சென்னை, செப்.27–
பல்வேறு கோரிக்கைகளை வலியுறுத்தி நாடு முழுவதும் வங்கி ஊழியர்கள் வரும் 28, 29, 30ம் தேதி என 3 நாட்கள் ஸ்டிரைக்கில் ஈடுபடுகின்றனர். இதன் எதிரொலியாக இன்று (ஞாயிற்றுக்கிழமை) அனைத்து வங்கிகளும் இயங்கும் என்று அறிவிக்கப்பட்டுள்ளது. இது தொடர்பாக வாடிக்கையாளர்களுக்கு எஸ்.எம்.எஸ். மூலம் வங்கிகள் தகவல் அனுப்பி வருகிறது. அதே நேரத்தில் ஸ்டிரைக் அன்று ஏ.டி.எம்.களுக்கான சேவை கட்டணம் ரத்தாகிறது.
வங்கி வேலை நாட்களை 5 ஆக குறைக்க வேண்டும், ஊக்கத்தொகைகளை சமமாக வழங்க வேண்டும் உள்ளிட்ட கோரிக்கையை வலியுறுத்தி நாடு முழுவதும் உள்ள தேசிய வங்கிகளின் அலுவலர், ஊழியர் சங்கங்களின் கூட்டு நடவடிக்கை குழு சார்பில் வரும் 28ம் தேதி முதல் 30ம் தேதி வரை வேலை நிறுத்தத்தில் ஈடுபட முடிவு செய்துள்ளனர். இந்த வேலை நிறுத்த போராட்டத்தில் இந்தியா முழுவதும் ஒரு லட்சம் வங்கிக் கிளைகளில் பணியாற்றும் 8 லட்சம் ஊழியர்கள், அதிகாரிகள்பங்கேற்க உள்ளனர். தமிழகத்தை பொறுத்தவரை 18,000 வங்கி கிளைகள் செயல்பட்டு வருகின்றன. இதில் பணியாற்றும்60,000 பேர் போராட்டத்தில் பங்கேற்க உள்ளனர்.
மாதத்தின் கடைசி 3 நாட்கள் வேலை நிறுத்தத்தை அறிவித்துள்ள நிலையில் அதனைச் சார்ந்த சனி, ஞாயிறு அரசு விடுமுறை நாட்களாக இருப்பதால் 5 நாட்கள் வங்கிகள் மூடப்படும் நிலை உருவானது. 26ம் தேதி முதல் 30ம் தேதி வரை வங்கிகள் தொடர்ந்து செயல்படாமல் போனால் மிகப்பெரிய அளவில் பாதிப்பு ஏற்படும் நிலை ஏற்பட்டது. அதாவது நாடு முழுவதும் உள்ள வங்கிகளை சார்ந்துள்ள வர்த்தக பணிகள், காசோலை பரிமாற்றங்கள், அன்னிய செலாவணி உள்ளிட்ட பல்லாயிரம் கோடி மதிப்பிலான பரிவர்த்தனைகள் முடங்கும் நிலைஏற்பட வாய்ப்பு இருந்தது.
அதனைக் கருத்தில் கொண்டு மத்திய நிதித்துறை வங்கி ஊழியர்களின் வேலை நிறுத்தத்திற்கு
முந்தைய இன்று (ஞாயிற்றுக்கிழமை) அனைத்து வங்கிகளும் செயல்படும் என்று மத்திய அரசு அறிவித்துள்ளது. அதன்படி நாளை ஞாயிற்றுக்கிழமை வங்கிகள் வழக்கம் போல செயல்பட உள்ளது. இந்த விவகாரத்தில் பொதுத்துறை வங்கிகளும் வாடிக்கையாளர்களை உஷார்படுத்தி குறுந்தகவல்களை அனுப்பி வருகின்றன. அதில், அன்பார்ந்த வாடிக்கையாளர்களே, செப்டம்பர் 28ம் தேதி முதல் 30ம் தேதி வரை வங்கி வேலை நிறுத்தம் நடைபெறுவதையொட்டி, உங்கள் வங்கி சேவைகளுக்காக வங்கி கிளைகள் செப்டம்பர் 27ம் தேதி(நாளை) ஞாயிற்றுக்கிழமை அன்று வழக்கம் போல் செயல்படும்” என்ற வாசகம் இடம் பெற்றுள்ளது.
இதே போன்று, வேலை நிறுத்தத்துக்கு முன்பு அத்தியாவசிய வங்கி பரிவர்த்தனைகளை முடித்துக்கொ ள்ளுமாறு வங்கிகளும், வாடிக்கையாளர்களை அறிவுறுத்தி உள்ளன. மேலும் பண தேவைகளுக்கு தங்கள் வங்கிகளின் ஏடிஎம் மையங்கள் மற்றும் இன்டர்நெட் பேங்கிங், யு.பி.ஐ. உள்ளிட்டவற்றை பயன்படுத்துமாறும் கேட்டுக்கொண்டுள்ளன. இந்த விவகாரத்தில் பாரத ஸ்டேட் வங்கி, பாங்க் ஆப் இந்தியா உள்பட பல்வேறு பொதுத்துறை வங்கிகளும், தனியார் வங்கிகளும் தங்கள் வாடிக்கையாளர்களை உஷார்படுத்தி குறுந்தகவல்களை அனுப்பி வருகின்றன.
இந்த நிலையில், ஸ்டிரைக் அறிவிக்கப்பட்ட 3 நாட்களும் தேசியமயமாக்கப்பட்ட வங்கிகளில் சேவைகள் முற்றிலும் முடங்கும் நிலை உள்ளது. இதையடுத்து, வரும் திங்கள் முதல் புதன் கிழமை வரை எவ்வித கட்டணமும் இல்லாமல் ஏடிஎம் சேவை வழங்கப்படும் என பொதுத்துறை வங்கிகள் அறிவித்துள்ளன. வாடிக்கையாளர்கள் கணக்கு வைத்து இருக்கும் ஏடிஎம்மில் மாதத்திற்கு 5 முறையும், பிற வங்கிகளின் ஏடிஎம்களில் மாதத்திற்கு 3 முறையும் கட்டணமின்றி பணம் எடுக்கலாம். அதற்கு மேல் ஏடிஎம்மில் பணம் எடுத்தால் ஒரு பரிவர்த்தனைக்கு 23 ரூபாய் வரை கட்டணம் வசூலிக்கப்படுகிறது.
இந்நிலையில், வங்கி ஊழியர்கள் வேலை நிறுத்தம் நடைபெறும் இந்த மூன்று நாட்களில் இந்த சேவைக் கட்டணம் வசூலிக்கப்படாது என்று அறிவிக்கப்பட்டுள்ளது. பெரும்பாலான வங்கிகளுடன் உள்ள ஏடிஎம்களில் வங்கி ஊழியர்கள் தான் பணத்தை நிரப்புவார்கள். அவர்கள் ஸ்டிரைக்கில் ஈடுபடுவதால் ஏடிஎம்களில் பணம் நிரப்புதல் பணிகள் பாதிக்கப்படும். இதனால், ஏடிஎம்கள் இயங்குமா? என்ற சந்தேகமும் ஏற்பட்டுள்ளது. சென்னையை பொறுத்தவரை ஒரு நாள் வங்கி விடுமுறை என்றாலே பெரும்பாலான ஏடிஎம்களில் மாலை 5 மணிக்கு மேல் பணம் இல்லை என்ற போர்டுகளே காணமுடிகிறது. இந்த நிலையில் தொடர் விடுமுறை வருகிறது. இதனால் உடனுக்குடன் ஏடிஎம்கள் பணம் தீரும் நிலை ஏற்பட்டுள்ளது. எனவே, ஏடிஎம்களில் உடனுக்குடன் பணத்தை நிரப்ப நடவடிக்கை எடுக்க வேண்டும் என்று வாடிக்கையாளர்கள் வலியுறுத்தியுள்ளனர்.
மதுராந்தகம் சட்டமன்ற இடைத்தேர்தல் தொடர்பான கழக சிறுபான்மையினர் நல உரிமைப் பிரிவு ஆலோசனைக்கூட்டம் செயலாளர் டாக்டர் அ.சுபேர்கான் தலைமையில் மதுராந்தகம் ஷாலோம் கம்யூனிட்டி சென்டரில் நடைபெற்றது. இந்நிகழ்வில் கழக சிறுபான்மையினர் நல உரிமைப் பிரிவின் மாநில துணைச் செயலாளர்கள் நூருல்லா, ராபர்ட் (e) ராஜதுரை, காஞ்சிபுரம் தெற்கு மாவட்ட அமைப்பாளர் நூருல் அமீன், வடக்கு மாவட்ட அமைப்பாளர் ஆல்பர்ட், விழுப்புரம் வடக்கு மாவட்ட அமைப்பாளர் அன்சாரி, சென்னை வடக்கு மாவட்ட அமைப்பாளர் எம்.ஆர்.டி.அப்துல் ரகுமான், திருவள்ளூர் மத்திய மாவட்ட அமைப்பாளர் ஷாஜகான், சேலம் கிழக்கு மாவட்ட அமைப்பாளர் சையத்சாவளி, மாவட்ட தலைவர், ஷேக் தாவுத், அமான், மாவட்ட துணை அமைப்பாளர்கள் அனீபா, எஸ்.கே.நசீர், அசோக் மேஷாக், சுபேர்அகமது, முகமது பாருக், இம்ரான் வேளச்சேரி நசீம் மற்றும் சிறுபான்மையினர் நல உரிமைப்பிரிவின் மாவட்ட, ஒன்றிய, பகுதி கழக நிர்வாகிகளும் மற்றும் உள்ளாட்சி அமைப்பின் பிரதிநிதிகளும் பல்வேறு சிறுபான்மையின அமைப்பின் பிரதிநிதிகளும் பங்கேற்றனர்.