புதுக்கோட்டை மாநகராட்சிக்குட்பட்ட டிவிஎஸ் கார்னர் ரவுண்டானா பகுதியில் நீண்ட நாட்களாக உயர்மின் கோபுர விளக்கு அமைக்கப்படாமல் இருந்ததால், இரவு நேரங்களில் பொதுமக்கள் மற்றும் வாகன ஓட்டிகளுக்கு சிரமம் ஏற்படுவதாக புகார் தெரிவிக்கப்பட்டது. இதையடுத்து, அப்பகுதியில் உயர்மின் கோபுர விளக்கு அமைத்து பொதுமக்கள் மற்றும் வாகன ஓட்டிகளுக்கு பாதுகாப்பான போக்குவரத்து வசதி ஏற்படுத்திட அதிகாரிகளுக்கு அறிவுறுத்தலின் பேரில் தற்போது உயர்மின் கோபுர விளக்கு அமைக்கும் பணி நிறைவு பெற்றுள்ள நிலையில், அதனை புதுக்கோட்டை சட்டமன்ற உறுப்பினர் டாக்டர் வை.முத்துராஜா நேரில் சென்று பார்வையிட்டு ஆய்வு செய்தார். இந்நிகழ்வில் மாமன்ற உறுப்பினர்கள், வட்டக் கழக செயலாளர்கள், கழக நிர்வாகிகள் மற்றும் கழக உடன்பிறப்புகள் உடனிருந்தனர்.