ம
க்கள் தந்த வெற்றியை செமத்தியான விலைக்கு விற்று, ஆளுங்கட்சிக்குத் தாவிய மதுராந்தகம், தாராபுரம் தொகுதி அ.தி.மு.க. சட்டமன்ற உறுப்பினர்களால்தான் இரண்டு தொகுதிகளிலும் இடைத்தேர்தல் திணி க்கப்பட்டுள்ளது. எம்.எல்.ஏ. மரணமடைந்தால் இடைத்தேர்தல் வருவதை மக்கள் பார்த்திருப்பார்கள். எம்.எல்.ஏ.க்கள் விலை போனதால் இடைத்தேர்தலை சந்திக்கும் அவல நிலையைத் தமிழ்நாடு இப்போதுதான் பார்க்கிறது. அதனால்தான், ஜனநாயகம் மரணமடைந்ததால் நடைபெறுகிற இடைத்தேர்தல் என்று கழகத் தலைவர் மு.க.ஸ்டாலின் அவர்கள் முப்பெரும் விழா உரையில் முத்தாய்ப்பாகச் சொன்னார்.
150 நாட்களுக்குள்ளாக, இரட்டை இலைக்குப் பதில் விசில் சின்னத்தில் போட்டியிட்டு வாக்கு கேட்கிறார்கள் த.வெ.க. வேட்பாளர்கள். தங்களால் விலைக்கு வாங்கப்பட்டவர்களையே களத்தில் நிறுத்தியிருக்கிறது ஊழலற்ற யோக்கியவான்கள் போலப் பேசும் விஜய் தலைமையிலான கட்சி. ஜனநாயகத்தை இந்தளவுக்கு கேலிக்கூத்தாக்கிய நிகழ்வை தமிழ்நாடு இதுவரை கண்டதில்லை.
மக்களை எந்தக் கட்சியும் இது போலக் கேவலப்படுத்த முனைந்த தில்லை.
இரண்டு தொகுதிகளிலும் த.வெ.க வேட்பாளர்கள் மக்களால் முற்றுகை
யிடப்படுகிறார்கள். விலை போனது பற்றி கேள்வி கேட்கிறார்கள். த.வெ.க ஆட்சியின் நிர்வாக சீர்கேடுகளை வெளிப்படையாகப் பேசுகிறார்கள். மின்வெட்டு, விலையேற்றம், குடிநீர்த் தட்டுப்பாடு போன்ற அன்றாட நெருக்கடிகளை முன்வைத்து முறையிடுகிறார்கள். எதற்கும் பதில் சொல்ல முடியாத நிலையில்
த.வெ.க வேட்பாளர்கள் நடையைக் கட்டுகிறார்கள்.
மதுராந்தகத்தில் வீராணம் குன்னம், சிறுதாம்பூர் உள்ளிட்ட இடங்களில் த.வெ.க வேட்பாளர் மரகதம் குமரவேலைமக்கள் விரட்டினர். தாராபுரத்தில் குண்டடம், வேடசந்தூர் கிராமம் ஆகிய இடங்களில் த.வெ.க. வேட்பாளர் சத்யபாமாவை மக்கள் விரட்டியுள்ளனர். த.வெ.க.வின் வேட்பாளர்களை மக்கள் விரட்டியடிப்பது தொடர்ந்து கொண்டே இருக்கிறது.
ஆட்சிக்கு வந்த இவ்வளவு குறுகிய காலத்தில் மக்களின் கடும் அதிருப்தியினால் வெளிப்படையான எதிர்ப்பை சந்திக்கும் கட்சி த.வெ.க.தான். அனைத்து விதங்களிலும் நிர்வாகத் திறனற்று, மக்களை ஏமாற்றி, தமிழ்நாட்டை வஞ்சிக்கும்த.வெ.க ஆட்சியாளர்கள் ஏதேனும் பழைய வழக்குகளைக் குறிப்பிட்டு, அதை தி.மு.க.வுக்கு எதிரானதாக சித்தரிக்க முடியுமா எனப் பகீரதப் பிரயத்தனம் செய்து பார்க்கிறார்கள். நேர்மையாக எதையும் எதிர்கொள்ள வக்கில்லாமல், பொய்யாகவும் அவதூறாகவும் பேசிப் பழி போட முடியுமா என்பது மட்டுமே ஆட்சியாளர்களின் முழுநேரத் தொழிலாக உள்ளது.
அவதூறுகளைத் தொடர்ந்து பேசினால் சட்டப்படியாக வழக்கை சந்திக்க நேரிடும் என்று எச்சரிக்கை விடுத்திருக் கிறார் தி.மு.க.வின் சட்டத்துறைச் செயலாளரான மூத்த வழக்கறிஞர் என்.ஆர்.இளங்கோ அவர்கள். பொய் பேசுவதையே இலட்சியமாகக் கொண்டுள்ள அமைச்சர் நிர்மல்குமாருக்குத்தான் இந்த எச்சரிக்கை. த.வெ.க அரசின் சட்டத்துறை அமைச்சர் அவர்தான். காவல்துறை அமைச்சராகப் பொறுப்பு வகிப்பவர் முதலமைச்சர் விஜய். இவர்களின் நிர்வாகத்தில் தமிழ்நாடு எந்த இலட்சணத்தில் இருக்கிறது என்பதற்கு நீண்ட பட்டியலே உள்ளது.
சட்டம் ஒழுங்கை சீரழிக்கும்
த.வெ.க.வினர்!
▪️
*
த.வெ.க. சார்பில் போட்டியிட்ட 92 வேட்பாளர்கள் மீது குற்ற வழக்குகள் இருப்பதாகத் தேர்தல் பிரமாணப் பத்திரத்தில் குறிப்பிடப்பட்டுள்ளது. 41 எம்.எல்.ஏ.க் கள் மீது குற்ற வழக்குகள் நிலுவையில் உள்ளன. இதில் 19 பேர் மீது கொலை, கடத்தல் போன்ற மிகக் கடுமையான பிரிவுகளில் வழக்குகள் உள்ளன.
▪️
*
▪️த.வெ.க. ஆட்சிக்கு வந்த 150 நாளுக்குள் 219 பாலியல் குற்றங்கள் அரங்கேறியிருக்கின்றன. தமிழகத்தில் நடைபெறும் சட்டம் ஒழுங்கு சீர்கேட்டிற்கு 90 சதவீதம்த.வெ.க.வினரே காரணமாக இருக்கிறார்கள்.
▪️▪️
*
ராணிப்பேட்டை மேற்கு மாவட்ட
த.வெ.க. செயலாளர் விஜய் மோகன் மீது
ஆற்காட்டைச் சேர்ந்த 34 வயது இளம் பெண் ஒருவர் பாலியல் தொல்லை மற்றும் மிரட்டல் விடுத்ததாக முதலமைச்ச ரின் தனிப்பிரிவு மற்றும் காவல்துறையில் புகார் அளித்தார்.
▪️ ▪️
*
வேலை வாங்கித் தருவதாகக் கூறி காரில் அழைத்துச் சென்று, குளிர் பானத்தில் மயக்க மருந்து கலந்து கொடுத்து பாலியல் வன்கொடுமை செய்த குற்றச் சாட்டில் த.வெ.க. இளைஞர் அணி அமைப்பாளர் பாலமுருகன், த.வெ.க. நிர்வாகி ஜெயபால் ஆகிய இருவர் போக்சோ, பெண்களுக்கு எதிரான வன்கொடுமை தடுப்புச் சட்டத்தின் கீழ் கைது செய்யப்பட்டனர். இந்தத் சம்பவத்தில் குற்றவாளி களுக்கு ஆதரவாகச் செயல்பட்டு, வழக்கை சமரசம் செய்ய முயன்றதாக த.வெ.க.வின் ஸ்ரீவைகுண்டம் எம்.எல்.ஏ. சரவணன் மீது பாதிக்கப்பட்ட பெண் குற்றம் சாட்டினார்.
▪️
*
▪️ ஆர்.கே.நகர் பகுதியில் 10 வயது சிறுமிக்கு பாலியல் தொல்லை அளித்த புகாரில், த.வெ.க.வின் வார்டு செயலா ளரான தினேஷ் என்பவர் போக்சோ சட்டத்தின் கீழ் கைதானார்.
▪️
*
▪️ பொள்ளாச்சி பாலியல் கொடூர சம்பவத்தைப் போல, சேலம் மாநகரப் பகுதியில், சுமார் 50க்கும் மேற்பட்ட பெண்களை ஆபாசமாக வீடியோ எடுத்து, அதை வைத்தே மிரட்டி பாலியல் தொல்லை கொடுத்து வந்த வீரபாண்டி பகுதியைச் சேர்ந்த த.வெ,க, பிரமுகர் மணிகண்டன் கைது செய்யப்பட்டார்.
▪️
*
▪️கிருஷ்ணராயபுரம் கிழக்கு ஒன்றிய த.வெ.க. செயலாளர் ரமேஷ் மருந்துக்கடையில் வேலை பார்த்த பெண்ணைப் பின்தொடர்ந்து பாலியல் தொல்லை கொடுத்ததாகப் புகார் எழுந்தது. பொதுமக்களே சேர்ந்து அவரை நையப் புடைத்தனர்.
▪️▪️
*
2026 செப்டம்பர் 13-ஆம் தேதி சென்னையில் திருப்பதி குடை ஊர்வலத்தின் போது பெண் போலீஸ்காரரை அவதூறாகவும் ஆபாசமாகவும் திட்டி ரகளையில் ஈடுபட்டார் வில்லிவாக்கம் கிழக்குப் பகுதி இணைச் செயலாளர் மதன்ராஜ்.
சிறுமிகளுக்கு பாதுகாப்பில்லாத
விஜய் ஆட்சி!
▪️▪️
*
2026 மே 10 அன்று விஜய் பதவியேற்ற நிலையில், மே 21 அன்று கோவை சூலூரில் 10 வயது சிறுமி பாலியல் வன்கொடுமைக்கு உள்ளாக்கப்பட்டு படுகொலை செய்யப்பட்ட நிகழ்வு தமிழ்நாட்டையே அதிர வைத்தது. குற்றவாளி யைக் காப்பாற்றும் வகையில், கொலையான சிறுமியின் தாய் மீதே பழி போட்டனர் த.வெ.க. நிர்வாகிகள்.
▪️
*
▪️ 2026 ஜூன் 15-ஆம் தேதி கும்மிடி ப்பூண்டி, திருவள்ளூர், தாம்பரம், சென்னை, பூந்தமல்லி என ஒரே நாளில் 5 சிறுமிகளுக்கு பாலியல் வன்கொடுமைகள் நடந்தன.
▪️
*
️தேன்கனிக்கோட்டையில் பள்ளி முடிந்து வீடு திரும்பிய 8 வயது சிறுமியை மர்ம நபர் ஒருவர் கடத்திச் சென்று பாலியல் வன்கொடுமை செய்தார்.
▪️▪️
*
பூந்தமல்லி அருகே காட்டுப்பாக்கத்தைச் சேர்ந்த 7 வயது சிறுமி, கார் ஓட்டுநர் ஒருவரால் பாலியல் ரீதியாகத் துன்புறுத்
தப்பட்டார்.
இத்தகையக் கொடூரக் குற்றங்கள் மீது காவல்துறை அலட்சியமான வகையில் நடவடிக்கை எடுத்ததால் பள்ளிச் சிறுமிகள் கடத்தப்படுவதும், பாலியல் துன்பங்களுக்கு உள்ளாவதும் தொடர்கதையாகிறது.
சிறுமிகள் மட்டுமின்றிமூதாட்டிகளுக் கும் பாலியல் கொடூரம் அரங்கேறும் மாநிலமாகத் தமிழ்நாட்டை மாற்றியதுதான் விஜய் தலைமையிலான த.வெ.க. ஆட்சியின் அவலம் நிறைந்த மாற்றம். வேளச்சேரி, பவானி, குமாரபாளையம் உள்ளிட்ட பல இடங்களிலும் மூதாட்டிகளுக்கு பாலியல் கொடூரங்கள்
நிகழ்ந்துள்ளன. புதுக்கோட்டை மாவட்டம் கறம்பக்குடியில் 35 வயது மாற்றுத்திறனாளிப் பெண் கூட்டுப்பாலியல் கொடூரத்திற்குள்ளானார்.
சிங்கப்பெண் போலீசுக்கும்
பாதுகாப்பில்லை!
ராமநாதபுரத்தில் சிங்கப்பெண் போலீஸிடமே மதுபோதையில் தகராறு செய்திருக்கிறார் த.வெ.க. வழக்கறிஞர் வினோத். சிங்கப்பெண் சிறப்பு அதிரடிப்படையைச் சேர்ந்த பெண் போலீசுக்கு பாலியல் தொல்லை கொடுத்த புகாரில் தூத்துக்குடி மாவட்டம், ஆறுமுகநேரி போலீஸ் ஸ்டேஷன் இன்ஸ்பெக்டர் திலீபன் இடை
நீக்கம் செய்யப்பட்டார்.
சிங்கப் பெண் பாதுகாப்பு படையை சேர்ந்தவருக்கு பாதுகாப்பு கேட்கும் நிலையில்தான் சட்டம் ஒழுங்கு இருக்கிறது.
நாள்தோறும் பாலியல் குற்றங்கள், கொலைகள், கொள்ளைகள், ஆன்லைன் மோசடிகள் என த.வெ.க. ஆட்சியில்
சட்டம்- ஒழுங்கு சந்தி சிரிக்கிறது. இடைத்தேர்தல் களத்தில், ஆளுங்கட்சி சார்பில் போட்டியிடும் வேட்பாளர்களை பொதுமக்கள் விரட்டி அடிக்கிறார்கள். தி.மு.க. மீதுபொய்யாக எதையாவது பரப்பி, உண்மையான அவலத்தை மறைக்க முடியுமா என முயற்சி செய்கிறது விஜய் அரசு. மக்களே எதிர்க்கத் தொடங்கிய பிறகுஎப்படி மறைக்க முடியும்?