தந்தை பெரியாரின் நெஞ்சில் தைத்திருந்த முள்ளான "அனை த்துச் சாதியினரும் அர்ச்சகராக முடி யாத நிலை" கருவறை தீண்டா மையை கலைந்து, 1970–ம் ஆண்டு சட்ட மன்றத்தில் அறநிலையத் துறை சட்டம் 55, 56 மற்றும் 116–ல் திருத்தம் கொண்டு வந்து அனைத்து சாதியினரும் அர்ச்சகர் ஆகலாம் என சட்டம் இயற்றி அதற்கு மருந்திட்டவர் மண்ணின் மைந்தர் முத்தமிழ் அறிஞர் கலைஞர் அவர்கள் .

அதனை நடைமுறைப்படுத்தி அனைத்து சாதியினரையும் அர்ச்சாராக்கி அவர்களுக்கு அர்ச்சகர் பணி ஆணையையும் தமிழ் நாட்டின் முதல்வராய் நின்று கொடுத்து, பெரியாரின் நெஞ்சில் தைத்த முள்ளின் ரணங்களையும் ஆற்றியவர் திராவிட நாயகர் தளபதி மு. க. ஸ்டாலின் அவர்கள்,

இவைகளையெல்லாம் தாண்டி இன்று லட்சோப லட்சம் மக்களின் நெஞ்சில் தைத்திருந்த முள்ளை அகற்ற, திராவிட நாயகர் முத்துவேல் கருணாநிதி ஸ்டாலின் அவர்கள் குடியிருப்புகள், தெருக்கள், சாலைகள், நீர்நிலைகள், கிராமங்களின் பெயர்களில் உள்ள ஜாதி பெயர்களை நீக்க வேண்டும். தெருக்கள், சாலைகளுக்கு தலை வர்கள், கவிஞர்கள், மலர்களின் பெயர்களை சூட்ட வேண்டும் என தமிழக அரசு, 2025 அக்., 6ல் அரசாணை பிறப்பித்தார் .

இதன்மூலம் தெருக்களின் பெயரில் உள்ள சாதி குறியீடு பெயர்களை அகற்றி சட்ட முன்வடிவு கொண்டுவந்து இன்று மக்களின் நெஞ்சில் தைத்த முள்ளினை திராவிட நாயகர் முத்துவேல் கருணாநிதி ஸ்டாலின்அவர்கள் அகற்றும் முயற்சியை மேற்கொண்டு இருக்கிறார்.

இந்த சட்ட முன்வடிவுக்கு எதிராக இடைக்கால தடை கேட்டு மதுரை உயர்நீதி மன்றத்தில் தொடுக்கப்பட்ட வழக்கில், திராவிட நாயகர் முத்து வேல் கருணாநிதி ஸ்டாலின் அவர்களின் இந்த முயற்சிக்கு மகுடம் சூட்டுவதுபோல நீதி யராசர்கள் சி.வி.கார்த்திகேயன், ஆர்.சக்திவேல் ஆகியோரின் அமர்வு வரலாற்று சிறப்புமிக்க கருத்தினை தந்திருக்கிறது.

“தெருக்கள், சாலைகள் உள்ளிட்ட வற்றிலுள்ள ஜாதி பெயர்களை நீக்குமாறு சம்பந்தப்பட்ட மக்களே தானாக முன்வந்து அரசிடம் கோரிக்கை வைத்திருக்க வேண்டும். அவ்வாறு செய்யாத தால், மக்கள் மனதில் மாற்றங்களை உருவாக்கும் வகையில், ஜாதி பெயர்களை நீக்க [முத்துவேல் கருணாநிதி ஸ்டாலின் தலைமை யிலான ]தமிழக அரசு அரசாணை பிறப்பித்தது.

ஒரு மாவட்டத்தில், ஹரிஜன் காலனியாக இருந்ததை திரு வள்ளுவர் காலனி என பெயர் மாற்றம் செய்துள்ளனர். இது அப்பகுதியில் வசிப்போருக்கு பெருமையை தேடித்தரும். பல இடங்களில் கக்கன் பெயர் சூட்டப்பட்டுள்ளது. பொது வாழ்வில் நேர்மை, எளிமையை பின்பற்றி யதற்காக கக்கன் போற்றப்படு கிறார். மாற்று பெயர்கள் அனைத்தும், மக்க ளின் நன்மதிப்பை பெற்ற வர்களின் பெயர்களே. நடை முறையிலுள்ள ஜாதி பெயர்கள் பிறரை அவமதிக்கும் வகையில் உள்ளன.அவற்றிற்கு பெயர் மாற்றம் செய்யும் இந்நட வடிக்கையை பல ஆண்டுகளுக்கு முன் மேற் கொண்டிருக்க வேண்டும். அரசு, காலம் தாழ்த்தியிருக்கக் கூடாது.

ஜாதி பெயர்களை நீக்குவதால், குழப்பம் ஏற்படும் என கூறப்படுவது ஏற்கத்தக்கதல்ல. மனதளவில் ஜாதியை அகற்றியவர்களின் மனதில், குழப்பம் இருக்காது. இடைக்காலத் தடை நீக்கப்படுகிறது. மனு தள்ளுபடி செய்யப்படுகிறது.

இவ்வாறு அந்த அறிக்கை கூறுகிறது

பகுத்தறிவு பகலவன் தந்தை பெரியாரின் நெஞ்சில் தைத்த முள்ளை அகற்றி திராவிட இயக்க வரலாற்றில் புதிய வெற்றித் தடம் பதித்த மண்ணின் மைந்தர் முத்தமிழ் அறிஞர் தலைவர் கலைஞர் அவர்களின் புகழ் மகுடத்தில் மேலும் ஒரு வைரக்கல்லாய், திராவிட நாயகர் முத்துவேல் கருணாநிதி ஸ்டாலின் அவர்கள்லட்சோப லட்ச மக்களின் இதயத்தில் தைத்திருந்த இந்த சாதி அடையாளம் எனும் முள்ளினை அகற்ற எடுத்தஇந்த முயற்சி அமைகிறது.

தொலைநோக்கு பார்வையோடு எடுக்கப் பட்டிருக்கும் இந்த முயற்சி எதிர்காலத்தில் சாதிய அடையாளம் எனும் அரக்கன் அழியும் என்பதற்கான ஒரு முன்னோட்டமாக அமையும் என்பதில் ஐயமில்லை.