை­களை எழுப்­பி­னார். விஜய் எதற்­கும் பதில் சொல்­லா­மல், சட்­ட­மன்­றத்­தில் தி.மு.க மீது அவ­தூ­று­க­ளைக் கூறித் தனது அர­சின் தோல்­வி­களை மறைக்க முயன்­றார். பரந்­தூர் விமான நிலை­யத் திட்­டம் ரத்து, பட்­டி­னப்­பாக்­கத்­தில் புதிய தலை­மைச் செய­ல­கம், சென்னை விமான நிலை­யத்­தைத் தனி­யா­ருக்கு அளிக்­கும் முயற்சி எனப் பல­வற்­றிற்­குக் கூட்­ட­ணிக் கட்­சி­கள் எழுப்­பிய கேள்­வி­க­ளுக்­குக்­கூ­டப் பதில் சொல்­வ­தில்லை. மாறாக, விதண்­டா­வா­தங்­க­ளி­லும் தனி­ந­பர் தாக்­கு­தல்­க­ளி­லும் த,வெ,க. அமைச்­சர்­கள் ஈடு­ப­டு­கி­றார்­கள்.

இது முற்­றி­லும் பிக்­பாஸ் பங்­கேற்­பா­ளர்­க­ளின் பாணி. விஜய் மட்­டு­மல்ல, த.வெ.க.வின் அமைச்­சர்­க­ளும் இதே பாணி­யைப் பின்­பற்­று­கின்­ற­னர். உதா­ர­ண­மாக, மின்­வெட்டு என்­றால் “திமு­க­கா­ரர்­கள் ஃபியூஸ் கேரி­ய­ரைப் (Fuse carrier) பிடுங்­கி­விட்­டார்­கள்” என்­பது; காவி­ரி­யில் தண்­ணீர் வர­வில்­லை­யென்­றால் “தி.மு.க. 75 ஆண்­டு­க­ளுக்கு முன்பு போட்ட ஒப்­பந்­தம்­தான் கார­ணம்” என்­பது. இதற்­கும் மேலா­கப் போய், விமர்­சிப்­ப­வர்­கள் மீது பொய் வழக்­கு­க­ளைப் போட்டு அச்­சு­றுத்த முயல்­வது.

4. கூட்­டணி அமைத்­தல் (Groupism)

• பிக்­பாஸ் பாணி: வீட்­டில் உள்ள மற்­ற­வர்­க­ளைத் தனி­மைப்­ப­டுத்த அல்­லது வலி­மை­யான போட்­டி­யா­ளர்­களை வீழ்த்த ரக­சி­ய­மா­கத் தனிக்­கு­ழுக்­களை உரு­வாக்கி அர­சி­யல் செய்­வது.

• த.வெ.க. நிலைப்­பாடு: இந்த பிக்­பாஸ் இயல்­பின் அடிப்­ப­டை­யில்­தான் த.வெ.க. அரசே நின்­று­கொண்­டி­ருக்­கி­றது. தி.மு.­க.­வைப் பல­வீ­னப்­ப­டுத்த ரக­சி­யப் பேரங்­கள் மூலம் கூட்­ட­ணிக் கட்­சி­க­ளைத் தன் பக்­கம் இழுத்­தது; குதி­ரைப் பேரத்­தின் மூலம் அ.தி.­மு.க. மற்­றும் அ.ம.­மு.க. சட்­ட­மன்ற உறுப்­பி­னர்­களை விலைக்கு வாங்­கி­யது; உத­ய­சூ­ரி­யன் சின்­னத்­தில் போட்­டி­யிட்ட ம.தி.­மு.க. உறுப்­பி­னர்­களைஇழுக்க வைகோ மூலம் பேரம் பேசி­யது; காங்­கி­ர­ஸு­டன் கூட்­டணி வைத்­துக்­கொண்டே பா.ஜ.க. அர­சின் எல்லா திட்­டங்­க­ளை­யும் நிறை­ வேற்­றித் தரு­வது எனச் சதி அர­சி­ய­லின் (Groupism) எல்லா தகி­டு­தித்­தங்­க­ளை­யும் த.வெ.க. அரசு செய்­து­வ­ரு­கி­றது.

5. போலி முக­மூடி(Fake Personality)

• பிக்­பாஸ் பாணி: தமக்­கான ஆத­ர­வைப் பெறு­வ­தற்­கா­கத் தங்­க­ளின் உண்­மை­யான குணத்தை மறைத்து, மிக­வும் நல்­ல­வர்­கள் போல கேமரா முன்­னால் நடிப்­பது.

• த.வெ.க. நிலைப்­பாடு: இந்த பிக்­பாஸ் வீட்­டின் குணம்­தான் விஜய் அவர்­க­ளின் அச­லான அர­சி­யல். ‘ ரீல்ஸ்’ மூலம் விஜய் குறித்­தும் த.வெ,க குறித்­தும் பரப்­பும் போலித் தக­வல்­கள் மற்­றும் தனி­ந­பர் வழி­பாட்டு பிம்­பங்­க­ளைத் தவிர அவர்­க­ளுக்­கென்று எந்த அர­சி­ய­லும் இல்லை.

‘நீட்’டை (NEET) எதிர்ப்­பது போல நாட­க­மா­டி­விட்டு ‘நீட்’ எதிர்ப்­புப் போராட்­டங்­களை ஒடுக்­கு­வது; தேர்­த­லுக்கு முன் தூய்­மைப் பணி­யா­ளர்­க­ளுக்­கா­கக் குரல் கொடுப்­பது போல் பாசங்கு செய்­து­விட்டு, ஆட்­சிக்குவந்த பின் அவர்­க­ளைத் தெரு­வில் விடு­வது; “பாலி­யல் குற்­றங்­களை நான் ஆட்­சிக்கு வந்­தால் ஒழித்­து­வி­டு­வேன்” என முழங்­கி­விட்டு, ஆட்­சிக்கு வந்­த­தும் சொந்­தக் கட்­சிக்­கா­ரர்­கள் செய்த குற்­றங்­க­ளைக் ­கூட மூடி மறைப்­பது; வாக்­கு­று­தி­களை நிறை­ வேற்­றா­மல் இருப்­பது அல்­லது பாதி அள­வுக்கு நிறை­வேற்றி ஏமாற்­று­வது; பரந்­தூ­ரில் விவ­ சா­யி­க­ளுக்­காக விமான நிலை­யத் திட்­டத்­தைக் கைவி­டு­வ­தா­கக் கூறி ­விட்டு, கைய­கப்­ப­டுத்­திய நிலத்­தைச் சிப்­காட் (SIPCOT) தொழிற்­பூங்­கா­வாக மாற்­றப்­போ­வ­தா­கச் சொல்லி விவ­சா­யி­களை ஏமாற்­று­வது என இந்த பிக்­பாஸ் அர­சின் நடிப்­புக் காட்­சி­ க­ளைச் சொல்­லிக்­கொண்டே போக­லாம்.

6.முது­கில் குத்­து­தல் (Backstabbing)

• பிக்­பாஸ் பாணி: வெளி­யில் நண்­பர்­க­ளைப் போலப் பழ­கி­விட்டு, ரக­சி­ய­மாக அவர்­க­ளுக்கு எதி­ரா­கத் திட்­டம் தீட்­டு­வது அல்­லது பரிந்­து­ரைப்­பது (Nominate).

• த.வெ.க. நிலைப்­பாடு: தி.மு­.க. ­வோடு இருந்த கூட்­ட­ணிக் கட்­சி­க­ளைப் பேரம் பேசித் தங்­கள் ஆட்­சிக்கு ஆத­ர­வான கூட்­ட­ணி­யில் கொண்­டு­வந்த பிறகு, இப்­போது இட­து­சா­ரி­கள் மற்­றும் வி.சி.­க.­வைக் கழற்றி விடு­வ­தற்­கா­கப் பா.ம.க. மற்­றும் அ.தி.­மு.க. எடப்­பாடி எதிர்ப்­புக் குழு­வி­ன­ரு ­டன் இணக்­க­மாக இருப்­பது த.வெ.க.வின் இன்­றைய பிக்­பாஸ் அர­சி­யல். இடைத்­தேர்­த­லில் தங்­கள் கூட்­ட­ணிக் கட்­சித் தலை­வர்­க­ளைத் தங்­க­ளது நட்­சத்­தி­ரப் பேச்­சா­ளர்­களாக அறி­வித்து அந்­தக் கட்­சி­க­ளைத் தனித்­து­வ­மில்­லா­மல் ஆக்­கு­தல்; கம்­யூ­னிஸ்­டு­க­ளின் ஆத­ர­வு­ட­னேயே ஆட்சி நடத்­திக்­கொண்டு அவர்­க­ளது மாண­வர் அமைப்­பு­க­ளைக் கல்­லூ­ரி­க­ளில் முடக்­கு­ தல்; தாசில்­தார் மூலம் கம்­யூ­னிஸ்­டு­க­ளைக் கணக்­கெ­டுக்­கச் சொல்­லு­தல்; வி.சி.­க. ­விற்­குள் ஆதவ் அர்­ஜுனா ஆத­ரவு அணி ஒன்றை உரு­வாக்­கித் திரு­மா­வ­ள­வ­னின் தலை­மைத்­து­வத்­தைப் பல­வீ­னப்­ப­டுத்­து­தல் எனப் பல­வற்­றைத் தன் கூட்­ட­ணிக் கட்­சி­க­ளுக்கு எதி­ரா­கவே த.வெ.க. செய்­தி­ருக்­கி­றது.

7. பொய் பேசு­தல் (Lying)

• பிக்­பாஸ் பாணி: ஒரு­வ­ரைப் பற்றி உண்­மைக்­குப் புறம்­பான தக­வல்­க­ளைக் கூறு­தல்.

• த.வெ.க. நிலைப்­பாடு: தி.மு.­க.­ விற்கு எதி­ராக அன்­றா­டம் பொய் சொல்­வ­தன் மூலமே தன் பிழைப்பை ஓட்­டிக்­கொண்­டி­ருக்­கும் கட்சி த.வெ.க. ‘பார்ட்டி ஃபண்ட்’ (Party fund), டாஸ்­மாக், அவ­ச­ர­நி­லைக் காலத்­தில் (Emergency) தி.மு.க. தலை­வர் கைது, தொழி­ல­தி­பர் ஒரு­வ­ரின் மீதான பாலி­யல் குற்­றச்­சாட்­டில் வழக்­குப் பதிவு செய்த தி.மு.க. அரசு மீதே பழி போடு­வது என ஆதா­ர­மற்ற பொய்­க­ளை­யும் புனை­சு­ருட்­டு­க­ளை­யும் பரப்­பியே காலத்தை ஓட்­டி­வி­ட­லாம் என்­ப­து­தான் த.வெ.க. அர­சின் திட்­டம்.

8. செண்­டி­மெண்ட் நாட­கம் (Sentiment Drama)

• பிக்­பாஸ் பாணி: பிரச்­சி­னை­க­ளைத் திசை­தி­ருப்­பப் ‘பாதிக்­கப்­பட்­ட­வர்’ (Victim) வேடம் போடு­வது.

• த.வெ.க. நிலைப்­பாடு: கரூர் சம்­ப­வம் தொடங்கி இந்த ஆட்­சி­யின் மீதான அத்­தனை குற்­றச்­சாட்­டு­க­ளுக்­கும் பதி­லாக விஜய் இந்த நாட­கத்­தைத்­தான் ஆடி வரு­கி­றார். ‘அண்­ணன் செண்­டி­மெண்ட்,’ ‘மாமா செண்­டி­மெண்ட்’ என அவ்­வப்­போது நடிப்­புக் கண்­ணீ­ரைச் சிந்­து­வது என்­ப­து­தான் இன்­று­வரை பின்­பற்­றப்­ப­டும் ஒரே உத்தி.

9. உள்­நோக்­கங்­களை மறைக்­கும் போலி நாட­கங்­கள் (Hypocrisy)

• பிக்­பாஸ் பாணி: உள்­ளொன்று வைத்­துப் புற­மொன்று கூறு­தல்.

• த.வெ.க. நிலைப்­பாடு: சென்­னை­யில் இருக்­கும் நிறு­வ­னத்­து­டன் லண்­ட­னுக்­குப் போய் ஒப்­பந்­தம் செய்து தன் தனிப்­பட்ட பய­ணத்தை அர­சுப் பய­ண­மாக நியா­யப்­ப­டுத்­து­வ­தும்; பட்­டி­னப்­பாக்­கத்­தில் சட்­ட­மன்­றம் அமைக்க 1,200 கோடி ரூபாய் வர­வு-­செ­ல­வுத் திட்­டம் (Budget) வரை அறி­வித்து அர­சாணை வெளி­யிட்­டு­விட்டு எதிர்ப்பு கிளம்­பி­ய­தும் “முத­ல­மைச்­சர் இது­பற்றி இறுதி முடி­வெ­டுப்­பார்” எனப் பின்­வாங்­கு­வ­தும்; ‘தாய்­மா­மன் தங்க மோதி­ரத் திட்­டம்’, ‘முத­ல­மைச்­ச­ரின் புதிய அறை’ போன்­ற­வற்­றில் சந்­தே­கத்­திற்­கி­ட­மான ஒப்­பந்­தப்­புள்­ளி­கள் (Tenders); சென்னை விமான நிலை­யத்­தைத் தனி­யா­ரி­டம் கொடுத்­து­வி­டுங்­கள் என்று கடி­தம் எழு­து­வது என நாட­கங்­கள் ஒன்றா, இரண்டா?

‘ஹனி­மூன்’ கால­மும் வெளிப்­பட்ட உண்மை முக­மும்

நான் மேலே குறிப்­பிட்ட பிக்­பாஸ் நிகழ்ச்­சி­யின் பத்­துப் பொருத்­தங்­க­ளும் அப்­ப­டியே த.வெ.க. அர­சுக்­கும் முத­ல­மைச்­சர் விஜய்க்­கும் பொருந்­திப்­போ­வ­தைப் பார்க்­கி­றோம். இந்­தச் சூழ­லில்­தான் பிக்­பாஸ் நிகழ்ச்­சியை நடத்­தும் விஜய் சேது­பதி, பிக்­பாஸ் வீட்­டில் தலை­மைப் பொறுப்பு ஏற்­ப­வர்­க­ளி­டம்:

“யோசிக்­கா­மல் வாக்­கு­று­தி­க­ளைக் கொடுத்­து­விட்டு, பின்­னர் பிரச்­சி­னை­க­ளும் பொறுப்­பு­க­ளும் வரும்­போது எதிர்­த­ரப்­பைக் குறை கூறி­விட்டு ஓடி­வி­டு­வது தலை­மைப் பண்பு அல்ல, அது ஏமாற்று வேலை.”

என்று குறிப்­பிட்­ட­தற்கோ, அல்­லது:

“புதிய தலை­மைப் பொறுப்­பேற்ற ஒரு போட்­டி­யா­ளர் தன்­னால் இரண்டு வாரங்­க­ளா­கி­யும் போட்­டி­யைப் புரிந்­து­கொள்ள முடி­ய­வில்லை என்று சொல்­வது ஏற்­றுக்­கொள்­ளத்­தக்­க­தல்ல. உங்­க­ளுக்­கான ‘ஹனி ­மூன்’ காலம் (Honeymoon period) முடிந்­து­விட்­டது. அது ஒரு குறிப்­பிட்ட நாட்­கள்­தான். அதை அப்­ப­டியே வைத்­துக்­கொண்டு காலத்தை ஓட்ட முடி­யாது.”

என்று சொன்­ன­தற்கோ, ஏதோ எதிர்க்­கட்­சித் தலை­வர் விடுக்­கும் அறிக்­கை­யைக் கண்டு பத­று­வது போலத் த.வெ.க.வினர் பத­று­கின்­ற­னர்.

ஆனால், அவர் கரூர் படு­க­ளத்தை விட்டு ஓடி வந்­தது குறித்­துத் தமி­ழக வெற்­றிக் கழ­கத்­தின் தலை­வர் விஜ­யி­டம், “தலை­மைத்­து­வப் பண்பே இல்லை” (Leadership of poor quality) என்று சென்னை உயர் நீதி­மன்­றம் கடு­மை­யாக விமர்­சித்­தது. மேலும் பொது­வெ­ளி­யில் அவ­ரது பேச்­சு­கள், செயல்­கள், எதிர்க்­கட்­சி­கள் மீது செய்­யும் அவ­தூ­று­கள், ஊட­கங்­க­ளைச் சந்­திக்க மறுப்­பது, பா.ஜ.­க.­விற்கு அஞ்சி நடுங்­கு­வது, எந்­த­வொரு தொலை­நோக்­குத் திட்­ட­மும் இல்­லாமை, வெறுப்பு அர­சி­யல் என அவ­ரது தலை­மைப் பண்­பின்­மைக்கு ஏரா­ள­மான உதா­ர­ணங்­கள் இருக்­கின்­றன.

மக்­கள் மன்­றத்­தின் தீர்ப்பு

ஆட்­சிக்கு வந்து நான்கு மாதங்­க­ளா­கி­விட்­டன. எந்­தப் பிரச்­சி­னை­யும் தீர்க்­கப் ­ப­டா­தது மட்­டு­மன்றி, அவை மிக­வும் பெரி­தா­கி­விட்­டன. 2,500 ரூபாய் மக­ளிர் உரி­மைத் தொகை, வேலை­யில்லா இளை­ஞர்­க­ளுக்கு ஊக்­கத்­தொகை, அனைத்­துப் பேருந்­து­க­ளி­லும் மக­ளி­ருக்கு கட்­ட­ண­மில்லா பேருந்து என்ற வாக்­கு­று­தி­க­ளைப் பற்­றி­யெல்­லாம் பேச்சே இல்லை. மின்­கட்­ட­ணக் கொள்ளை மக்­க­ளைக் கொதிப்­ப­டை­யச் செய்­தி­ருக்­கி­றது; ஆவின் பால் தட்­டுப்­பாடு- மின் தட்­டுப்­பாடு- விலை­வாசி உயர்வு தமி­ழ­க­மெங்­கும் நில­வு­கி­ற­து­ கு­தி­ரைப் பேரத்­தால் கொண்­டு­வ­ரப்­பட்ட இடைத்­தேர்­தல் ஜன­நா­ய­கத்தை படு­கு­ழி­யில் தள்­ளி­யி­ருக்­கி­றது.

மக்­க­ளி­டம் இனி­யும் “நாங்­கள் புதி­ய­ வர்­கள்” என்று சொல்லி ‘ரீல்’ (Reel) ஓட்ட முடி­யாது என்­பது அவர்­க­ளுக்­குத் தெரி­யும். அத­னால்­தான், “உங்­கள் ‘ஹனி­மூன்’ காலம் முடிந்­து­விட்­டது” எனப் பிக்­பாஸ் நிகழ்ச்­சி­யில் விஜய் சேது­பதி சொன்­னால் இவர்­க­ளுக்­குப் பத­று­கி­றது.

ஐயா, நீங்­கள் விஜய் சேது­பதி மீது கோபப்­பட்­டுப் பய­னில்லை. நீங்­கள் ஆட்சி நடத்­த­வில்லை, பிக்­பாஸ் நிகழ்ச்சி நடத்­திக்­கொண்­டி­ருக்­கி­றீர்­கள்! நீங்­கள் இருக்­க­வேண்­டி­யது கோட்­டை­யில் அல்ல; பிக்­பாஸ் வீட்­டில்!

யார் மீது யார் கல்­லெ­றிந்­தா­லும் அது உங்­கள் மீது எறி­யப்­பட்­ட­தா­கப் பயம் வரு­கி­றது என்­றால், மக்­கள் கல்­லெ­றி­யும் காலம் வரு­கி­றது என்­று­தான் பொருள்!