சென்னை, செப். 24–
தி.மு.க.சட்டத்துறை துணைச் செயலாளர் வழக்கறிஞர் என்.மருதுகணேஷ் நேற்று முன்தினம் (22.9.2026), சென்னை பெருநகர காவல்துறை ஆணையரை நேரில் சந்தித்து இன்ஸ்டா சமூக வலைதளத்தில் Prawin tvk, vivekalaga rsamy and Sai Jegadheesh என்ற பெயlர்களில் உள்ள மூன்று பேர் தவெக அமைச்சர்கள் சிலர் தூண்டுதலின் பேரில் திராவிட முன்னேற்ற கழக அமைப்புச் செயலாளர் ஆர்.எஸ்.பாரதி அவர்கள் குறித்தும், திமுக குறித்தும், அவதூறு பரப்பு வகையில் பொய்ச் செய்தி வெளியிட்டவர்கள் மீது நடவடிக்கை எடுக்க கோரியும், அத்தகைய பொய்யாக பொய்ப் பதிவுகளை வலைதளத்திலிருந்து உடனடியாக அகற்ற வேண்டியும் புகார் மனுஅளித்தார்.
அந்த புகார் மனுவில் மருதுகணேஷ் கூறியிருப்பதாவது:
நான் திராவிட முன்னேற்றக் கழகத்தின் சட்டத்துறை துணைச் செயலாளர் பொறுப்பு வகித்து வருகிறேன், மேலும் சென்னை உயர் நீதிமன்றத்தில் வழக்கறிஞராக பணியாற்றி வருகிறேன்.
நேற்று முன்தினம் மதியம் சென்னை அண்ணா அறிவாலயத்தில் எங்களது கழக அமைப்புச் செயலாளரும், மூத்த வழக்கறிஞருமான ஆர்.எஸ்.பாரதி அவர்கள்செய்தியாளர் சந்திப்பின் போது, ஜெம் கிரானைட் அதிபர் வீரமணி அவர்கள் மீதுள்ள வழக்கு குறித்து கேட்டதற்கு, தி.மு.க. ஆட்சியின்போது எடுக்கப்பட்ட நடவடிக்கைகளையும், மிகத் தெளிவாக செய்தியாளர்களிடம் கூறினார்கள். இது அனைத்து ஊடகங்களிலும், செய்தித்தாள்களிலும் வெளிவந்துள்ளது.
இந்நிலையில் நேற்று முன்தினம் இரவு இன்ஸ்டா சமூக வலைதளத்தில் Prawin tvk, vivekalaga rsamy and Sai Jegadheesh என்ற பெயlர்களில் உள்ள மூன்று பேர் தி.மு.க. மூத்த தலைவர் ஆர் எஸ் பாரதி அவர்கள் அளித்த பேட்டியினை திரித்து பொய்யான, அவதூறான தகவலை அவர் கூறியதாக கூறி வீடியோ பதிவாக வெளியிட்டுள்ளனர், மேலும் அந்த சமூக வலைதளப் பதிவுகளில் பதிவு செய்த அந்த நபர்கள் ஆர்.எஸ்.பாரதி அவர்கள் தெரிவிக்காத கருத்துக்களை தெரிவித்ததாகவும், மற்றும் கடந்த கால தி.மு.க. ஆட்சி குறித்து அவதூறாகவும், தி.மு.க. தலைவர்கள் மீதும், தி.மு.க. தொண்டர்கள் மீதும் உண்மைக்கு புறம்பான கருத்துக்களை கூறி, மிகவும் அசிங்கமான, இழிவான வார்த்தைகளால் திட்டி அந்தப் பதிவை வெளியிட்டுள்ளனர், இவ்வாறு பொய்யான தகவலை தெரிவித்த தோடு மட்டுமல்லாமல், “இனியும் நீங்க வேடிக்கை மட்டும் பார்ப்பீர்களா?” என பொதுமக்களை கலவரத்தை தூண்டும் வகையில் பேசியுள்ளார்கள். இவர்களது இந்த உண்மைக்குப் புறம்பான, பொய்யான சமூக வலைதளபதிவு களை ஆயிரக்கணக்கான பொதுமக்கள் பார்த்துள்ளனர், பார்த்தவர்கள் மனதில், மக்கள் மத்தியில் மிகவும் செல்வாக்கான நிலையில் உள்ள தி.மு.க.வின் மூத்த தலைவர் ஆர்.எஸ்.பாரதி அவர்கள் மீதும், தி.மு.க. மீதும், தி.மு.க. தலைவர்கள் தொண்டர்கள் மீதும், ஒரு தவறான கண்ணோட்டத்தை ஏற்படுத்தும் வகையில் அவரது இந்த பொய் வீடியோ பதிவு அமைந்துள்ளது, இதனால் திமுக மூத்த தலைவர் ஆர்.எஸ்.பாரதி அவர்களின் புகழுக்கும், தி.மு.க.வின் புகழுக் கும் களங்கம் ஏற்படும் என்ற அச்சம் உள்ளது.மேலும் இந்த சமூக வலைதள பதிவுகளில் அவர்கள் தெரிவித்துள்ள பொய்யான கருத்துகளால் தமிழ்நாட்டில் இருதரப்பினர் இடையே மோதல் உண்டாகி சட்டம் ஒழுங்கு சீர்குலையும் அபாயமும் உள்ளது. மேலும் மேற்கண்ட அந்த நபர்கள் வெளியிட்ட இன்ஸ்டா சமூக வலைதள பதிவுகளின் பின்னணி யில் இந்நாள் அமைச்சர்கள் சிலரின் தூண்டுதல் இருக்குமோ என்ற சந்தேகமும் உள்ளது.
எனவே தி.மு.க.வின் மூத்த தலைவரும், மூத்த வழக்கறிஞருமான ஆர்எஸ் பாரதி அவர்கள் மீதும், தி.மு.கழகத்தின் மீதும் பொய்யான, உண்மைக்கு புறம்பான கருத்துக்களை வெளியிட்ட இன்ஸ்டா சமூக வலைதளத்தில் Prawin tvk, vivek alagarsamy and Sai Jegadheesh என்ற பெயlர்களில் உள்ள மூன்று பேர் மீதும், இந்த பொய்யான கருத்துக்களை பதிவு செய்வதற்கு பின்னணியில் இருந்து தூண்டிய அமைச்சர்கள் யார் என்றும் கண்டறிந்து உரிய நடவடிக்கை எடுக்க வேண்டும் என்றும், மேலும் தி.மு.க.வின் மூத்த தலைவர் ஆர்.எஸ்.பாரதி அவர்கள் தெரிவிக்காத கருத்துக்களை, தெரிவித்ததாக கூறி பொய்யான உண்மைக்கு புறம்பான தகவல்களை இன்ஸ்டா சமூக வலைதளத்தில் Prawin tvk, vivek alagarsamy and Sai Jegadheesh என்ற பெயlர்களில் உள்ள மூன்று பேர்கள் வெளியிட்ட பதிவுகளை உடனடியாக நீக்கிட நடவடிக்கை எடுக்க வேண்டும் என்றும்;
இதைப்போலவே மற்ற ஊடகங்கள் மற்றும் சமூக வலைதளங்களில் உண்மைக்கு புறம்பானை செய்திகளையும், பதிவுகளையும் உடனடியாக நீக்கிட நடவடிக்கை எடுத்திட வேண்டுமென்றம் கேட்டுக்கொள்கிறேன்.
இவ்வாறு என்.மருது கணேஷ் தெரிவித்துள்ளார்.