வேலூர், செப்.27–
இடைத்தேர்தலில் தி.மு.க.வுக்கு வெற்றி வாய்ப்புபிரகாசமாக உள்ளது என காட்பாடியில் கழக பொதுச் செயலாளர் துரைமுரு கன் கூறினார்.
வேலூர் மாவட்டம் காட்பாடி காந்திநகரில் தி.மு.க., பொதுச்செயலாளரும், முன்னாள் அமைச்சருமான துரைமுருகன் அவர்கள் நிருபர்களுக்கு பேட்டி அளித்தார்.
அப்போது அவர் கூறியதாவது:–
பா.ஜ.க.,வை எதிர்த்ததால் மு.க.ஸ்டாலின், பினராயி விஜயன், மம்தாஆகியோர் தோற்கடிக்கப்பட்டனர் என்று எஸ்.ஐ.ஆர் விவகாரம்தொடர்பாக கரப்பான் பூச்சி ஜனதா கட்சித் தலைவர் அபிஜித் குற்றச் சாட்டு வைத்திருக்கிறார்.
இந்த விவகாரம் தற்போது விஸ்வரூபம் எடுத்திருக்கிறது. இதில் தலைமைதேர்தல் ஆணையரை மாற்ற வேண்டும். மம்தா பானர்ஜி, பிரனாயி விஜயன், மு.க.ஸ்டா லின் ஆகிய தலைவர்கள் எந்த ஊரிலும்தோற்பதற்கு வாய்ப்பேகிடையாது.
எங்களைப் போன்றவர்கள் எல்லாம் குறி வைத்து தோற்கடிக்கப்பட்டிருக்கிறார்கள்.
ஆகையால் தேர்தல் கமிஷனரை வீட்டுக்கு அனுப்புறதுதான் முறை.
எங்கள்ஆட்சியில் மின்சாரம் சரியாக உள்ளது என்றுதான்ஆளும்கட்சி அமைச்சர்கள் சொல்வார்கள். சாதாரண குடும்பங்களில் மின்சாரம் எவ்வளவு துண்டிக்கப்படுகிறது என்பதை நீங்கள் தெரிந்து கொள்ளுங்கள்.
ஜெம் வீரமணி வழக்கில் தி.மு.க.,வை எப்படி குறை சொல்ல முடியும்? ஜெம் வீர
மணிக்குதி.மு.க., ஒன்றும் வக்காலத்து வாங்கவில்லையே.. யாராக இருந்தாலும் தண்டிக்கப்படுவார்கள். சட்டம் தன் கடமையை செய்திருக்கிறது. யாராயிருந்தாலும் தண்டிக்கபட வேண்டியவர்கள். ஜெம் வீரமணி விவகாரத்தில் தி.மு.க.,வுக்கு எந்த தொடர்பும் இல்லை என்றுஎல்லோரும் சொல்லிவிட்டோம்.
கரப்பான்பூச்சி ஜனதா கட்சி, தேர்தல் ஆணையர் பதவி விலக வேண்டும் என்று சொல்லியதை அடுத்து ராகுல் காந்தி அதையே முன்னெடுத்து இருக்கிறாரே என்று கேட்கிறீர்கள். கட்சிக்கு அப்பாற்பட்ட ஒன்று இது. இதை எல்லோரும் ஒன்று சேர்ந்து தான் செய்ய வேண்டும். கரப்பான் பூச்சி மட்டுமே செய்ய வேண்டும் என்று அல்ல. எல்லா பூச்சியும் சேர்ந்துதான் செய்யணும்.
எஸ்.ஐ.ஆர். விவகாரத்தில்ஆதியிலேயே இது சரியில்லை என்று தி.மு.க., சொல்லிக் கொண்டுதான் இருக்கிறது. இதுகுறித்து தி.மு.க. தலைவர் மு.க. ஸ்டாலின்ஆயிரம் முறை பேசி இருக்கிறார். எஸ்.ஐ.ஆர். விவகாரத்தில் குறைபாடு உண்டு.
இடைத்தேர்தலில் 2 தொகுதிகளிலும் தி.மு.க.,வின் வெற்றி வாய்ப்பு பிரகாசமாக உள்ளது.
இவ்வாறு அவர் கூறினார்.