சென்னை, செப். 26 –
கடந்த ஜூன் மாதமே போக்சோ வழக்கில் கைதான GEM வீரமணி குறித்து விசாரணை நடத்த நீதிமன்றம் உத்தரவிட்டிருந்த நிலையில், ஜூலையில் அவருடன்ஒரே மேடையில் த.வெ.க.அமைச்சர்கள் பங்கேற்றிருந்தது அதிர்ச்சியை ஏற்படுத்தியுள்ளது.
GEM வீரமணி மீது கடந்த ஆண்டு அக்டோபர் மாதம் வழக்குப் பதிவு செய்யப்பட்டது. இது தொடர்பாக விசாரித்த போக்சோ நீதிமன்றம், கடந்த ஜூன் மாதம் அவர் மீது நடவடிக்கை எடுக்க உத்தரவிட்டிருந்தது. இச்சூழலில் கடந்த ஜூலை மாதம் நடைபெற்ற ஒரு நிகழ்ச்சியில், போக்சோ குற்றவாளி GEM வீரமணி உடன் ஒரே மேடையில் த.வெ.க. அமைச்சர்கள் வெங்கட்ராமன், லோகேஷ் தமிழ்ச்செல்வன் பங்கேற்றுள்ளனர்.
போக்சோ வழக்கில் கைதான GEM வீரமணிஉடன் அமைச்சர்கள் இருவரும் சரிக்கு சமமாக உட்கார்ந்துள்ளனர்.
இது தொடர்பான வீடியோ தற்போது இணையத்தில் வேகமாக பரவி வருகிறது. இத்துடன் அந்நிகழ்ச்சியில் பேசிய அமைச்சர் லோகேஷ் தமிழ்ச்செல்வன், GEM வீரமணி தங்கள் குடும்ப நண்பர்தான் என கூறியிருக்கிறார்.
என்ன தொடர்பு?
மக்கள் கேள்வி!
இதுவும் வைரலாகி மக்கள் மத்தியில் பல்வேறு கேள்விகளை எழுப்பியுள்ளது.
ஜூன் மாதமே விசாரணையை தொடங்க நீதிமன்றம் உத்தரவிட்ட போதும், GEM வீரமணி யுடன் ஒரே மேடையில் த.வெ.க. அமைச்சர்களுக்கு என்ன வேலை?, GEM வீரமணியை தனது குடும்ப நண்பர் என த.வெ.க. அமைச்சர் லோகேஷ் தமிழ்ச் செல்வன் கூறுவதன் பின்னணி என்ன? போக்சோ குற்றவாளி GEM வீரமணியை சரி சமமாக உட்கார வைத்து மரியாதை தந்த காரணம் என்ன? என மக்கள் கேள்விகளை எழுப்பி வருகின்றனர். கொடும் குற்றவாளியுடன் த.வெ.க. அமைச்சர்களுக்கு என்னதொடர்பு என்ற மக்களின் கேள்விக்கு என்ன பதில் விஜய் சார்? என்றும் பலர் வினா எழுப்பியுள்ளனர்.
மதுராந்தகம் சட்டமன்ற இடைத்தேர்தல் 2026 முன்னிட்டு கழக வேட்பாளர் இ.பரந்தாமனை ஆதரித்து திருவள்ளூர் கருங்குழி பேரூர் பகுதியில் உள்ள 94வது பாகத்தில் மாவட்ட கழக செயலாளர் முன்னாள் அமைச்சர் ஆவடி சா.மு.நாசர் வீடு வீடாகச் சென்று வாக்கு சேகரித்தார். உடன் ஆதிதிராவிடர் நலக்குழு அணி செயலாளர் ஆ.கிருஷ்ணசாமி, நடுகுத்தகை மா.ராஜி, கே.ஜெ.ரமேஷ், வழக்கறிஞர் பெ.வினோத், டி.குமரேசன், சி.ஜெரால்டு, எஸ்.ஜெயபாலன், காயத்ரி ஸ்ரீதர், பா.நரேஷ் குமார், ஜி.விமல் வர்ஷன், காஞ்சனா சுதாகர், பேருர் செயலாளர் சுந்தர மூர்த்தி, உள்பட திருவள்ளூர் மத்திய மாவட்ட நிர்வாகிகள் உள்ளனர்.