ஜ ன­நா­ய­கத்­தில் மக்­கள் அளித்த தீர்ப்­பு­கள் மாற்­றப்­பட்ட வர­லாறு உண்டு. ஆனால், ஜன­நா­ய­கமே திரு­டப்­பட்ட ஒரு வர­லாற்று கொடு­மை­யைத்­தான் இன்று இந்த நாடே பார்த்­துக் கொண்­டி­ருக்­கி­றது.

சர்­வா­தி­கார நாடு­க­ளில் தேர்­தல்­கள் முடக்­கப்­ப­டு­வது வழக்­க­மா­னது. ஆனால், ஜன­நா­ய­கம் நடை­மு­றை­யில் இருக்­கும்­போதே, தேர்­தல்­களை முற்­றி­லும் அர்த்­த­மி­ழக்­கச் செய்­யும் மாபெ­ரும் மோசடி இங்கு அரங்­கே­றி­யி­ருக்­கி­றது.

ஒரு நாட்­டில் ஜன­நா­ய­கம் உயிர்ப்­பு­டன் இருக்­கி­றது என்­ப­தற்கு இரண்டு அடிப்­படை அஸ்­தி­வா­ரங்­கள் உள்­ளன:

1. அடிப்­படை உரி­மை­க­ளைப் பாது­காக்­கும் அர­சி­யல் சாச­னம் (Constitution).

2. மக்­கள் தங்­க­ளது ஆட்­சி­யா­ளர்­க­ளைத்தேர்ந்­தெ­டுக்­கும் வாக்­கு­ரிமை (Right to Vote).

இந்த இரண்­டில் எது ஒன்று வீழ்ச்­சி­ ய­டைந்­தா­லும், அந்த நாட்டை “ஜன­நா­யக நாடு” என்று அழைப்­பது முற்­றி­லும் அர்த்­த­மற்­ற­தா­கி­வி­டும்.

ஏற்­கெ­னவே, ஒன்­றிய பாஜக அர­சி­னால் நமது அர­சி­யல் சாச­னம் கடு­மை­யான தாக்­கு­த­லுக்கு ஆளாகி வரு­கி­றது. அர­சி­யல் சாச­னம் வழங்­கிய உரி­மை­க­ளை­யும் சட்­டப்­பூர்­வ­மான பாது­காப்­பு­க­ளை­யும் பல்­வேறு வழி­க­ளில் மீறி வரு­வ­து­டன், அதன் அடித்­த­ளங்­க­ளையே தகர்க்­கும் முயற்­சி­க­ளும் தீவி­ர­மாக நடை­பெற்று வரு­கின்­றன.

இப்­போது, மக்­க­ளின் வாக்­கு­ரிமை அடிப்­ப­டை­யில் அர­சி­யல் அதி­கா­ரம் தீர்­மா­னிக்­கப்­பட வேண்­டும் என்ற ஜன­நா­ய­கத்­தின் முதன்மை கோட்­பாட்­டின் மீதே, பாஜக அரசு தேர்­தல் ஆணை­யத்­தின் (Election Commission) மூல­மாக ஒரு ‘சர்­ஜி­கல் ஸ்டிரைக்’கை (Surgical Strike) நிகழ்த்­தி­யுள்­ளது.

சிறப்­புத் தீவிர வாக்­கா­ளர் பட்­டி­யல் திருத்­தப் பணி (Special Intensive Revision – SIR) என்ற பெய­ரில், பீகா­ரில் ஜூன் 2025–ல் தொடங்­கப்­பட்ட இந்த நட­வ­டிக்கை, 30 மாநி­லங்­கள் மற்­றும் யூனி­யன் பிர­தே­சங்­க­ளின் வரைவு வாக்­கா­ளர் பட்­டி­யல்­க­ளி­லி­ருந்து 13 கோடிக்­கும் அதி­க­மான பெயர்­களை நீக்­கி­யுள்­ளது. இது நாட்­டின் மொத்த வாக்­கா­ளர்­க­ளில் சுமார் 14 சத­வீ­த­மா­கும். இந்த சிறப்பு வாக்­கா­ளர் பட்­டி­யல் திருத்­தப் பணி­யின் மூல­மா­கத்­தான், பாஜ­கவை கடு­மை­யாக எதிர்க்­கும் பல மாநி­லக் கட்­சி­க­ளும் அதன் தலை­வர்­க­ளும் திட்­ட­மிட்டு வீழ்த்­தப் பட்­டி­ருக்­கி­றார்­கள்.

தேர்­தல் ஆணை­யர்­க­ளின் எதிர்ப்­பும் மூடி மறைக்­கப்­பட்ட உண்­மை­க­ளும்

‘இந்­தி­யன் எக்ஸ்­பி­ரஸ்’ (Indian Express) நாளி­த­ழின் செய்­தி­யா­ளர் ரித்­திகா சோப்ரா சில தினங்­க­ளுக்கு முன்பு வெளி­யிட்ட கட்­டுரை, நாடு முழு­தும் பெரும் பூகம்­பத்தை ஏற்­ப­டுத்­தி­யுள்­ளது.

கடந்த 10 மாதங்­க­ளில் தேர்­தல் ஆணை­யத்­தின் 14 முடி­வு­க­ளுக்கு, தேர்­தல் ஆணை­யர்­கள் சுக்­பீர் சிங் சாந்து மற்­றும் விவேக் ஜோஷி ஆகி­யோர் கடு­மை­யான ஆட்­சே­பனை தெரி­வித்­த­னர். ஆனால், அதை மீறி தலை­மைத் தேர்­தல் ஆணை­யர் ஞானேஷ் குமார் எதேச்­ச­தி­கா­ர­மா­கச் செயல்­பட்டு, கோடிக்­க­ணக்­கான மக்­க­ளின் வாக்­கு­ரி­மை­யைப் பறிக்­கும் செயல்­களை மேற்­கொண்­டார் என்­ப­து­தான் அந்­தக் கட்­டு­ரை­யின் சாராம்­சம்.

அதில் இடம்­பெற்­றுள்ள முக்­கி­ய­மான இரண்டு மோச­டி­களை பார்ப்­போம்:

1. படி­வம் 6 மோசடி

கடந்த ஜூலை மாதத்­தில், புதிய வாக்­கா­ளர்­க­ளுக்­கான ‘படி­வம் 6’–ல் (Form 6) எஸ்.ஐ.ஆர் (SIR) தொடர்­பான கேள்வி ஒன்று புதி­தா­கச் சேர்க்­கப்­பட்­டது.

விண்­ணப்­ப­தா­ர­ரின் பெயர் அல்­லது அவ­ரது பெற்­றோர், தாத்தா, பாட்டி ஆகி­யோ­ரின் பெயர் கடந்த எஸ்.ஐ.ஆர் வாக்­கா­ளர் பட்­டி­ய­லில் இருந்­ததா என்­பது குறித்த தக­வல்­கள் கோரப்­பட்­டன. அவ்­வாறு இருந்­தால், சம்­பந்­தப்­பட்ட சட்­டப்­பே­ர­வைத் தொகுதி, வாக்­குச்­சா­வடி மற்­றும் வரிசை எண் போன்ற விவ­ரங்­களை வழங்க வேண்­டும் என இணை­ய­வழி விண்­ணப்ப நடை­முறை குறிப்­பிட்­டது.

இரு­பத்­தைந்து ஆண்­டு­க­ளுக்கு முந்­தையை இந்­தத் தக­வல்­கள் எல்­லாம் சாதா­ரண மக்­க­ளி­டம் எத்­தனை பேரி­டம் இருக்­கும்? இல்­லாத ஒன்­றைக் கேட்­ப­தன் மூலம் இலட்­ச­க­ணக்­கா­னோர் வாக்­கு­ரி­மையை பறித்­தார்­கள். இது குடி­யு­ரிமை திருத்­தச் சட்ட அம­லாக்­கத்­தின் ஒரு கொடூ­ர­மான முன்­னோட்­டம்

இந்­தத் தக­வல்­க­ளைத் தர முடி­யாத கார­ணத்­தால், ஒவ்­வொரு மாநி­லத்­தி­லும் லட்­சக்­க­ணக்­கா­னோர் வாக்­கா­ளர் பட்­டி­ய­லி­லி­ருந்து நீக்­கப்­பட்­ட­னர். அல்­லது அவர்­களை நீக்க வேண்­டும் என்­ப­தற்­கா­கவே திட்­ட­மிட்­டுக் கொண்­டு­வ­ரப்­பட்ட சதி இது. “சட்­டத்­தைத் திருத்­தா­மல் இத­னைச் செய்ய முடி­யாது” என்று மே மாதத்­தில் இரு ஆணை­யர்­க­ளும் கூறி­யி­ருந்த போதி­லும், அந்த மாற்­றம் எதேச்­ச­தி­கா­ர­மா­கச் செய்­யப்­பட்­டது.

2. மேல்­மு­றை­யீட்டு வாய்ப்பு எனும் நாட­கம்

வாக்­க­ளர் பட்­டி­ய­லில் பெயர் நீக்­கப் பட்­டா­லும் ஆவ­ணங்­க­ளு­டன் மேல் முறை­யீடு செய்து சேர்த்­துக்­கொள்­ள­லாம் எனக் கூ­றப்­பட்­டது.

• கோவா: உள்­ளூர் அதி­கா­ரி­க­ளால் 97 வாக்­கா­ளர்­கள் தகு­தி­யு­டை­ய­வர்­க­ளா­கக் கண்­ட­றி­யப்­பட்­டும், அவர்­க­ளின் பெயர்­கள் மையப்­ப­டுத்­தப்­பட்ட மென்­பொ­ரு­ளில் (Centralized Software) சேர்க்­கப் ப­ட­வில்லை.

• மேற்கு வங்­கம்: எஸ்.ஐ.ஆர் நட­வ­டிக்­கை­யின் கீழ் 60.06 லட்­சம் வாக்­கா­ளர்­க­ளின் தக­வல்­க­ளில் முரண்­பாடு உள்­ள­தா­கக் கண்­ட­றி­யப்­பட்­டது. இது தொடர்­பான மேல்­மு­றை­யீட்­டில், 27.16 லட்­சம் பேரை நீக்க நடு­வர் மன்­றம் உத்­த­ர­விட்­டது. இவர்­க­ளில் 22.21 லட்­சம் பேர் பெயர்­களை மீண்­டும் சேர்க்­கக் கோரி மேல்­மு­றை­யீடு செய்­துள்­ள­னர்.

• டெல்லி: டெல்லி எஸ்.ஐ.ஆரில் 47.56 லட்­சம் வாக்­கா­ளர்­கள் வரை­வுப் பட்­டி­ய­லில் இடம்­பெ­ற­வில்லை. 31.63 லட்­சம் பேருக்கு முரண்­பாடு உள்­ள­தாக நோட்­டீஸ் அனுப்­பப்­பட்­டி­ருந்­தது. “இது இயந்­தி­ரத்­த­ன­மாக வழங்­கப்­பட்­டதா?” என உச்ச நீதி­மன்­றமே (Supreme Court) கேள்வி எழுப்­பி­யி­ருந்­தது.

மென்­பொ­ருளை உள்­ளூர் அதி­கா­ரி­க­ளால் அணுக முடி­யாத நிலை மற்­றும் வாக்­கா­ளர் பட்­டி­ய­லைத் தயா­ரிக்­கப் பயன்­ப­டுத்­தப்­ப­டும் மென்­பொ­ரு­ளின் மீதான ‘மையப்­ப­டுத்­தப்­பட்ட கட்­டுப்­பாடு’ குறித்­தும் இரு ஆணை­யர்­க­ளும் கேள்­வி­களை எழுப்­பி­யி­ருந்­த­னர்.அதா­வது எங்கோ இருக்­கும் ஒரு மையப் படுத்­தப்­பட்ட அமைப்பு இலட்­ச­க­ணக்­கான இந்­தி­யர்­க­ளின் வாக்­கு­ரி­மையை போகிற போக்­கில் வெட்­டித் தள்­ளி­யுள்­ளது.

3. தமிழ்­நாட்­டில் நடந்த வாக்கு நீக்­கக் கூத்து

தமிழ்­நாட்­டில் 96 லட்­சம் வாக்­கா­ளர்­கள் நீக்­கப்­பட்ட பிறகு, திமுக எடுத்த கடும் முயற்­சி­யின் கார­ண­மாக அது 74 லட்­ச­மா­கக் குறைக்­கப்­பட்­டது. ஆயி­னும், உள்­ளூர் தேர்­தல் அதி­கா­ரி­கள் வழியே சமர்ப்­பிக்­கப்­பட்ட ஆவ­ணங் களை மீறி, ஒன்­றிய அர­சின்மையப்­ப­டுத்­தப்­பட்ட அமைப்­பி­னால் வாக்­கா­ளர்பட்­டி­யல் முறை­கே­டா­கத் தயா­ரிக்­கப்­பட்­டது.

நீக்­கப்­பட்ட 74 லட்­சம் வாக்­கா­ளர்­க­ளில் குறைந்­த­பட்­சம் தகுதி வாய்ந்த 30 லட்­சம் பேரா­வது ஆவ­ணங்­கள் நிரா­க­ரிக்­கப்­பட்டோ, கொடுக்­கப்­பட்ட குறைந்த அவ­கா­சத்­தில் மேல்­மு­றை­யீடு செய்ய முடி­யா­மலோ அல்­லது மேல்­மு­றை­யீட்­டின் சிக்­க­லான வழி­மு­றை­க­ளைப் பின்­பற்ற முடி­யா­மலோ தங்­க­ளது வாக்­கு­ரி­மையை இழந்­தி­ருக்­கக் கூடும். இது­தான் நாடு முழு­தும் நில­வும் சூழல்.

நாடு தழு­விய எதிர்ப்பு அலை:

பா.ஜ.க அல்­லாத கட்­சி­கள் நாடு முழுக்க இந்த விவ­கா­ரத்­தில் கடும் கண்­டங்­களை தெரி­வித்து வரு­கின்­ற­னர். இந்த சிறப்பு வாக்­கா­ளர் திருத்த மோச­டி­யால் பயன் பெற்ற தமிழ்­நாடு முத­ல­மைச்­சர் விஜய் மற்­றும் ஆந்­திர முத­ல­மைச்­சர் சந்­தி­ர­பாபு நாயுடு ஆகி­யோர் மட்­டும் வாயைத் திறக்­க­வில்லை.

சிறப்பு வாக்­க­ளர் திருத்­த­திற்கு எதி­ராக தொடந்து போராடி வரும் தி.மு.க தலை­வர் இந்த மோச­டிக்கு எதி­ராக தன் கடும் கண்­ட­னங்­களை தெரி­வித்­தி­ருக்­கி­றார்

‘கரப்­பான்­பூச்சி ஜனதா கட்­சி’­யின் நிறு ­வ­னர் அபி­ஜீத் தீப்கே இது­பற்­றிப் பேசு­கை­யில்:”2024 தேர்­த­லில் பா.ஜ.க. பெரும்­பான்மை பெறத் தவறி 240 இடங்­க­ளுக்­குச் சுருங்­கி­ய­போதே அவர்­க­ளுக்­குப் பயம் தொற்­றிக் கொண்­டது. நாட்­டின் மன­நிலை மாறு­ வ­தை­யும், மாநி­லக் கட்­சி­கள் வலிமை பெறு­ வ­தை­யும் அவர்­கள் உணர்ந்­த­னர். அதன் பின்­னரே, ஒன்­றி­ணைந்து கள­மி­றங்­கிய எதிர்க்­கட்­சித் தலை­வர்­கள் வரி­சை­யா­கத் தோற்­க­டிக்­கப்­பட்­ட­னர். அவர்­கள் ஒரு­வர் பின் ஒரு­வ­ராக வீழ்த்­தப்­பட்­ட­னர்.

மேற்கு வங்­கத்­தில் மம்தா பானர்ஜி தொகு­தி­யில் 50,000 வாக்­கு­கள் நீக்­கப்­பட்­டன. அங்கு மம்தா பானர்ஜி 15,000 வாக்­கு­கள்வித்­தி­யா­சத்­தில் தோல்­வி­ய­டைந்­தார். தமிழ்­நாட்­டில் தி.மு.க. தலை­வர் மு.க.ஸ்டாலின் தொகு­தி­யி­லி­ருந்து 1 லட்­சம் வாக்­கு­கள் நீக்­கப்­பட்­டன. அங்கு ஸ்டாலின் 8,000 வாக்­கு­கள் வித்­தி­யா­சத்­தில் தோல்­வி­ய­டைந்­தார். டெல்­லி­யில் கெஜ்­ரி­வால் தொகு­தி­யி­லி­ருந்து 40,000 வாக்­கு­கள் நீக்­கப்­பட்­டன; அங்கு அவர் 5,000 வாக்­கு­கள் வித்­தி­யா­சத்­தில் தோல்­வி­ய­டை­கி­றார். அதே­போல், கேர­ளா­வில் பின­ராயி விஜ­ய­னும் இந்த வாக்கு நீக்க நட­வ­டிக்­கை­யால் மீண்­டும் ஆட்­சி­யைக் கைப்­பற்ற முடி­ய­வில்லை. மு.க.ஸ்டாலின், மம்தா பானர்ஜி, பின­ராயி விஜ­யன் ஆகி­யோர் தோற்­றது தற்­செ­ய­லா­னது அல்ல. அதற்­குப் பின்­னால் பெரிய சதி உள்­ளது. எதிர்க்­கட்­சி­ க­ளின் பலத்­தைக் குறைப்­ப­து­தான் இந்த எஸ்.ஐ.ஆர். நட­வ­டிக்­கை­யின் முக்­கிய நோக்­கம்” என்று கூறி­யுள்­ளார்.

சிவ­சேனா கட்­சித் தலை­வர் உத்­தவ் தாக்­கரே மற்­றும் சமாஜ்­வாடி கட்­சித் தலை­வர் அகி­லேஷ் யாதவ் ஆகி­யோர் தமிழ்­நாடு, மேற்கு வங்­கம், மகா­ராஷ்­டி­ரா­வில் மறு­தேர்­தல் நடத்த வேண்­டும் என்ற கோரிக்­கையை முன்­வைத்­துள்­ள­னர்.

ராகுல் காந்­தி­யின் இரட்டை வேடம்

காங்­கி­ரஸ் தலை­வர் ராகுல் காந்தி இந்த விவ­கா­ரம் பற்­றிப் பேசு­கை­யில், “ஹரி­யானா, சத்­தீஸ்­கர், உத்­த­ரப் பிர­தே­சம் உள்­ளிட்ட மாநி­லங்­க­ளில் ஆட்­சி­கள் மாறு­வது வழக்­க­மான ஒன்­றாக இருந்த நிலை­யில், சமீ­பத்­திய தேர்­தல்­க­ளில் மட்­டும் ‘ஆட்சி எதிர்ப்பு அலை’ (Anti–Incumbency) என்­பது திடீ­ரெ­னக் காணா­மல் போய்­விட்­டது” என்று கூறு­கி­றார்.

ஆனால் தமிழ்­நாடு, கேரளா, மேற்கு வங்­கத்­தில் சிறப்பு வாக்­கா­ளர் திருத்­தத்­தில் நடந்த ஜன­நா­ய­கப் படு­கொலை பற்றி அவர் எந்த வார்த்­தை­யும் பேச­வில்லை. கார­ணம், திமுக தலை­வர் தேசி­யத் தலை­வ­ராக அடை­யா­ளம் பெறு­வதை ராகுல் காந்­தி­யால் சகிக்க முடி­யா­த­தால், விஜய்­யி­டம் ஓடோ­டிச் சென்று சேர்ந்­து­கொண்­டார். மம்தா பானர்­ஜி­யும், பின­ராயி விஜ­ய­னும், அர­விந்த் கெஜ்­ரி­வா­லும் மாநில அர­சி­ய­லில் காங்­கி­ர­ஸின் எதி­ரி­கள்; எனவே அவர்­கள் தேர்­தல் ஆணை­யத்­தின் தில்­லு­முல்­லு­க­ளால் தோற்­ப­தில் அவ­ருக்கு எந்­தப் பிரச்­சி­னை­யும் இல்லை.

த.வெ.க வென்­றது எப்­படி?

எல்லா தேர்­தல் கணிப்­பு­க­ளை­யும் மீறி, இப்­ப­டித்­தான் தேர்­தல் ஆணை­யத்­தின் துணை­யு­டன் த.வெ.க (தமி­ழக வெற்றி கழ­கம்) தமி­ழ­கத்­தில் வென்­றி­ருக்­கி­றது.

தான் நேர­டி­யா­கக் களத்­தில் இருக்­கும் மாநி­லங்­க­ளில், பாஜக சூழ்ச்­சி­யி­னால் அங்­கி­ருக்­கும் தனக்கு எதி­ரான கட்­சி­க­ளை­யும் தலை­வர்­க­ளை­யும் வீழ்த்­தி­யது. தான் நேர­டி­யா­கக் களத்­தில் இல்­லாத தமிழ்­நாட்­டில், தனது நிழ­லாக விஜய்யை முன்­னி­றுத்தி வென்று, இன்று தன் ஆட்­சியை நடத்­திக் கொண்­டி­ருக்­கி­றது.

யாரா­லும் நம்ப முடி­யாத த.வெ.க–வின் வெற்­றி­யின் ரக­சி­யம் இப்­போது தெளி­வா­கி­விட்­டது. “த.வெ.க எனும் கிளி­யின் உயிர், இப்­போது தேர்­தல் ஆணை­யர் எனும் மந்­தி­ர­வா­தி­யின் கையில் இருக்­கி­றது.”

கள்­ளப் பூனைக்கு மணி கட்­டு­வது யார்?

பா.ஜ.க. ஒன்­றி­யத்­தில் ஆட்­சிக்கு வந்த பிறகு, தேர்­தல் ஆணை­யம் முற்­றி­லு­மாக பா.ஜ.­க.­வின் அடி­யா­ளா­கச் செயல்­பட்டு வரு­வது குறித்து எத்­த­னையோ குற்­றச் சாட்­டு­கள் எழுந்­தி­ருக்­கின்­றன.

• மின்­னணு வாக்­குப்­ப­திவு இயந்­திர (EVM) மோச­டிப் புகார்­கள்

• பா.ஜ.­க.­வின் விருப்­பங்­க­ளுக்கு ஏற்ப பிற கட்­சி­க­ளின் பிள­வு­க­ளைக் கையா­ளு­தல்

• பா.ஜ.­க.­விற்­குச் சாத­க­மான தேதி­க­ளில் மாநி­லத் தேர்­தல் தேதி­களை அறி­வித்­தல்

• கட்­சித் தாவல் தடைச் சட்­டத்­தைப் பா.ஜ.­க.­வின் நலன்­க­ளுக்கு ஏற்ப பயன் ப­டுத்­து­தல்

• ஒப்­பு­கைச் சீட்­டு­க­ளுக்­கும் (VVPAT) பதி­வான வாக்­கு­க­ளுக்­கும் இடை­யி­லான வித்­தி­யா­சம் குறித்த புகார்­களை கண்­டு­கொள்­ளா­மல் இருப்­பது

• வாக்­கா­ளர் பட்­டி­ய­லில் இருக்­கும் எண்­ணிக்­கையை விட அதிக வாக்­குப்­ப­திவு நடை­பெற்­றது குறித்த புகார்­க­ளுக்கு செவி சாய்­கா­தது

• கடைசி நேரத்­தில் திடீ­ரென வாக்­குப் ப­திவு சத­வீ­தம் அதி­க­ரிப்­பது என தேர்­தல் ஆணை­யத்­தின் மீதான குற்­றச் சாட்­டு­கள் கொஞ்­ச­நஞ்­ச­மல்ல. ஆனால், தேர்­தல் ஆணை­யம் எதற்­கும் செவி­சாய்க்­க­வில்லை.

மாறாக, ஒன்­றிய அரசு தலை­மைத் தேர்­தல் ஆணை­ய­ரைப் பாது­காக்­கும் சட்­டத்­தை­யும் கொண்­டு­வந்­தது. இச்­சட்­டத்­தின் மிக முக்­கி­ய­மான அம்­சங்­க­ளில் ஒன்று பிரிவு 16 (Section 16) ஆகும். இதன்­படி, தற்­போ­தைய அல்­லது முன்­னாள் தலை­மைத் தேர்­தல் ஆணை­யர் மற்­றும் தேர்­தல் ஆணை­யர்­கள், தங்­க­ளது அதி­கா­ரப்­பூர்­வப் பணி­க­ளைச் செய்­யும்­போது எடுத்த முடி­வு­கள், பேசிய வார்த்­தை­கள் அல்­லது செய்த செயல்­க­ளுக்­காக அவர்­கள் மீது எந்­த­வொரு நீதி­மன்­ற­மும் சிவில் (Civil) அல்­லது கிரி­மி­னல் (Criminal) வழக்­கு­க­ளைத் தொட­ரவோ அல்­லது நடத்­தவோ முடி­யாது.

அது­மட்­டு­மல்­லா­மல், 2023–ஆம் ஆண்டு மார்ச் மாதம், உச்ச நீதி­மன்­றத்­தின் 5 நீதி­ப­தி­கள் கொண்ட அர­சி­ய­ல­மைப்பு அமர்வு, “தேர்­தல் ஆணை­யர்­க­ளைத் தேர்வு செய்­யும் குழு­வில் பிர­த­மர், மக்­க­ளவை எதிர்க்­கட்­சித் தலை­வர், இந்­தி­யத் தலைமை நீதி­பதி (Chief Justice of India – CJI) ஆகி­யோர் நிய­மிக்­கப்­பட வேண்­டும்” என உத்­த­ர­விட்­டது.

ஆனால், ஒன்­றிய அரசு உச்ச நீதி­மன்­றத் தீர்ப்­பைத் தொடர்ந்து, நாடா­ளு­மன்­றத்­தில் “தலை­மைத் தேர்­தல் ஆணை­யர் மற்­றும் பிற தேர்­தல் ஆணை­யர்­கள் (நிய­ம­னம், சேவை நிபந்­த­னை­கள் மற்­றும் பத­விக்­கா­லம்) சட்­டம், 2023” என்ற புதிய சட்­டத்­தைக் கொண்­டு­வந்து நிறை­வேற்­றி­யது. இந்­தச் சட்­டத்­தின்­படி, தேர்­வுக் குழு­வி­லி­ருந்து தலைமை நீதி­பதி (CJI) நீக்­கப்­பட்­டார். அவ­ருக்­குப் பதி­லா­கப் பிர­த­மர் பரிந்­து­ரைக்­கும் ஒரு மத்­திய கேபி­னட் அமைச்­சர் (Cabinet Minister) குழு­வில் சேர்க்­கப்­பட்­டார். இதற்கு எதி­ரான வழக்­கில் இரு நீதி­ப­தி­கள் கொண்ட அமர்வு மாறு­பட்ட தீர்ப்­பினை வழங்­கி­ய­தால், இப்­போது இவ்­வ­ழக்கு தலைமை நீதி­ப­தி­யின் பார்­வைக்­குச் சென்­றுள்­ளது.

வாக்­குத் திருட்­டுப் பூனை­யான தேர்­தல் ஆணை­யத்­திற்கு, ஜன­நா­யக சக்­தி­க­ளின் மாபெ­ரும் போராட்­டமே இறு­தி­யாக மணி கட்­டும்!