சென்னை, செப்.23–
5 மாத த.வெ.க.கூட்டணி ஆட்சியில் நாளொரு மேனி யும் பொழுதொரு வண்ண முமாக சர்ச்சைகள் வந்து கொண்டிருக்கிறது என்று ‘தினகரன்’ நாளேடு தலை யங்கத்தில் விமர்சித்துள்ளது.
இது குறித்து 22.9.2026 தேதிய ‘தினகரன்’ நாளேடு தலையங்கத்தில் கூறப்பட்டி ருப்பதாவது:–
தமிழ்நாட்டில் த.வெ.க. தலைமையிலான கூட் டணி ஆட்சி அமைந்து 5 மாதங்கள் கூட முடிய வில்லை. ஆனால் ஆட்சியில் சர்ச்சைகள் நாளொரு மேனியும் பொழுதொரு வண்ணமுமாக வெளிவந்து கொண்டிருக்கிறது. பாலியல் புகார், போதைப்பொருள் கடத்தல், ரீல்ஸ் சர்ச்சை என த.வெ.க. நிர்வாகிகள் மீது பல்வேறு குற்றச்சாட்டு கள் அணிவகுத்துள்ளன.
பழநி கோயிலுக்கு சொந்தமான பல கோடி ரூபாய் மதிப்பிலான நிலம் தனிநபர் பெயரில் சட்ட விரோதமாக பத்திரப்பதிவு செய்தது அரசியலில் பெரிய அதிர்வுகளை ஏற்படுத்தியது. சில த.வெ.க. பிரமுகர்கள் மற்றும் அதிகாரிகளுக்கு தொடர்பு இருப்பதாக எதிர்க்கட்சிகள் குற்றம் சாட்டின.
முக்கிய குற்ற வழக்குகளில் சில த.வெ.க. நிர்வாகி கள் சிக்கியது மற்றும் கைதுசெய்யப்பட்டது விவாதமானது.
மேலும், அரசு பள்ளிகள் மற்றும் அரசு சார்ந்த நிகழ்ச்சிகளில் த.வெ.க, நிர்வாகி களின் தலையீடு மற்றும் செயல்பாடுகள் உருவாகின. முதல்வர் விஜய் மேட்டூர் அணை மதகுகளை திறக்கச் சென்றபோது பாதுகாப்பு மற்றும் பயண ஏற்பா டுகளுக்கு பல கோடி ரூபாய் செலவிடப்பட்டது. த.வெ.க. ஆட்சியில் ஒரு நாளைக்கு8. 9 கொலைகள் என செய்திகள் வந்து கொண்டிருக்கிறது. இதனால் சட்டம்-ஒழுங்கு சீர்குலைந்து விட்டதாகவும், ஊழல் அதிகரித்து விட்டதாகவும் எதிர்க்கட்சி தலைவர்கள் பகிரங்கமாக குற்றம் சாட்டியுள்ளனர்.
லண்டனுக்கு அரகமுறைப் பயணம் மேற் கொண்ட முதல்வர் விஜய் முன்னிலையில், தமிழகத்தில் சுமார் ரூ15,300 கோடி முதலீட்டு ஒப்பந்தங்கள் கையெழுத்தானதாக தமிழக அரசு தெரிவித்தது. இந்தியாவில் அல்லது ஏற்கனவே தமிழகத்தில் செயல்பட்டு வரும் இந்திய நிறுவனங்களுடன் (சம்வர்தனா மதர்சன் நிறுவனம்) ஒப்பந்தம் செய்வதற்கு எதற்காக அரசு பணத்தில் லண்டன் செல்ல வேண்டும் என்று கேள்விகள் எழுகின்றன.
மதுரை மீனாட்சி அம்மன் கோயிலில் சமீபத்தில் நடந்த கும்பாபிஷேக விழாவில் பல சர்ச்சைகள் உருவாகி உள்ளது. விழாவில் பக்தர்களை அனுமதிக்காதது, வி.ஜ.பி.க்களுக்கான பாஸ்களை சினிமா பிளாக் டிக்கெட் போல் விற்றது. கூட்ட நெரிசல் மற்றும் முறையான ஏற்பாடுகள் செய்யாதது போன்ற குறைபாடுகள் குறித்து கூட்டணிக் கட்சியான மார்க்சிஸ்ட் கம்யூனிஸ்ட் கட்சி கண்டனம் தெரி வித்துள்ளது. மாநிலத்தின் பல்வேறு பகுதிகளில் அறிவிக்கப்படாத மின்வெட்டு பிரச்சினை விஸ்வருபம் எடுத்துள்ளது.
சென்னை பட்டினப்பாக்கத்தில் புதிய தலைமை செயலகம் மற்றும் சட்டமன்றம் அமைப்பதற்கு அப்பகுதி மீனவ மக்கள் கடும் எதிர்ப்பு தெரிவித்து வருகின்றனர். இவ்விவகாரம் தொடர்பாக தமிழக அரசு வெளியிட்டுள்ள அரசாணை அவசர கோலத்தில் இயற்றப்பட்டது என மார்க்சிஸ்ட் கம்யூனிஸ்ட் மாநில செயலாளர்சண்முகம் விமர்சித்துள்ளார். த.வெ.க.அரசுக்கு நிபந்தனையற்ற ஆதரவை
வழங்கவில்லை என்றும், மக்கள் விரோத கொள்கைகளை தொடர்ந்து செயல்படுத்தினால் ஆதரவை திரும்ப பெற வேண்டிய நிலை வரும் என எச்சரித்துள்ளார். இது போன்று மற்றொரு கட்சியான இந்திய கம்யூனிஸ்ட் கட்சியும், அரசின் செயல்பாடுகளை கடுமையாக விமர்சனம் செய்து வருகிறது.
சென்னை மீனம்பாக்கம் விமான நிலையத்தை நிர்வகித்து வரும் இந்திய விமான நிலைய ஆணையத்துக்கு பதிலாக வேறு தனியார் நிறுவனத்தைநிர்வாகியாக நியமிக்க வேண்டும் என்று பிரதமர் நரேந்திர மோடிக்கு முதல்வர் விஜய், ரகசிய கடிதம் எழுதியதாக தகவல்கள் வெளியாகியுள்ளன. அதற்கு எந்த மறுப்பும் த.வெ.க. அரசு தெரிவிக்கவில்லை. த.வெ.க. அரசின் கூட்டணி கட்சிகளும் கடும் எதிர்ப்பை தெரிவித்துள்ளன. மொத்தத்தில் முதல்வர் விஜய் தலைமையிலான கடந்த 5 மாத ஆட்சி சர்ச்சை நிரம்பிய அரசாக இருந்து வருகிறது.
இவ்வாறு அதில் கூறப்பட்டுள்ளது.