#Title

45 நிமிடம் பேசிய ஆதவ் அர்ஜுனாவால் 4 நிமிடம் கூட த.வெ.க. ஆட்சியின் சாதனையைச் சொல்லி வாக்கு கேட்க முடியவில்லை! ஆள் இல்லாத கடைக்கு டீ ஆத்தும் ஆதவ் –- - இ.பரந்தாமன் பதிலடி!

சென்னை, செப்.23–

தேர்தல் பிரச்சாரத்தில் 45 நிமிடம் பேசிய ஆதவ் அர்ஜூனாவால், 4 நிமிடம் கூட த.வெ.க. ஆட்சியின் சாதனையை பற்றி சொல்லி வாக்கு கேட்க முடியவில்லை என்று இ.பரந்தாமன் கூறினார்.

மதுராந்தகம் தி.மு.க. வேட்பாளர் ஐ.பரந்தாமன் காலை நிருபர்களிடம் கூறியதாவது:–

த.வெ.க. கட்சியை சேர்ந்த ஆதவ் அர்ஜுனா, மதுராந்தகம் சட்டப்பேரவை தொகுதிக்கு அந்த கட்சியினுடைய தேர்தல் பொறுப்பாளராக இருந்து பணியாற்றுவதற்காக அந்த கட்சி நிர்வாகிகள் மத்தியிலே ஒரு நீண்டதொரு உரையாற்றி இருக்கிறார். 45 நிமிடம் அவர் உரையாற் றினார் என்பதை விட,45 நிமிடம் வாந்தி எடுத்தார் என்று தான் நான் சொல்ல வேண்டும்.

ஏனென்றால், ஆட் சிக்கு வந்து நான்கு மாதம் ஆகிறது. 44 நிமிடங்களில் நான்கு நிமிடம் கூட தன்னுடைய ஆட்சி சாதனை யைச் சொல்லி ஓட்டு கேட்கறதுக்கு வக்கு இல்லை. 44 நிமிடமும் திமுகவையும், திமுக தலைவரையும்,எதிர்கட்சித் தலை வரையும், திமுக சார்பாக வந்து இங்கே தேர்தல் பணி ஆற்றி யிருக்கக்கூடிய முன்னாள் அமைச்சர்களைப் பற்றி தான் ஒப்பாரி வச்சிருக்கிறாரே தவிர, அமைச்சர் ஆதவ் அர்ஜுனா தங்களுடைய சொந்த செல்வாக் கையோ, தங்களுடைய ஆட்சி திட்டங்களைப் பற்றி விளக்கி சொல்வதற்கோ எதுவுமே இல்லை.

சட்டியில் இருந்தால் தானே அகப்பையில் வரும் என்று சொல்வார்கள். அந்த மாதிரிதான் காலி பாத்திரம் டப டப டப டன்னு சத்தம் போட்டுட்டு நேற்றுமதுராந்தகத்தில் இருந்து போயிருக்கிறது. அவர் கேட்கிறார், உதயநிதி ஸ்டாலின் கலைஞரின் பேர னாதான் இருக்காரு, அவர் என்ன கீழே இருந்து கஷ்டப்பட்டு வந்தாரான்னு கேட்கிறாரு.

கலைஞரின் பேரன் என்று சொல்வதில் நாங்கள் பெருமைப்படுகிறோம். அவர் கலைஞரின் பேரன் இல்லாம வேற யாரு பேரன்? அவருக்கு ஒரு வரலாறு இருக்கிறது, ஒரு அடையாளம் இருக்கிறது. ஆதவ் அர்ஜுனாவுக்கு என்ன அட்ரஸ் இருக்கிறது? ஆதவ் அர்ஜுனானா த.வெ.க. வில், ஆதிகாலத்தில இருந்து கஷ்டப்பட்டு அந்த கட்சிக்கு வந்தாரா? தவெகவில இருக்கக்கூடிய ரசிகர்கள் எல்லாம் போஸ்டர் ஒட்டி, அந்த ரசிகர் மன்றத்தில நற்பணிகளை செஞ்சாங்கன்னு சொன்னாங்களே, அந்த மாதிரி வந்தாரா?

எத்தனை கட்சி மாறியவர், எடப்பாடி பழனிசாமி சொன்ன மாதிரி கட்சிக்கு அங்கங்க குத்தகை எடுத்துட்டு வராரு. அவரெல்லாம் உதயநிதி ஸ்டாலினைப் பற்றி பேசுவதற்கு கொஞ்ச மும் அருகதை இல்லை. “ஊரா நெய்யில் ஸ்வீட் செய்யாதீங்க சிஎம் சார்” என்று முதல்வர் விஜய் தனது தேர்தல் பிரச்சாரத்தின் போது பேசினார். நான் கேட்கி றேன், இந்த மதுராந்தகம் தொகுதியினுடைய தவெக வேட்பாளர் யார் சார்? ஊரான் வீட்டு நெய் சார். உங்க கட்சியில் யாருமே வேட்பாளர் இல்லையா? அ.தி.மு.க.வில் இருந்து நீங்க பொட்டி கொடுத்து தூக்கிட்டு வந்து வச்சு இன்றைக்கு வேட்பாளரா போட்டு இருக்கீங்களே?.

உங்க கட்சிக்காரங்க எல்லாம் இன்னைக்குமனவருத்தத்தில இருக்கிறார்கள். நாங்கள் எவ்வ ளவு தூரம்போஸ்டர் ஒட் டுனோம், நாங்க எவ்வளவு தூரம் கொடி கட்டினோம், நாங்க எவ்வளவு தூரம் பாலாபிஷேகம் பண்ணிணோம், ஆனால் எங்களுக் கெல்லாம் சீட் கொடுக்க வில்லை.

ஊரான் வீட்டு நெய்யில ஸ்வீட் செய்றாரு எங்க தலைவர்ன்னு உங்க கட் சியைப் பார்த்து கேள்வி கேட்கிறார்கள். அதுமட்டுமல்ல, ரொம்ப அருமையான ஜோக் ஒன்று சொன்னார். இங்க அக்கா சொன்னாங்களாம், ‘மதுராந்தகத்தில் தண்ணீர் பிரச்சனைஇருக்கிறது. அதை தீர்க்கறது நம்ம நீர் வளத்துறை அமைச்சரே வந்துவிட்டார், தண்ணீரும் வந்துவிடும்’ என்று அந்த அமைச்சரை காட்டி சொன்னாராம்.

நீர்வளத்துறை அமைச்சர் வந்தா நீர் வந்துருமா? நீங்க நான்கு மாத்தில் ஜூன் மாசம் 12ம் தேதி அன்று மேட்டூர் அணையை திறக்கிறதுக்கே உங்களால் முடி ய வில்லை. நீங்க மதுராந்தகத்துல எப்படி தண்ணிய கொண்டு வந்து சேர்க்க போறீங்க? அதுமட்டுமல்ல டாஸ்மாக்கில் ஊழல் செஞ்சிருக்காங்க, பாட்டிலுக்கு 20 ரூபா வாங்கிட்டு இருக்கீங்கன்னு உங்கள் அமைச்சரே சொல்றாரு, ஊழலைப் பற்றி நீங்கள் பேசலாமா?

அதைவிட கொடுமை என்னவென்றால், ஓட்டுக்கு பணம் கொடுக்கிறார்கள் என்று சொல்லி திமுககாரங்களை பற்றி பொய் -பிரச்சாரம் செய்ய வருகிறார். இதை சொல்வதற்கு ஆதவ் அர்ஜுனாவுக்கு எங்கயாவது துளியும் தார் மீக உரிமை உள்ளதா? ஒரு எம்எல்ஏவை கோடிக்கணக்கில பணம் கொடுத்து விலைக்கு வாங்கிய நீங்கள் எல்லாம் திமுகவினரை பார்த்து பர்சேஸ் பண்ண வருகிறார்கள் என்று சொல்வதற்கு உங்களுக்கு என்ன சார் ரைட் இருக்கு? அதி முகவில் இருந்து தேர்ந்தெடுக்கப்பட்ட எம்எல்ஏவை விலைக்கு வாங்கினீர்கள்.

அதைவிட வெட்கம் என்ன? ‘‘ஆளும் வளரணும், அறிவும் வளரணும், அது தாண்டா வளர்ச்சி” என்று பட்டுக்கோட்டை சொல்லியிருக்கிறார். ஆளுதான் வளர்ந்திருக்கார், அறிவு வளர்ந்திருக்கா இல்லையா என்று நான் சொல்ல தேவையில்லை, மதுராந்தகத்தில் உள்ள மக்களும் சரி, தமிழ்நாட்டு மக்களும் சரி, உங்களுடைய நடவடிக்கை யைப் பார்த்து தெரிந்து கொள்வார்கள்.

அதனால் தான் சொல்றேன், தயவு செய்து தேர்தல் பணி ஆற்ற வந்த தவெக்கட்சிக்காரர்கள், அமைச்சர்கள் எல்லாம் உங்கள் சாதனையைச் சொல்லி ஓட்டு கேளுங்கள். திமுகவை திட்டுவதில் ஒரு பிரயோஜனமும் கிடை யாது.’உதயநிதி எல்லாம் ஒரு பெரிய ஆளே இல்லை? ‘நாங்க கைது பண்ணல், கைது பண்ற அளவுக்கு அவர் பெரியஆளு கிடையாது’ என்று சொல்லி இருக்கிறீர்கள்.

கைது செய்த போது, உதயநிதி ஸ்டாலினிடம் கையெழுத்து வாங்கும் போது அருகில் நான் தான் இருந்தேன் உயர்நீதிமன் றத்தில் நீதிபதிகள் கேட்ட போது, “நாங்கள் அவரை கைது பண்ண வில்லை என்று சொல்லி பின்னங்கால் பிடறியில் பட ஓடி என்று நீதிமன்றத்தில் சொன்ன வாசகம் பதிவாகியுள்ளது.இதை எல்லாம் நீங்கள் தெரிந்து பேச வேண்டும்.

ஏதோ மதுராந்தகத்தில் வந்து உட்கார்ந்து கிட்டு பொய்யா பேசினா உங்களுக்கு ஓட்டு போட் டுருவோம்னு நினைக்காதீங்க. இந்த 4 மாத ஆட்சி மக்களுக்கு மிகப்பெரிய ஒரு வேதனையைக் கொடுத்துள்ளது. கரண்ட் பில் அதிகமாக வருகிறது, கரண்ட் அடிக்கடி கட் ஆகிறது. ஏரி வேலை செய்தவர்களுக்கு இன்னும் கூலி கொடுக்க வில்லை.

நான் செல்கிற இடமெல்லாம் மக்கள் சொல்கிறார்கள், சர்க்கரை விலை ஏறியதால் டீ கடையில்போய் டீ, காபி வாங்கி குடிக்க முடியவில்லை. அந்த அள வுக்கு விலை ஏறிவிட்டது. கரண்ட்ட தொட்டாதான் ஷாக் அடிக்கும், ஆனால் கரண்ட் பில்லை பார்த் தாலே ஷாக் அடிக்கிறது. உங்கள் ஆட்சியின் லட்ச ணம் இது தான். நாவடக் கம் தேவை, தேர்தல் பணி களை மட்டும் பாருங்கள். தேவையில்லாமல் சீண்டினால் தெரு தெருவாக நான் உங்களை பற்றி பேச வேண்டி வரும். 75 ஆண்டு கால கட்சியை பேக்பண்ணி விட்டதாக ஆதவ் பேசியுள்ளார். மதுராந்தகத்தில் தவெகவுக்கு வேட்பாளர் இல்லையே. ஏன் அதிமுக வேட்பாளர் பர்சேஸ் பண் ணினார்கள்.

75 ஆண்டு காலம் கட்சியில் அக்மார்க் தொண்டனுக்கு சீட் கொடுக்கிறார் கள், தவெகவுக்கு ஆளே இல்லை, அதனால் தான் ஆன் இல்லாத கடைக்கு டீ ஆத்துறாகு ஆதவ். என்னுடைய வெற்றி தமிழ்நாட்டில் அரசியல் மாற்றத்தை ஏற்படுத்தும். இவ்வாறு அவர் கூறினார்.