திருவள்ளூர் செப் 25 –-
மதுராந்தகம் (தனி) சட்டமன்றத் தொகுதி இடைத்தேர்தலை முன்னிட்டு, தி.மு.க. ஆதிதிராவிடர் நலக்குழு மாநில நிர்வாகிகள் மற்றும் ஒருங்கிணைந்த சென்னை, காஞ்சிபுரம், திருவள்ளூர், விழுப்புரம், திருவண்ணா மலை, கடலூர், வேலூர், இராணிப்பேட்டை, திருப்பத்தூர் மாவட்டங்களின் ஆதிதிராவிடர் நலக்குழு நிர்வாகிகள், மாநகர நிர்வாகிகள் பங்கேற்ற ஆலோசனைக் கூட்டம் மதுராந்தகம் தொகுதிக்கு உட்பட்ட பெரும்பேர்கண்டிகையில் நடைபெற்றது.
கூட்டத்திற்கு தி.மு.க. ஆதிதிராவிடர் நலக்குழு அணி செயலாளர் ஆ.கிருஷ்ணசாமி தலைமை வகித்தார். காஞ்சிபுரம் தெற்கு மாவட்டக் கழகச் செயலாளர் க.சுந்தர் பங்கேற்று சிறப்புரையாற்றி னார்.
கூட்டத்தில் அணி செயலாளர் ஆ.கிருஷ்ணசாமி பேசுகையில்: மதுராந்தகம் சட்டமன்ற இடைத்தேர்தலில் கழகத் தலைவர் அவர்களால் அறிவிக்கப்பட்டுள்ள கழக வேட்பாளர் ஐ.பரந்தாமனை வெற்றி பெறச் செய்யும் வகையில், ஆதிதிராவிடர் நலக்குழு நிர்வாகிகள் அனைவரும் இரவு–பகல் பாராமல் களப்பணியாற்றிட வேண்டும். தி.மு.க. ஆட்சிக் காலத்தில் பொதுமக்களுக்குச் செய்யப்பட்ட சாதனைகளையும், குறிப்பாக ஆதிதிராவிட மக்களின் சமூக, கல்வி, பொருளாதார முன்னேற்றத்திற்காக நிறைவேற்றப்பட்ட பல்வேறு நலத்திட்டங்களையும் வீடு வீடாக எடுத்துரைத்து வாக்குச் சேகரி ப்பில் ஈடுபட வேண்டும். உதயசூரியன் சின்னத்தில் வாக்குகளைப் பெற்று, கழக வேட்பாளர் ஐ.பரந்தாமனை பெருவாரியான வாக்கு வித்தியா
சத்தில் வெற்றி பெறச் செய்யும் வகையில் தேர்தல் பணி களைத் தீவிரப்படுத்த வேண்டும் என அறிவுறுத்தினார். மேலும் அவர் பேசுகையில், அ.தி.மு.க. சார்பில் அண்மையில் வெற்றி பெற்ற சட்டமன்ற உறுப்பினர், தமிழக வெற்றிக் கழகத்தின் தூண்டுத லின் பேரில் தனது பதவியை ராஜினாமா செய்து, அக்கட்சிலே இணைந்து தற்போது அதே கட்சியின் சார்பில் வேட்பாளராக போட்டியிடுகிறார் பொதுமக்களை ஏமாற்றி அவர் நம்பிக்கை துரோகம் செய்த த.வெ.க. வேட்பாளருக்கு டெபாசிட் கூட கிடைக்காத வகையில் களப்பணியாற்றி!” திராவிட முன்னேற்றக் கழகத்தில் வேட்பாளரின் வெற்றிக்கான பணிகளை வேகப்படுத்த வேண்டும் என பல்வேறு ஆலோசனைகளை ஆ.கிருஷ்ண சாமி வழங்கினார்.இதில் நிர்வாகிகள் அமுல் பொன்மலர், வி பி ராஜன், புஷ்பராஜ், சிவாக்குமார், உள்பட நிர்வாகிகள் கலந்து கொண்டார்கள்.
நாடு தழுவிய தொ.மு.ச. பேரவையின் பொதுச்செயலாளர் மு.சண்முகம் அறிவுரையின்படி மயிலாடுதுறை மாவட்டம் தொமுச சார்பில் 22.09.2026 செவ்வாய்க்கிழமை மாவட்டத்தலைவர் பொன்.நக்கீரன் தலைமையில் மயிலாடுதுறை தபால் அலுவலகம் எதிரில் கண்டன ஆர்ப்பாட்டம் நடைபெற்றது. ஆர்ப்பாட்டத்தில் மாவட்ட கவுன்சில் செயலாளர் வீரமணி மாவட்ட பொருளாளர் எம்.காமராஜ் மற்றும் மாவட்ட கவுன்சில் நிர்வாகிகள் அனைத்து இணைப்புச் சங்க நிர்வாகிகளும், காவிரிடெல்டா விவசாயசங்கராஜாராமன், மதியழகன், நெய்வேலிதொ. மு.ச. செயலாளர் சீனிவாசன் , மாநில தொழிலாளர் முன்னேற்ற சங்க பேரவையின் செயலாளர் வி. குருநாதன் அவர்கள்,பேரவைசெயலாளர் சு.பத்மநாபன் ஆகியோர்கலந்துகொண்டு கண்டன உரை நிகழ்த்தினார்கள். இறுதியில் மாவட்ட கவுன்சிலர் எம்.வீரமணி நன்றி தெரிவித்தார்.