சிவகங்கை, செப். 26–
சிவகங்கை மாவட்ட வேளாண்மை துறை சார்பில் இரண்டு தினங்களுக்கு முன்சிவகங்கையில் உள்ள தனியார் திருமண மண்டபத்தில் வேளாண்மை கருத்தரங்கம் மற்றும் வேளாண்மை கண்காட்சி நடைபெற்றது.
மாவட்ட ஆட்சியர் ஆகாஷ் தலைமையில் நடைபெறும் இந்த கண்காட்சி கருத்தரங்கில் கனிமவளத்துறை அமைச்சர் டி.கே.பிரபு பங்கேற்று விவசாயிகளுக்கு நலத்திட்ட உதவிகள் வழங்கி சிறப்பூரை ஆற்றுவார் என்று அழைப்பிதழ் வெளியாகி விளம்பர படுத்தப்பட்டது. மேலும் இந்த நிகழ்ச்சியில் நாடாளுமன்ற சட்டமன்ற உறுப்பினர் கள் பெயர் இடம் பெற்றிருந்தது.
சிவகங்கை நகர் மன்ற தலைவர் சி.எம்.துரை.ஆனந்த், முன்னாள் ஒன்றிய அமைச்சர் ராஜ்யசபா உறுப்பினர் ப.சிதம்பரம் பெயர் இடம் பெறவில்லை. மாவட்ட ஆட்சியர் ஆகாஷ் கலந்துகொண்டு கருத்தரங்கினை துவக்கி வைத்து சிறப்புரை ஆற்றினார். இதில் மாவட்டம் முழுவதிலும் இருந்து ஏராளமான விவசாயிகள் கலந்து கொண்டார்கள். விவசாயிகள் தங்கள் பகுதியில் உள்ள பிரச்சனைகளை விவசாயம் சம்பந்தப்பட்ட குறைகளை அமைச்சரிடம் நேரில் கூறி நிவார ணம் பெறலாம் என்று கருதி அனைவரும் மனுக்களூடன் காத்திருந்தார்கள். அமைச்சர் டிகே.பிரபு கருத்தரங்கில் பங்கேற்பதாக ஒப்புதல் கொடுத்திருந்தார். எம்.எல்.ஏக் கள் திருமதி குழுந்தைராணி சிவகங்கை , இளங்கோவன் மானாமதுரை ,கார்த்தி சிதம்பரம் எம்.பி. ஆகியோர் மட்டும் கலந்து கொண்டார்கள். திருப்பத்தூர் சட்டமன்ற உறுப்பினர் சீனிவாச சேதுபதி பங்கேற்கவில்லை . காலை 10 மணிக்கு துவங்கிய கண்காட்சி மதியம் வரை நடைபெற்றது.
இதில் அமைச்சர் பங்கேற்பார் என்று விவசாயி கள் ஆர்வத்துடன் காத்திருந்தார்கள் . அமைச்சர் கருத்தரங்கிற்கு வரவில்லை என்று கூட்டத்தில் தெரிவிக்கப்பட. வில்லை.மாவட்டம் முழுவதிலும் இருந்து பங்கேற்ற .விவசாயிகளும் பகல் 2 மணி வரை காத்திருந்து தங்களது குறைகளை அமைச்சரிடம் நேரில் தெரிவிக்கலாம் என்று எதிர்பார்த்து ஏமாற்றத்துடன் திரும்பிச் சென்றார்கள். பெயரளவில் இந்த வேளாண்மை கருத்தரங்கு நடைபெற்றது. இதில் பங்கேற்ற விவசாயிகள் இந்த கருத்தரங்கிற்கு வந்ததில் எந்த பயனும் இல்லை என்று புலம்பியவாறு சென்றார்கள். அமைச்சர் இந்த நிகழ்ச்சிக்கு வரவில்லை என்று முன் கூட்டியே அதிகாரிகள் தெரிவித்திருந்தால் தொலை தூரப் பகுதிகளிலிருந்து வந்திருந்த விவசாயிகள் முன்கூட்டியே தங்களது ஊருக்கு சென்றிருப்போம் என்று கூறினார்கள். .