சென்னை,செப். 25–
பல்வேறு மாவட்ட அரசு மருத்துவமனைகளில் பச்சிளம் குழந்தைகளின் உயிர்காக்கும் மருந்துகள் கிடைப்பதில் தட்டுப்பாடு நிலவுவதாக செய்திகள் வருகின்றன. அரசு உரிய நடவடிக்கை எடுத்து மருந்து கிடைப்பதை உறுதி செய்ய வேண்டும் என்று கனிமொழி ராஜாத்தி கருணாநிதி எம்.பி. வலியுறுள்ளார்.
இது குறித்து கனிமொழி ராஜாத்தி கருணாநிதி எம்.பி. ட்விட்டரில் விடுத்துள்ள பதிவு வருமாறு:
சென்னை, தேனி, தருமபுரி, திருப்பூர், கடலூர், திரு
வண்ணாமலை, வேலூர், கரூர் உள்ளிட்டதமிழ்நாட்டின் பல்வேறு மாவட்டங்களில் உள்ள அரசு மருத்துவமனைகளில் பச்சிளம் குழந்தைகளின் உயிர்காக்கும் மருந்துகள் கிடைப்பதில் தட்டுப்பாடு நிலவுவதாகச் செய்திகள் வெளியாகியிருக்கின்றன.
பிறந்த பச்சிளம் குழந்தைகளுக்கு மிகவும் அடிப்படைத் தேவையான உயிர்காக்கும் மருந்துகளை வழங்க முடியாமல் என்ன செய்துக்கொண்டிருக்கிறது சுகாதாரத்துறை?
இளம்பிஞ்சுகளின் விரலில் மோதிரம் மாட்டி விளம்பரம் தேடத் துடிக்கும் அக்கறையைக் குழந்தைகளின் உயிர்களைக் காப்பதில் கொஞ்சமாவது காட்ட வேண்டாமா?
குழந்தைகளுக்கான மருந்துகள் தட்டுப்பாடின்றிக் கிடைப்பதை தமிழ்நாடு அரசு உடனே உறுதி செய்ய வேண்டும்.
இவ்வாறு அவர் தெரிவித்துள்ளார்.