நியூயார்க், செப். 24–
அமெரிக்காவில் முதல் முறையாக நியூசெர்சி மாநிலத்தில் அமெரிக்க தமிழர்களால் செப்டம்பர் மாதம் 19 & 20 தேதிகளில் “திராவிட நாள்” கருத்தரங்கு “திரைகடல் ஓடியும்
திராவிடம் தேடு” என்னும் கருப்பொருளில் மிகச் சிறப்பாக கொண்டாடப்பட்டது. இக்கருத்தரங்கையொட்டி அமெரிக்காவில் நியுசெர்சி, சிகாகோ,
அட்லாண்டா, டாலஸ், சான்பிரான்ஸ்கோ, வாசிங்கடன் DC ஆகிய நகரங்களில் பெரியார் பிறந்த நாள் நடை ஓட்டமும் நடைபெற்றது.
அமெரிக்காவில் இயங்கும் திராவிட அமைப்புகளான வெளிநாடு வாழ் தமிழர் இந்தியர் நலச் சங்கம் (NRTIA - USA), பெரியார் பன்னாட்டமைப்பு, பெரியார் அம்பேத்கர் படிப்பு வட்டம் (PASC) ஆகிய அமைப்புகள் இணைந்து நடத்திய “திராவிட நாள்” கருத்தரங்கில் மூத்த ஊடகவியலாளரும் தமிழ்க் கேள்வி செந்தில்வேல் அவர்கள் சிறப்பு விருந்தின ராக கலந்து கொண்டார் இக்கருத்தரங்கை குழுவின் தலைவர் மருத்துவர் சோம.இளங்கோவன், செயலாளர் நியு செர்சி பாலா, பொருளாளர் இரவி பெருமாள்சாமி ஆகியோர் ஒருங்கிணைத்தனர்.
செப்டம்பர் மாதம் என்பது பகுத்தறிவு பகலவன் தந்தை பெரியார் அவர்களின் பிறந்த நாள், பேரறிஞர் அண்ணா அவர்களின் பிறந்த நாள், திராவிட முன்னேற்ற கழகம் துவங்கிய நாள் என பலச் சிறப்புகளை கொண்ட முப்பெரும் விழாவாக இக்கருத்தரங்கு நடைபெற்றது.
கருத்தரங்கை திராவிடர் கழகத்தின் பிரச்சாரச் செயலாளர் வழக்கறிஞர் அருள்மொழி அவர்கள் திராவிடத்தின் சிறப்புகளை கூறி கருத்தரங்கை துவக்கி வைத்தார்.
கருத்தரங்கிற்கு திராவிடர் கழகத்தின் தலைவர் தமிழர் தலைவர் ஆசிரியர் அவர்கள் தமிழர்கள் திராவிடத்தை நாட வேண்டிய அவசியம் என்றும், எதிர்க்கட்சித் தலைவர் “உதயநிதி ஸ்டாலின்” அவர்கள் இன்றைய சூழலில் அனைவரும் திராவிட கொள்கைகளை, தமிழர்களுக்கு அதனால் ஏற்ப்பட்ட பயன்களை நாம் அனைவருக்கும் சொல்ல வேண்டிய கட்டாயம் இருப்பதை சொல்லி திராவிடம் வெல்லட்டும் எனக் கூறி வழங்கிய வாழ்த்து செய்தி ஒலிப்பரப்பட்டது.
1. கருத்தரங்கில் பத்து வயது நிரம்பிய ஆதவன் “We are Dravidians” என்னும் தலைப்பில் பேசினார்.
2. திராவிட இனத்தின் வரலாறாக அயோத்திதாச பண்டிதர் காலத்திலிருந்து, நீதிகட்சி, தந்தை பெரியார், திராவிடர் கழகம், திராவிட முன்னேற்ற கழகம் ஆகியவற்றால் தமிழினத்திற்கும், தமிழ் மொழிக்கும் தமிழ்நாட்டிற்க்கும் ஏற்பட்ட பயன்களை அம்பேத்கர் கிங் ஸ்டி சர்க்கிள் அமைப்பை சேர்ந்த கார்த்தி, மருத்துவர் சோம இளங்கோவன், ம.வீ.கனிமொழி, நியுசெர்சி பாலா, இரவி ஆகியோர் விரிவாக எடுத்துரைத்தனர்.
3. குழந்தைகள் திராவிட தலைவர்களை ஓவியமாக்கும் போட்டி, இளம் பருவ வயதினரான சிகாகோ ஹரி, லண்டன் மீரா ஆகியோர் திராவிட கொள்கைகளின் சிறப்பு களை இந்த கால தலைமுறைக்கு ஏற்றவாறு சமூக வலைதளங்களில் செயல்படுவதை விளக்கினர்.
4. இறுதியாக தமிழ்க் கேள்வி செந்தில்வேல் அவர்கள் திராவிட இனத்தால் தமிழ் சமூகம் அடைந்த பயன்களை, அதன் கொள்கைகளை நம் குடும்பத்தில் பேச வேண்டிய அவசியத்தையும், அடுத்த தலைமுறைக்கு இதை எடுத்த செல்லவேண்டிய கடமை நம் அனைவருக்கும் இருப்பதைமிகச் சிறப்பாக எடுத்துரைத்தார்.
இக்கருத்தரங்கிற்கு லண்டன், அமெரிக்காவின் நியுயார்க், நியுசெர்சி, டெலவேர்,
பென்சில்வேணியா, விர்ஜீனியா, கரோலினா, மில்வாக்கி, டாலஸ் ஆகிய மாநி
லங்களிலிருந்து அமெரிக்க
தமிழர்கள் குடும்பங்களோடு கலந்து கொண்டனர்.
இறுதியாக இவ்விழாவை ஒவ்வொரு ஆண்டும் தொடர்ந்து அமெரிக்காவில் நடத்துவோம் என்றும், திராவிட கொள்கைகளை அடுத்த தலைமுறைகளுக்கு கொண்டு செல்வோம்என ஒவ்வொருவரும் உறுதி கூறினர்.
தாராபுரம் சட்டமன்றத் தொகுதி இடைத்தேர்தலில் போட்டியிடும் கழக வெற்றி வேட்பாளர் எஸ்.சுகன்யாவை ஆதரித்து பிரச்சாரம் மேற்கொள்ள 15, 16, 20 வார்டுகள், வாக்குச்சாவடி எண்கள் 163, 164, 165 க்குட்பட்ட வாக்குச் சாவடி நிலை முகவர்கள், உறுப்பினர்கள், வட்டக் கழக நிர்வாகிகள், சார்பு அணிகளின் மாவட்ட, நகர, பகுதி, வட்டக் கழக அமைப்பாளர்கள், துணை அமைப்பாளர்கள் ஆலோசனைக் கூட்டம் நகர துணை செயலாளர் வெ.கமலக்கண்ணன் தலைமையில், நகர செயலாளர் எஸ்.முருகானந்தம் முன்னிலையில் நடைபெற்றது. இக்கூட்டத்தில் திருப்பூர் வடக்கு மாநகர கழகப் பொறுப்பாளர் ஈ.தங்கராஜ் உரையாற்றினார். இதில் திருப்பூர் மாநகராட்சி மண்டலதலைவர் தம்பி ஆர்.கோவிந்தராஜ், வி.வி.ஜி.காந்தி மாமன்ற உறுப்பினர் வெ.ராதாகிருஷ்ணன், மாநகர துணைச் செயலாளர்கள் ராமசாமி, செங்குட்டுவன், பொருளாளர் சரவணக்குமார், வட்டக் கழக செயலாளர் நல்ல சேனாதிபதி, பிரதிநிதிகள் கோவிந்தராஜ், கலைச்செல்வி, சக்திவேல், ரத்தன் சிங், ரவீந்திரன், வாக்குச்சாவடி நிலை முகவர்கள் அருண்குமார், ரவீந்திரன், செல்லப்பன் உள்பட பலர் கலந்து கொண்டனர்.