தமிழக சட்டமன்றத்தில் விஜயும், நிர்மல்குமாரும் பேசிய பேச்சினைக் கண்டித்து, தமிழகம் முழுவதும் தி.மு.க. சார்பில் கண்டனக் கூட்டங்கள் நடத்தப்படுகின்றன. தமிழக முழுவதும் தி.மு.க. சார்பில் கண்டனக்கூட்டம் கூடாது. த.வெ.க.விற்கு நன்றி அறிவிக்கும் கூட்டம்தான் நடத்தி இருக்க வேண்டும்.
சட்டமன்றத்தில் எதிர்க்கட்சித் தலைவர் உதயநிதி எடுத்து வைத்த விவாதங்கள், தமிழ் கூறும் நல் உலகம் மனதார பாராட்டி வாழ்த்துகிறது.
த.வெ.க. தறுதலைகள் எதிர்க்கட்சித் தலைவருக்கு பதில் கூற முடியாமல் திணறிய காட்சியை நாடே பார்க்க வைத்ததே இதற்கு சாட்சி!
த.வெ.க. கட்சி ஆட்சியின் நடக்கிறது. தஞ்சாவூர் என்ன பாண்டிச்சேரியா? காரைக்காலா? கடைசிவரை தஞ்சைக்குள் சின்னவர் காலைக் கூட உங்களால் வைக்கவிட முடியவில்லை. தஞ்சாவூர் பக்கத்தில் உள்ள காவல் நிலையத்திற்கு அழைத்துச் செல்வதனால் நீலாங்கரையிலேயே விசாரித்து இருக்கலாம். தன்னால் இயலாததை ஒப்புக்கொண்டு, உதயநிதி மாபெரும் சக்தியாக நிரூபித்தமைக்கு முதல் நன்றி விஜய்க்குதானே.
இரண்டாவதாக, ஜார்ஜ் பெர்ணான்டஸ் போன்ற தலைவர்களுக்கு இடம் கொடுத்ததற்காக மிசா அறிவித்து ஏறத்தாழ ஆறு மாதம் கழித்துத் தமிழ்நாட்டில் எமர்ஜென்சி அமுல்படுத்தப்படுகிறது. அமுல்படுத்தப்பட்ட அடுத்தநாளே, தி.மு.க. ஆட்சி கலைக்கப்படுகிறது. கலைக்கப்பட்ட அடுத்த நாளே, தளபதியைத் தேடி கோபாலபுரம் வந்த போலீசாரிடம் “தம்பி வெளியூர் சென்றுள்ளார், நாளை வருவார், சொல்லி அனுப்புகிறேன்” என கலைஞர் சொல்ல, அடுத்த நாளே வந்த தளபதி சிறைக்குச் சென்று, தொழுநோயாளிகள் தங்கி இருந்த 9–ம் எண் கொட்டடியில் அடைக்கப்பட்டார். அடுத்த நாள் ஆசிரியர் கி.வீரமணி, பாராளுமன்ற உறுப்பினர் ஆசைத்தம்பி, முன்னாள் மேயர் சிட்டிபாபுடன் வரிசையில் நிற்க வைத்து, தளபதி ஸ்டாலினும் நொறுக்கப்படுகிறார். சிட்டிபாபு குறுக்கே புகுந்து தளபதிக்கு விழுந்த அடியைப் பெறாவிட்டால் தளபதி அன்றே இறந்திருப்பார்.
தன் கையில் அடிபட்ட காயம் ஒரு மாதமாக ஆறாததால், தன் தந்தையும், தலைவருமான கலைஞரிடம் மறைப்பதற்காக வழக்கமான அரைக்கை சட்டை போடாமல், முழுக்கை சட்டை போடுகிறார், அதைப்பார்த்து கலைஞர் வருத்தப்படும் அளவு அடிபட்டதுடன், தன் சோற்றில் ஒருநாள் வேப்பெண்ணெய்யும், மறுநாள் மூத்திரமும், மற்றொரு நாள் மணலும் கலக்கப்பட்டது என்பதைக்கூட சொல்ல முடியாத துயரத்தை ஒன்றேகால் ஆண்டாக அனுபவித்தவர் தளபதி ஸ்டாலின் என்பதை இளைய சமுதாயத்திற்கு எடுத்துரைக்க வாய்ப்பு தந்தமைக்காகவும், த.வெ.க.விற்கு நன்றி கூறும் கூட்டமே நடத்த வேண்டும்.
ஆக தி.மு.க. 41 பேர் கரூர் மரணத்திற்கு த.வெ.க. தலைவர்களைக் கைது செய்யாமல், வழக்குப் போடாமல் விஜயைக் காப்பாற்றியதற்கு நன்றிக் கடனாக சின்னவர் கைது, தளபதி மிசா கைதி இல்லை எனக்கூறி தி.மு.க.விற்கு த.வெ.க. உதவியுள்ளது. நன்றிக்குரிய காரியங்களை செய்துள்ளது.
தமிழகத்தில் மிசாவில் கைது செய்யப்பட்ட 1027 பேரில் 419 பேர் தி.மு.கழகத்தினர்.
ஒருவர் கைது செய்யப்பட்டால், வழக்குப் பதிவு செய்து, நீதிமன்றம் முன்பு ஆஜர்படுத்தித்தான் சிறைக்கு அனுப்பப்படுவார். ஆனால் வழக்குப் பதிவு செய்யாது, நீதிபதி முன்பு ஆஜர்படுத்தாது சிறைக்குள் தள்ளியது மிசாவில் மட்டும்தான். அதுகூட சட்ட அமைச்சருக்குத் தெரியாதா?
சில புத்திசாலிகள், 4 மகன்களில் அது என்ன ஸ்டாலின் மட்டும் கைது என்கிறார்கள். தலைவர் கலைஞரின் அக்கா மகன்கள் அமிர்தம், செல்வம் என இருக்கையில் அது என்ன முரசொலிமாறன் மட்டும் கைது ஏன் என்று எவனாவது கேட்க முடியுமா? அதுபோல்தான் ஸ்டாலின் மட்டும் ஏன் கைது எனக் கேட்கக்கூடாது.
எவருக்கு அரசியலில் ஆர்வமோ அவரைத்தான் எதிரியாக ஆளும் கட்சி குறிவைக்கும். பழுத்த மரம்தானே அதிகமாக அடிபடும்.
அந்த சிறையில் “9 வது பிளாக்” முழுவதும் எமர்ஜென்சி கைதிகளுக்காகவே ஒதுக்கப்பட்டது.
மீண்டும் சிட்டிபாபு டைரி புத்தகத்தை, நிர்மல்குமார் உள்ளிட்ட பள்ளிக்கூட மாணவர்களுக்கு வழங்க வேண்டும். சிட்டிபாபு டைரி எழுதும்போது தளபதி முதல்வராகவோ, கட்சித் தலைவராகவோ வருவார் எனக் கருதாத காலத்தில், ஏறத்தாழ 48 ஆண்டுகளுக்கு முன்பு எழுதியது. அதைப் படிக்கும்போதே கல்நெஞ்சனத்தினரின் கண்களும் கலங்கும்.
5000 ஆண்டுகளுக்கு முன் என்ன நடந்தது என்று சொல்வதில் அர்த்தம் உண்டு. ஆனால் நாம் வாழும் காலத்தில் நடந்த சம்பவங்களுக்கு மணிக்கணக்கில், மாதக்கணக்கில் பதில் சொல்ல வேண்டுமா?
எங்கள் தளபதி மு.க ஸ்டாலின் முகத்தை சிறைக்காவலர்கள் தங்களது பூட்ஸ் கால்களால் மிதித்ததால், முகத்தாடை உடைக்கப்பட்டது கட்டணத்துக்குரியது என நீதிபதி எம்.எஸ். இஸ்மாயில் அறிக்கையில் கூறியுள்ளார். இரண்டாவது சாட்சியே தளபதிதான்.
சிறையில் 9 ஆம் எண் என்றே தலைப்பு போட்டு கயிலை மன்னன் ஒரு புத்தகமே வெளியிட்டார். அதையும் சிட்டிபாபு டைரியையும், இஸ்மாயில் கமிஷன் அறிக்கையையும் படித்துவிட்டு நிர்மல்குமார் பொதுவெளியில் மன்னிப்பு கேட்க வேண்டும்.
அற்பனுக்கு வாழ்வு வந்தால், அர்த்த ராத்திரியில் குடைபிடிப்பது போல விளையாட்டு மைதானத்தில் டான்ஸ் போஸ் கொடுத்த ஒரே ஆள் நடிகர் விஜய்தான்.
தொழில் முதலீட்டாளரை ஈர்ப்பதற்கு எதற்கு ஓட்டுனருடன் சென்றார். அழைத்துச் செல்ல வேண்டிய தொழில் அமைச்சர் கீர்த்தனா, தொழில் துறை செயலாளர் விஜயகுமார், தலைமைச் செயலாளர் சாய்குமார் உள்ளிட்ட அதிகாரிகளை ஏன் அழைத்துச் செல்லவில்லை?
விளையாட்டை துவக்கிவைக்கப் போனால் விளையாட்டு வீரர் உடையிலேயே காட்சியளிப்பீர்களா? மருத்துவமனை சென்றால் வெள்ளை கோட் பேண்டில் செல்வீர்களா? பேருந்தின் தடம் துவக்கும் விழா என்றால் காக்கி பேண்ட் சர்ட்டில் செல்வீர்களா? நீங்கள் சென்ற நேரம் அஜித் 38 வது இடத்திற்கு வந்தார். நீங்கள், இல்லாமல் ஸ்பெயின் சென்றால் அஜித் இரண்டாவது இடத்திற்கு வருகிறார்.
கழுத்தைச் சுற்றி மூக்கைத் தொடுவது போல, இங்கே இருக்கிற ஆலைகளின் அதிபர்களிடம் கையெழுத்துப் பெற லண்டன் சென்றது ஏன்? ஒரே உரிமையாளருக்கு இந்தியாவில், தமிழகத்தில் 32 தொழிற்சாலைகள் உள்ளன. அவர்களைத் தலைமைச் செயலகத்தில், நட்சத்திர ஓட்டலில் சந்தித்துக் கையெழுத்துப் பகிர்ந்துகொண்டு இருக்கலாமே!
மோடி பாணியில் நடந்திட விஜய் முயற்சிக்கிறார். மோடி கொரோனா காலத்தில் விளக்கேற்றி மணி அடி என்கிறார். விஜயோ லண்டன் தமிழ் மக்களை ஏமாற்றிட விளையாட்டு மைதானத்தில் டான்ஸ் போஸ் கொடுத்தால் போதும் என்று நினைக்கிறார்.
அனுமதி பெறாத கூட்டத்தை லண்டன் நீதிமன்றமும், காவல்துறையும் கண்டனம் செய்துள்ளது. கழகத்தலைவர் தளபதியார் அவர்கள் துபாய் போன்ற நாடுகளுக்குச் செல்லும்போது கடுமையான கூட்டம் வரும். இப்படியா பெயரைக் கெடுத்துக் கொண்டார்?
தறிகெட்டு ஓடும் குதிரை போல் திட்டமிடல் இல்லாமல் விஜய் அரசு செயல்படுவதால் நடைமுறைகள் கேவலப்பட்டு நிற்கின்றன.
கழுதைக்குத் தெரியுமா கற்பூர வாசனை என்பது போல தந்தை பெரியாரினை, பேரறிஞர் அண்ணாவைத் தெரியாமல், அவர்களை இந்த அரசு கேவலப்படுத்துகிறது.
தமிழகத்தின் காவல் தெய்வம் தளபதி ஸ்டாலின் அவர்களால், உலகத்திலேயே காலை உணவுத் திட்டம் தமிழகத்தில் மட்டும்தான் செயல்பட்டது. தமிழகத்தைப் பார்த்து லண்டன், கனடா போன்ற நாடுகள் காலை உணவுத் திட்டத்தைப் பின்பற்றுவதாக அறிவித்தன.
தேர்தலுக்கு முன்பே, தேர்தல் முடிந்து ஆட்சிக்கு வந்தவுடன் காலை உணவுத் திட்டத்தை ஒன்றிலிருந்து ஐந்தாம் வகுப்பு வரை நிறைவேற்றியதின் விரிவாக்கத்தை 6–ம் வகுப்புமுதல் 8–ம் வகுப்பு வரை விரிவு செய்யப்படும் என்றார் கழகத் தலைவர் அதற்குண்டான திட்டங்கள் தொடங்கப்பட்டு விட்டன என்றார் கழகத் தலைவர்.
அதை புதிய விஜய் அரசு பயன்படுத்திக் கொண்டது. ஆனால் தந்தை பெரியார் பிறந்த நாளில் பெரம்பலூரில் தொடங்கப்படும் என்று அறிவித்ததை நடைமுறைப்படுத்தவில்லை.
அதேபோல் தென்னாட்டுப் பெர்னாட்ஷா, இந்நாட்டு இங்கர்சால் என போற்றப்பட்ட பேரறிஞர் அண்ணாவின் பிறந்தநாள் செப்டம்பர் 15ஆம் நாள் அன்று மாமன்சீர் தருவதாக அறிவித்தீர்கள். ஆனால் அதையும் தொடங்கவில்லை.
இந்த 60 ஆண்டு கால தமிழக ஆட்சியில் எந்த அரசும் செய்யத் துணியாத கேவலத்தை, அவமானத்தை தந்தை பெரியார், பேரறிஞர் அண்ணாவுக்கு த.வெ.க. அரசு தந்திருக்கிறது.
கல்வியில் இந்தியாவில் தமிழகம் முதலிடம் வருவதை தடுக்க நீட் மூலம் தடுக்கப்பட்டது.
அடுக்கு மாடி வீடு கட்டினாலே விளையாட்டுத் திடல், பூங்கா என உள்ள பொது இடங்கள் வேண்டும் என்கிறபோது, இனி பல்கலைக்கழகம் அமைக்க சென்னையில் 100 ஏக்கர் என்பது 12 ஏக்கர் போதும் என யார் பேச்சைக் கேட்டு தமிழக அரசு உத்தரவு பிறப்பித்துள்ளது? யாரைத் திருப்திப்படுத்த கல்விச் சீரழிவு?
மதுரை மீனாட்சி அம்மன் குடமுழுக்கில் ஆயிரம் விமர்சனங்கள், திட்டுக்கள். கம்பன் என்றால் சடையப்ப வள்ளல் நினைவுக்கு வருவது மாதிரி, மீனாட்சி அம்மன் என்றாலே பி.டி. ஆர் குடும்பம்தான் நினைவுக்கு வரும். பி.டி. ஆரின் குடும்பம் இடமில்லாமல் நிற்கிறது. ஆனால் கிறிஸ்துவ சுரண்டல் லாட்டரி மார்டின் குடும்பம் உட்கார்ந்து இருக்கிறது. அறங்காவலர் குழுவின் பல ஆண்டுகால முயற்சியில் நடைபெறும் புதுப்பிக்கப்பட்ட கோவிலின் கோபுரத்தில் சில மாதம்கூட ஆகாத சினிமா டிக்கெட் விற்கும் கூட்டமும், சுரண்டல் லாட்டரி விற்கும் கூட்டமும் ஆக்கிரமித்திருக்கிறது.
விஜய் பரந்தூர் என்றால் பலரையும் கேட்பாராம். பட்டினப்பாக்கம் என்றால் மீனவர்தானே என இளக்காரமாம். பட்டினப்பாக்க மக்களை மட்டுமல்ல, பட்டினப்பாக்கத்திலிருந்து ராமேஸ்வரம் வரை உள்ள கிறிஸ்துவ, இந்து மீனவர்களை அவமானப்படுத்தும் செயல் இது.
எதற்கெடுத்தாலும் புதிது தானே, அனுபவம் குறைவுதானே என்கின்றனர். பேரறிஞர் அண்ணாவின் தி.மு.க. 1967–ல் ஆட்சிக்கு வந்தபோது, புதிதுதான். அதற்காக இப்படியா உளறினார்கள்? ரோஜா தோட்டம் முழுவதும் ரோஜாவால் நிரம்பியிருப்பது மாதிரி எல்லா அமைச்சர்களுமே உளறினால் எப்படி? அ முதல் ஃ வரை அப்படி ஒரு உளறல்.
எம்.ஜி.ஆர்.கூட நடிகர்தான். 1977–ல் புதிதாக ஆட்சிக்கு வந்தவர் தான். ஆனால் விஜய் தனக்கு அடுத்த இடத்திற்கு புஸ்ஸி ஆனந்தை நியமித்தது போல, தனக்கு அடுத்த இடத்தில் அனைத்துலக எம்.ஜி.ஆர். மன்றத் தலைவர் முசிறி புத்தனையோ, ஐசரி கணேசனையோ எம்.ஜி.ஆர். நியமிக்கவில்லை. நாஞ்சிலாரை 1977–யிலும், அதன்பின் டாக்டர் நாவலர் நெடுஞ்செழியனையும் நியமித்தார்.
சட்ட அமைச்சராக ஓராண்டு முழுவதும் நிறைவு செய்து சிறையின் கொட்டடியில் தாடை உடைபட்டு, கையில் அரைக்கை சட்டை போட முடியாத அளவு பூட்ஸ் காலால் மிதிபட்டவரை வேறு வழக்காக இருக்கலாம் என கிறுக்குத்தனமாக உளறிய நிர்மல்குமார் போல் இல்லாமல், சட்ட அமைச்சராக நாராயணசாமி போன்ற முன்னாள் நீதிபதியை நியமித்தார்.
ஒரு ரூபாயினை நாம் கொடுத்தால், நமக்கு ஒன்றிய அரசு 40 ரூபாய் தருகிறது என்று கூறிய ஆதவ்அர்ஜூனா போன்றவர்களைப் போட்டதில்லை. கல்வி அமைச்சராக, ஆசிரியர் வேலை பார்த்துவிட்டு வந்த அரங்கநாயகத்தைத்தான் போட்டார்.
இடைத்தேர்தலில் தாராபுரம், மதுராந்தகத்தைத் தவிர மற்ற 5 தொகுதியில் தேர்தல் நடத்த த.வெ.க. முன்வரவில்லை. 7 தொகுதிகளிலும் நடத்திவிட்டால் 2019 தேர்தலில் அ.தி.மு.க. ஆட்சியில் ஒட்டுமொத்தமாக 21 இடத்தில் தேர்தல். அதில் எதிர்கட்சியான தி.மு.க. 21–ல் 13 இடம் வென்றது.
அதைப்போல மொத்தமாக இடைத்தேர்தல் வைத்தால் 7 இடத்தில் தி.மு.க. 6 இடமாவது பிடித்து விடும் என்பதால் 2 இடத்திற்கு மட்டும் தேர்தல் நடத்தி அரசின் முழுபலத்தையும் காட்டி வென்றுவிடலாம் என விஜய் அரசு வியூகம் அமைத்துள்ளார்
உங்கள் வியூகத்தால் வீழ்ந்திட இது அ.தி.மு.க. அல்ல. தி.மு.க.
தி.மு.க. அயிரை மீன் அல்ல, விஜய் வலைவீசி பிடித்திட. விலாங்கு மீன் போல வலையை கிழித்துவிட்டு வெளியே வருவான் தி.மு.க.காரன்.
குளித்தால் பொட்டுக்கள் அழியும், புருவங்கள் அழியாது. தி.மு.க. புருவம் அல்ல. தமிழினத்தின்முழு உருவம்.
உயிரிதயம்.
அரசன் பிள்ளைக்கு வாள் பிடிக்கும்
தமிழுக்கு “ழ” பிடிக்கும்
தாராபுரம், மதுராந்தகத்திற்குத் தி.மு.க. தான் பிடிக்கும். ஆகவே இந்த இரண்டு தொகுதிகளையும் தி.மு.க.வே பிடிக்கும்.