புதுச்­சேரி, செப்.24–

புதுச்­சேரி தட்­டாஞ்­சா­வடி தொகுதி இடைத்­தேர்­த­லில் தி.மு.க. சார்­பில் போட்­டி­யி­டும் வேட்­பா­ளர் சேது­செல்­வத்தை ஆத­ரித்து அத்­தொ­கு­திக்கு உட்­பட்ட புதுப்­பேட்டை பகு­தி­யில் திமுக தேர்­தல் பொறுப்­பா­ளர் எஸ். ஜெகத்­ரட்­ச­கன் எம்.பி., துணைப் பொதுச் செய­லா­ளர் க. பொன்­முடி, மாநில அமைப்­பா­ளர் இரா. சிவா ஆகி­யோர் தலை­மை­யில் தி.மு.க. மற்­றும் கூட்­டணி கட்சி நிர்­வா­கி­கள் உத­ய­சூ­ரி­யன் சின்­னத்­திற்கு வாக்­கு­கள் சேக­ரித்­த­னர். அப்­போது ஏரா­ள­மான பெண்­கள் ஆரத்தி எடுத்­தும், பூக்­கள் தூவி­யும் தி.மு.க. வேட்­பா­ள­ருக்கு வர­வேற்பு அளித்­த­னர்.

பிரச்­சா­ரத்­தின் இடையேசெய்­தி­யா­ளர்­களை சந்­தித்து தி.மு.க. தேர்­தல் பொறுப்­பா­ளர் எஸ். ஜெகத்­ரட்­ச­கன் எம்.பி., சட்­ட­மன்ற பொது தேர்­த­லில் காங்­கி­ரஸ் போட்­டி­யிட்ட பல தொகு­தி­க­ளில் டெபா­சிட் இழந்­துள்­ளது. தமிழ்­நாட்­டில் திமுக இல்­லை­யென்­றால் காங்­கி­ரஸ் இல்லை. தட்­டாஞ்­சா­வடி தொகு­தி­யில் சாலை வசதி, கழி­வு­நீர் கால்­வாய், குடி­நீர் உள்­ளிட்ட அடிப்­படை வச­தி­கள் முறை­யாக இல்லை. மழை பெய்­தால் பல்­வேறு பகு­தி­க­ளில் மழை­நீர் தேங்கி நிற்­கி­றது. புதுச்­சே­ரி­யில் தற்­போ­தைய சட்­டம்-­ஒ­ழுங்கு மோச­மாக உள்­ளது. 3 நாட்­க­ளில் 3 கொலை­கள் நடை­பெற்­றுள்­ளது. தொகு­தி­யில்அடிப்­படை வச­தி­கள் மற்­றும் சட்­டம்-­ஒ­ழுங்கு பிரச்­சி­னை­க­ளுக்கு தீர்வு காண மாற்­றம் தேவை.

தட்­டாஞ்­சா­வடி இடைத்­தேர்­த­லில் விஜய் அலை வீசு­கி­றது என கனவு காண அனை­வ­ருக்­கும் உரிமை உள்­ளது. புதுச்­சே­ரி­யின் வளர்ச்­சிக்கு மாநில அந்­தஸ்து மிக­வும் அவ­சி­யம். புதுச்­சே­ரிக்கு தனி மாநில அந்­தஸ்து வழங்க வேண்­டும் என்­பதை வலி­யு­றுத்தி தி.மு.க. தலை­வர் மு.க. ஸ்டாலின் உத்­த­ர­வின் பேரில் உச்ச நீதி­மன்­றத்­தில்வழக்கு தொட­ரப்­பட்­டுள்­ளது.

இதன்­மூ­லம் புதுச்­சே­ரிக்கு தனி மாநில அந்­தஸ்தை பெற்­றுத்­தர நட­வ­டிக்கை மேற்­கொள்­ளப்­ப­டும். நாடா­ளு­மன்­றத்­தி­லும் புதுச்­சே­ரிக்கு மாநில அந்­தஸ்து வழங்க வேண்­டும் என தொடர்ந்து குரல் கொடுப்­போம்.

இவ்­வாறு ஜெகத்­ரட்­ச­கன் எம்.பி. கூறி­னார்.