#Title

“உட்காரக் கூட இடமில்லை” – எழும்பூர் மருத்துவமனையை முதல்வர் ஆய்வு செய்த லட்சணம் பாரீர்! நோயாளிகளின் உறவினர்கள் சரமாரி குற்றச்சாட்டு!

சென்னை, செப்.24 –

சென்னை எழும்பூரின் பாந்தியான் ரோடில் இருக்கக்கூடிய மகப்பேறு மருத்துவமனை 1844இல் கட்டப்பட்டது. சென்னை மட்டுமல்லாமல் சென்னையைச் சுற்றியிருக் கக்கூடிய மாவட்டங்களிலிருந்தும் ஏழை எளிய பெண்கள் இங்கே பிரசவத்துக்காக அனுமதிக்கப்படுகின்றனர். இந்த மருத்துவமனையில் அடிப்படை வசதிகள் முறையாக இல்லை எனச் சமூக வலைத்தளங்களில் தகவல் வெளியான நிலையில், முதல்வர் விஜய் இந்த மருத்துவமனைக்கு நேரில் சென்று ஆய்வு செய்திருந்தார். மகப்பேறுக்காக அனுமதிக்கப்பட்டிருந்தவர்களிடம் குறைகளையும் கேட்டிருந்தார்.

ஜூலை 8ஆம் தேதி முதல்வர் ஆய்வுக்குச் சென்ற நிலையில், இன்று அந்த மருத்துவமனைக்குச் சென்றிருந்தோம். பாந்தியன் ரோடில் உள்ள மருத்துவமனையின் நுழைவு வாயில் வழியே உள்ளே செல்லும்போதே அதிர்ச்சியாக இருந்தது. பேருந்து நிலையங்களி லும் ரயில் நிலையங்களிலும் விடுமுறை நாட்களில் கூட்டம் கூடி காத்திருப்பதைப் போல மருத்துவமனை வளாகத்தில் கூட்டம் காணப்பட்டது. நெருக்கியடித்துக் கொண்டு பேப்பர்களையும் போர்வைகளையும் விரித்து ஈ மொய்க்க மக்கள் தரையில் படுத்திருந்தனர். இன்னும் சிலர் அந்த நெரிசலுக்குள்ளும் கைக்குழந்தை யோடு அமர்ந்திருந்தனர்.

இரண்டு மாதங்களுக்கு முன்பு முதல்வர் இந்த மருத்துவமனையில் ஆய்வு செய்திருக்கிறார். சில தினங்க ளுக்கு மாநகராட்சி ஆணையர் மருத்துவமனையில் ஆய்வு செய்திருக்கிறார். ஆய்வுகள் தொடர்கின்றன. மக்களை அவதிப்படுத்தும் பிரச்சினைகள் தீரவில்லையே!