புதுடெல்லி,செப்.26–
தலைமைத் தேர்தல் ஆணையர் ஞானேஷ் குமார் 48 மணி நேரத்துக்குள் பதவி விலக வேண்டும் என்று கரப்பான் பூச்சி ஜனதாக் கட்சித் தலைவர் அபிஜீத் தீப்கே எச்சரித்துள்ளார்.
வாக்காளர் பட்டியல் நடைமுறைகள் மற்றும் சிறப்பு தீவிர திருத்தம் செயல்முறை தொடர்பான முடிவுகள் மற்றும்உத்தரவுகள் குறித்து, தேர்தல் ஆணையர்களான சுக்பீர் சிங் சாந்து மற்றும் விவேக் ஜோஷி ஆகியோர் 10 மாதங்களில் குறைந்தது 14 முறை ஆட்சேபனைகளைத் தெரிவித்ததாக வெளியான செய்தி நாடு முழுவதும் பெரும் அதிர்வலைகளை ஏற்படுத்தி உள்ளது.
இந்நிலையில், இந்த விவகாரம் குறித்து கரப்பான்பூச்சி ஜனதா கட்சியின் (சிஜேபி) நிறுவன ஒருங்கிணைப்பாளர் அபிஜீத் தீப்கே, இணை ஒருங்கிணைப்பாளர் ஆசுதோஷ் ரங்கா ஆகியோர் டெல்லியில் செய்தியாளர்களைச் சந்தித்தனர்.
அப்போது அபிஜீத் தீப்கே, “தலைமைத் தேர்தல் ஆணையர் ஞானேஷ் குமார் மிகப் பெரிய தேசவிரோதி. இந்திய ஜனநாயகத்துக்கு அவர் மிகப் பெரிய அச்சுறுத்தலாக உள்ளார். எனவே, அவர் உடனடியாக பதவி விலக வேண்டும்.
48 மணி நேரத்துக்குள் ஞானேஷ் குமார் பதவி விலக வேண்டும். இல்லாவிட்டால், நாடு தழுவிய போராட்டம் மற்றும் காலவரையற்ற உள்ளிருப்புப் போராட்டத்தை சிஜேபி தொடங்கும்.
சுதந்திரமான,நியாயமான தேர்தலை உறுதி செய்ய தலைமைத் தேர்தல் ஆணையர் ஞானேஷ் குமார் பதவி விலக வேண்டும்.
சிஜேபி இணை ஒருங்கிணைப்பாளர் ஆசுதோஷ்ரங்கா பேசுகையில், “நாங்கள் மூன்று முக்கிய கோரிக்கைகளை முன்வைக்கி றோம். எங்களின் முதல் கோரிக்கை, தலைமைத் தேர்தல் ஆணையர் ஞானேஷ் குமார் பதவி விலக வேண்டும். அவர் மீது உடனடியாக குற்றவியல் நடவடிக்கை தொடங்கப்பட வேண்டும் என்பதாகும்.
சுதந்திரமான விசாரனை தேவை!
எங்களின் இரண்டாவது கோரிக்கை, வர இருக்கும் அனைத்துத் தேர்தல்களையும் உடனடியாக நிறுத்திவைக்க வேண்டும். அனைத்து மாநிலங்களிலும் சிறப்பு தீவிர திருத்த (எஸ்ஐஆர்) நடைமுறைக்கு முந்தைய வாக்காளர் பட்டியல்களைப் பயன்படுத்த வேண்டும். இதுவரை மேற்கொள்ளப்பட்ட எஸ்ஐஆர் நடைமுறைகள் அனைத்தையும் ஆய்வு செய்ய ஒரு சுதந்திரமான விசாரணை ஆணையம் அமைக்கப்பட வேண்டும்.
எஸ்ஐஆர் தொடர்பான முடிவெடுக்கும் செயல்முறை தொடர்பான கோப்புகளை தேர்தல் ஆணையம் அழிப்பதற்கு முன்பாக உச்ச நீதிமன்றம் அவற்றைப் பாதுகாக்க வேண்டும்.
தலைமைத் தேர்தல் ஆணையர் மற்றும் பிற தேர்தல் ஆணையர்களை நியமிப்பதற்கான
2023-ம் ஆண்டு சட்டத்தை ரத்து செய்ய வேண்டும் என்பது எங்களின் மூன்றாவது கோரிக்கை. இதற்கென சிவில் சமூகக் குழுக்களை உள்ளடக்கிய ஒரு புதிய சட்டம் இயற்றப்பட வேண்டும்.
மு.க.ஸ்டாலின் திட்டமிட்டு
தோற்கடிக்கப்பட்டார்!
பாஜகவிற்கு எதிராக பேசியவர்கள் ஒவ்வொருவராக தோற்கடிக்கப்பட்டனர். பாஜகவின் செயல்முறை ஒரேமாதிரியாக உள்ளது. இது திட்டமிட்டு செய்யப்பட்டுள்ளது
திமுக தலைவர் மு.க.ஸ்டாலின் தொகுதியிலிருந்து 1 லட்சம் வாக்குகள் நீக்கப்பட்டன.
எதிர்கட்சிகளை திட்டமிட்டு தோற்கடித்து அவர்களை நிர்மூலமாக்குவதே பாஜகவின் திட்டம்.
வாக்காளர் பட்டியலிலிருந்து பெயர்கள்நீக்கப்பட்ட விவகாரம் மு.க.ஸ்டாலின், மம்தா பானர்ஜி,அரவிந்த் கெஜ்ரிவால் மற்றும் பினராயி விஜயனை பாதித்துள்ளது
எதிர்க்கட்சித் தலைவர்களை இவ்வாறு ஓரங்கட்டுவது அல்லது நீக்குவது ஜனநாயகத்திற்கு நல்லதல்ல.
2024–ல் பாஜகவிற்கு எதிராக பிரச்சாரம் செய்த தலைவர்களும் கட்சிகளும் ஒவ்வொன்றாகத் தோற்கடிக்கப்பட்டள்ளன. ஞானேஷ் குமார் மீது குற்றவியல் நடவடிக்கை நடுக்க வேண்டும்.
இவ்வாறு சி.ஜே.பி. தலைவர் அபிஜித் தீப்கே பேட்டியளித்தார்.