சென்னை, செப். 26 –

மனி­த­நேய ஜன­நா­யக கட்­சி­யின் மேலிட பொறுப்­பா­ளர்­கள் ஆலோ­ச­னைக் கூட்­டம்சென்­னை­யில் தலை­வர் மு.தமி­முன் அன்­சாரி MLA. தலை­மை­யில் நடை­பெற்­றது. இதில் தலைமை நிர்­வா­கி­கள், மாவட்­டங்­களை நிர்­வ­கிக்­கும் மாநில துணைச் செய­லா­ளர்­கள் பங்­கேற்­ற­னர். இதில் சமீ­பத்­தில் பொதுச்­செ­ய­லா­ளர் M.முகம்­மது நாசர் தலை­மை­யில் ஆய்­வுக்­குழு தமிழ்­நாடு முழுக்க கட்சி வளர்ச்சி குறித்து சுற்­று­ப் ப­ய­ணம் செய்­தி­ருந்­தது. அந்த குழு­வின் அறிக்கை இக்­கூட்­டத்­தில் தாக்­கல் செய்­யப்­பட்டு விவா­திக்­கப்­பட்­டது. நிறை­வாக அதில் கீழ்க்­கண்ட தீர்­மா­னங்­கள் நிறை­வேற்­றப்­பட்­டன.

தீர்­மா­னங்­கள்!

மது­ராந்­த­கம்- தாரா­பு­ரம் இடைத்­தேர்­தல்...! மது­ராந்­த­கம் மற்­றும் தாரா­பு­ரம் சட்­ட­மன்­றத் தொகு­தி­க­ளில் நடை­பெ­ற­வுள்ள இடைத்­தேர்­த­லில் தி.மு.க தலை­மை­யி­லான மதச்­சார்­பற்ற முற்­போக்­குக்கூட்­ட­ணி­யில் போட்­டி­யி­டும் மது­ராந்­த­கம் சட்­ட­மன்ற தொகுதி வேட்­பா­ளர் வழக்­க­றி­ஞர் பரந்­தா­மன் மற்­றும் தாரா­பு­ரம் சட்­ட­மன்ற தொகுதி வேட்­பா­ளர் வழக்­க­றி­ஞர் சுகன்யா ஆகி­யோ­ருக்கு ஆத­ர­வாக பொது­மக்­கள் வாக்­க­ளிக்க வேண்­டும் என இக்­கூட்­டம் கேட்­டுக்­கொள்­கி­றது.

GPay / UPI சேவைக் கட்­ட­ணம். டிஜிட்­டல் பணப்­ப­ரி­வர்த்­த­னை­க­ளில் (GPAY/UPI) பொது­மக்­க­ளுக்கு நேர­டி­யா­கக் கூடு­தல் கட்­ட­ணம் விதிக்­கப் ­ப­டக் கூடாது. தற்­போது மத்­திய அரசு, நுகர்­வோ­ருக்கு UPI பரி­வர்த்­த­னைக்­குக் கட்­ட­ணம் இல்லை என்­றும், MDR அறி­மு­கப்­ப­டுத்த ப்பட்­டா­லும் அது குறிப்­பிட்ட வணி­கப் பரி­வர்த்­த­னை­க­ளுக்கு மட்­டுமே பொருந்­தும் என்­றும் தெரி­வித்­துள்­ளது. குறிப்­பாக சிறு வணி­கர்­கள் மற்­றும் பொது­மக்­கள் மீது பரி­வர்த்­த­னைச் செலவு சுமத்­தப்­ப­டாத வகை­யில் UPI கட்­டண நடை­மு­றை­களை மத்­திய அரசு உறுதி செய்ய வேண்­டும் என இக்­கூட்­டம் வலி­யு­றுத்­து­கி­றது.

தலைமை தேர்­தல் ஆணை­யரை பதவி நீக்­கம் செய்ய வேண்­டும் இந்­திய தலைமை தேர்­தல் ஆணை­யத்­தின் செயல்­பா­டு­கள் கடந்த 10 ஆண்­டு­க­ளில் கடும் சர்ச்­சை­யாகி வரும், நிலை­யில், தற்­போது தேர்­தல் ஆணை­யர்­க­ளி­டம் கருத்து மோதல், நிர்­வாக மோத­லும் ஏற்­பட்­டுள்­ளதுஅதிர்ச்சி அளிக்­கி­றது. அந்த வகை­யில் கடும் விமர்­ச­னத்­திற்கு ஆளாகி இருக்­கும் தலைமை தேர்­தல் ஆணை­யர் ஞானேஷ் குமார் அவர்­களை பதவி நீக்­கம் செய்ய வேண்­டும் என கூட்­டம் கேட்­டுக் கொள்­கி­றது. மேலும் தேர்­தல் ஆணை­யர்­கள் நிய­ம­னத்­தில் அர­சி­யல் சார்­பற்ற சுதந்­தி­ர­மும், நேர்­மை­யும் பாது­காத்­திட வேண்­டும். இதற்­காக, முன்பு நடை­மு­றை­யில் இருந்த பிர­த­மர், எதிர்க் கட்­சித் தலை­வர் உச்­ச­நீ­தி­மன்ற தலைமை நீதி­பதி ஆகி­யோர் கொண்ட குழு மீண்­டும் அமைக்­கப்­பட்டு, வெளிப்­ப­டை­யான, நிய­மன நடை­முறை உரு­வாக்­கப்­பட வேண்­டும் என இக்­கூட்­டம் வலி­யு­றுத்­து­கி­றது.

பரந்­தூர் விமான நிலைய திட்­டத்தை ரத்து செய்­தது தவ­றா­னது. உரி­ய­வர்­க­ளி­டம் நிலத்தை ஒப்­ப­டைக்க வேண்­டும். பரந்­தூர் விமான நிலைய நிலங்­கள், பரந்­தூ­ரில் முன்­மொ­ழி­ யப்­பட்ட பசுமை விமான நிலை­யத் திட்­டம் கைவி­டப்­பட்­டுள்ள நிலை­யில், அத்­திட்­டத்­திற்­காக ஏற்­க­னவே கைய­கப்­ப­டுத்த ப்பட்­டுள்ள விவ­சாய நிலங்­க­ ளின் எதிர்­கால பயன்­பாடு குறித்து அரசு தெளி­வான முடிவை அறி­விக்க வேண்­டும். விவ­சா­யி­க­ளின் வாழ்­வா­தா­ரம் மற்­றும் நில உரி­மை­யைப் பாது­காக்­கும் வகை­யில், கைய­கப்­ப­டுத்­தப்­பட்ட நிலங்­களை அசல் நில உரி­மை­யா­ளர்­க­ளி­டம் மீண்­டும் ஒப்­ப­டைக்க உரிய நட­வ­டிக்கை மேற்­கொள்ள வேண்­டும் என இக்­கூட்­டம் வலி­யு­றுத்­து­கி­றது.

புதிய தலை­மைச் செய­ல­கம். தமிழ்­நாட்­டின் நிர்­வா­கத் தேவை­கள், எதிர்­கால மக்­கள் தொகை வளர்ச்சி மற்­றும் அரசு அலு­வ­ல­கங்­க­ளின் ஒருங்­கி­ணைந்த செயல்­பாடு ஆகி­ய­வற்­றைக் கருத்­தில் கொண்டு, சென்­னை­யில் தீவுத்­தி­டல் பகு­தி­யில் புதிய தலை­மைச் செய­லக வளா­கம் அமைப்­ப­தற்­கான சாத்­தி­யக்­கூ­று­களை தமி­ழக அரசு விரி­வாக ஆய்வு செய்து, திட்­டத்தை உரு­வாக்க வேண்­டும். மேலும் மீன­வர்­க­ளின் கோரிக்­கை­களை ஏற்று பட்­டி­னப்­பாக்­கத்­தில் புதிய தலைமை செய­ல­கம் கட்­டும் முடிவை தமி­ழக அரசு கைவிட வேண்­டும் என இக்­கூட்­டம் வலி­யு­றுத்­து­கி­றது.

நவோ­தயா பள்­ளி­களை திணிக்­கக் கூடாது மாநில உரி­மை­யும் இரு­மொ­ழிக் கொள்­கை­யும் பாது­காக்­கப்­பட வேண்­டும் தமிழ்­நாட்­டில் நீண்­ட­கா­ல­மாக நடை­மு­றை­யில் உள்ள தமிழ்–­­ஆங்­கி­லம் என்ற இரு­மொ­ழிக் கொள்­கையை பாது­காக்க வேண்­டும் என இக்­கூட்­டம் வலி­யு­றுத்­து­கி­றது. நவோ­தயா பள்­ளி­க­ளில் மும்­மொ­ழிக் கொள்கை நடை­மு­றை­யில் உள்ள நிலை­யில், தமிழ்­நாட்­டின் மொழிக் கொள்­கைக்கு முர­ணான எந்த நட­வ­டிக்­கை­யும் மாநி­லத்­தின் மீது திணிக்­கப்­ப­டக் கூடாது. மாண­வர்­க­ளுக்கு இந்தி உள்­ளிட்ட பிற மொழி­களை கற்­கும் வாய்ப்­பு­கள் அவர்­க­ளின் விருப்­ பத்­தின் அடிப்­ப­டை­யில் வழங்­கப்­பட வேண்­டும். எந்த மொழி­யும் கட்­டா­யப்­ப­டுத்­தப்­ப­டக் கூடாது. எனவே, மாநி­லத்­தின் கல்வி மற்­றும் மொழிக் கொள்கை, மாநில உரி­மை­கள் மற்­றும் கூட்­டாட்­சித் தத்­து­வத்தை மதித்து, தமி­ழ­கத்­தின் இரு­மொ­ழிக் கொள்­கையை பாது­காக்க அரசு உறு­தி­யான நட­வ­டிக்கை எடுக்க வேண்­டும் என இக்­கூட்­டம் வலி­யு­றுத்­து­கி­றது.

சிறை­வா­சி­கள் விடு­தலை தமி­ழ் நாடு சிறை­க­ளில் உள்ள 14 ஆண்­டு­க­ளைக் கடந்த ஆயுள் சிறை­வா­சி­ களை சாதி, மத வழக்கு பேத­மின்றி தமி­ழக அரசு முன் விடு­தலை செய்ய வேண்­டும் என­வும், அது­வரை அவர்­க­ளுக்கு பரோல் என்ற சிறை விடுப்பு வழங்க வேண்­டும் என­வும் இக்­கூட்­டம் வலி­யு­றுத்­து­கி­றது.

இவ்­வாறு தீர்­மா­னங்­கள் நிறை­வேற்­றப்­பட்­டன.