கிருஷ்ணகிரி புதிய பேருந்து நிலையம், அண்ணா சிலை அருகில் ஒன்றிய மற்றும் மாநில அரசுகளைக் கண்டித்து தொழிலாளர் முன்னேற்ற சங்க (தொ.மு.ச) கவுன்சில் சார்பில் மாபெரும் கண்டன ஆர்ப்பாட்டம் நடைபெற்றது. ஆர்ப்பாட்டத்திற்கு கிருஷ்ணகிரி தொ.மு.ச. மாவட்ட கவுன்சில் செயலாளர் கோபாலகிருஷ்ணன் தலைமை தாங்கினார். மாவட்ட கவுன்சில் துணைத் தலைவர் பார்த்திபன் வரவேற்புரையாற்றினார். மாநில கூட்டுறவு வங்கி பொதுச் செயலாளர் சண்முகசுந்தரம் சிறப்புரையாற்றினார். ஆர்ப்பாட்டத்தில் மக்கள் விரோத, தொழிலாளர் விரோத, விவசாய விரோத மற்றும் ஜனநாயக விரோதப் போக்கைக் கடைப்பிடிக்கும் ஒன்றிய மோடி அரசையும், மாநில விஜய் (த.வெ.க.) அரசையும் கண்டித்து கோஷங்களை எழுப்பினர் இந்தக் கண்டன ஆர்ப்பாட்டத்தில் முன்னாள் சட்டமன்ற உறுப்பினர் கிருஷ்ணமூர்த்தி, மாநில அமைப்பு சாரா மோகன், வெங்கடேசன், சுதாகர் ரவிச்சந்திரன், இளவரசன், பரமசிவம், சிவக்குமார் , யசோதா, முத்துசாமி மற்றும் அற்புதராஜ் உள்ளிட்ட பல்வேறு துறைகளைச் சேர்ந்த பிரதிநிதிகள் கலந்துகொண்டனர். முடிவில் மாவட்ட கவுன்சில் பொருளாளர் கிருஷ்ணமூர்த்தி நன்றியுரை ஆற்றினார்.