#Title

சென்னை விமான நிலையத்தை தனியாரிடம் ஒப்படைக்க பிரதமருக்கு கடிதம்! துரோகக் கடிதத்தை ஒரு மாதமாக மறைத்தது ஏன்? தனியார் லாபத்திற்காக தரகு வேலை பார்ப்பதா? விஜய்க்கு அரசியல் விமர்சகர்கள் கண்டனம்!

சென்னை, செப். 24 –

சென்னை விமான நிலையத்தை தனியாரிடம் ஒப்படைக்க வேண்டும் என பிரதமர் மோடிக்கு முதலமைச்சர் விஜய் எழுதிய கடிதம் வெளியாகி அதிர்ச்சியை ஏற்படுத்தி உள்ளது.

சென்னை விமான நிலையத் தின் நிர்வாகத்தை தனியாரிடம் ஒப்படைக்க வேண்டும் என பிரதமர் மோடிக்கு முதலமைச்சர் விஜய் கடிதம் எழுதியதாக தகவல் வெளியானது. சின்ன சின்ன விஷயங் களுக்கெல்லம் ரீல்ஸ் போட்டு தம்பட்டம் அடித்துக் கொள்ளும் விஜய் அரசு, இந்த கமுக்க கடித விவகாரத்தில் கள்ள மவுனம் காத்தது.

வழக்கமாக முதலமைச்சரின் கடிதங்கள் செய்திக்குறிப்பாக ஊடகங்களில் வெளியிடப்படும். ஆனால் இந்த விவகாரத்தில் கடும் எதிர்ப்பு கிளம்பும் என்பதால் விஜய் அரசு, ரகசியம் காத்து வந்தது. இந்த நிலையில் பிரதமர் மோடிக்கு முதலமைச்சர் விஜய் எழுதிய கடிதம் வெளியாகி உள்ளது.

கடந்த மாதம் 5-ம் தேதி, முதலமைச்சர் விஜய் எழுதிய இந்த கடிதத்திற்கு பிரதமர் மோடி எழுதிய பதில் கடிதம் மூலம் விஜயின் ரகசியம் கடித விவகாரம் வெளிச்சத்திற்கு வந்துள்ளது. இந்தியாவில் உள்ள முக்கிய விமான நிலையங்களை ஏற்கனவே அதானிக்கு ஒன்றிய அரசு தாரை வார்த்து விட்டது. ஆனால் சென்னை உள்ளிட்ட விமான நிலையங்கள் மட்டுமே இந்திய விமான நிலைய ஆணையத்தின் நேரடிக் கட்டுப்பாட்டில் இருந்து வருகிறது.இவற்றையும் அதானி யிடம் ஒப்படைக்க ஒன்றிய பா.ஜ.க. அரசு தீவிரம் காட்டி வந்தது. தி.மு.க. ஆட்சியில் பாஜகவின் இந்த ஜம்பம் பலிக்கவில்லை.

இந்த நிலையில் ஒன்றிய அரசின் இந்த நோக்கங்களுக்கு தூபம் போடும் வகையில் சென்னை விமான நிலையத்தின் நிர்வாகத்தை தனியாரிடம் ஒப்படைக்க வேண்டும் என பிரதமர் மோடிக்கு முதலமைச்சர் விஜய் கடிதம் எழுதியிருப்பது அதிர்ச்சியை ஏற்படுத்தி உள்ளது.

மக்கள் நலன் என நாடகமாடும் த.வெ.க. அரசு, இந்தத் துரோகக் கடிதத்தை ஒரு மாதம் முழுவதும் மக்களிடம் மறைத்தது ஏன்? பா.ஜ.க.வின் ‘தனியார்மயமாக்கல்’ கொள்கையைத் தமிழ்நாட்டில் செயல்படுத்த நினைப்பது தான் த.வெ.க.-வின் கொள்கையா? ஒரு முதலமைச்சரின் வேலை பொதுத்துறைச் சொத்துகளையும் மாநில உரிமைகளையும் பாதுகாப்பதா? அல்லது தனியார் லாபத்திற்காகத் தரகு வேலை பார்ப்பதா? என அரசியல் விமர்சகர்கள் கண்டனம் தெரிவித்துள்ளனர்.