கோலாப்பூர், செப். 26–

தலை­மைத் தேர்­தல் ஆணை­யர் ஞானேஷ் குமார் கடந்த 10 மாதங்­க­ளில் பிறப்­பித்த 14 நிர்­வாக உத்­த­ர­வு­களை ரத்து செய்­யக் கோரி மும்பை உயர் நீதி­மன்­றத்­தில் ரிட் மனு தாக்­கல் செய்­யப்­பட்­டுள்­ளது.

மகா­ராஷ்­டி­ரா­வைச் சேர்ந்த சமூக ஆர்­வ­லர்­கள் மும்பை உயர் நீதி­மன்­றத்­தின் கோலாப்­பூர் அமர்­வில் மனு ஒன்­றைத் தாக்­கல் செய்­துள்­ள­னர். அதில், தேர்­தல் ஆணை­யம் ஒரு­மித்த கருத்­துக்­க­ளின் அடிப்­ப­டை­யில் முடி­வு­களை எடுக்­க­வில்லை என்­பது அம்­ப­ல­மான நிலை­யில் கடந்த 10 மாதங்­க­ளாக எடுக்­கப்­பட்ட முடி­வு­கள் மற்­றும் 14 நிர்­வாக உத்­த­ர­வு­களை ரத்து செய்ய வேண்­டும் என கோரப்­பட்­டுள்­ளது.

மேலும், மகா­ராஷ்­டி­ரா­வில் நடந்த SIR திருத்­தத்தைரத்து செய்­து­டன், நீக்­கப்­பட்டபெயர்­களை மீண்­டும் சேர்க்க உத்­த­ர­விட வேண்­டும் என்­றும் அந்த மனு­வில் வலி­யு­றுத்­தப்­பட்­டுள்­ளது.

வாக்­கா­ளர்­க­ளின் பெயர்­களை நீக்­கி­யது, ரக­சிய மென்­பொ­ருள் பயன்­ப­டுத்­தி­யது உள்­ளிட்ட விவ­கா­ரங்­கள் குறித்து ஓய்­வு­பெற்ற உயர் நீதி­மன்ற நீதி­பதி தலை­மை­யில் சுதந்­தி­ர­மான விசா­ர­ணைக் குழு அமைக்க வேண்­டும் என்­றும் படி­வம் 6 ல் கொண்­டு­வ­ரப்­பட்ட மாற்­றத்தை ரத்து செய்ய வேண்­டும் என்­றும் அந்த மனு­வில் கோரப்­பட்­டுள்­ளது.

இந்த மனு விரை­வில் விசா­ர­ணைக்கு வரும் என எதிர்ப்­பார்க்­கப்­ப­டு­கி­றது.