சென்னை, செப்.28–

நீதி­மன்ற உத்­த­ரவை மதிக்­காத விஜய் மீதும், த.வெ.க. சார்­பில் பணப் பாட்­டு­வாடா செய்­யப்­ப­டு­வ­தன் மீதும் நட­வ­டிக்கை எடுக்­கக்­கோரி தலை­மைத் தேர்­தல் அதி­கா­ரி­யி­டம் தி.மு.க. சார்­பில் புகார் அளித்த பிறகு தி.மு.க.செய்­தித் தொடர்பு செய­லா­ளர் – மாநி­லங்­க­ளவை உறுப்­பி­னர் கான்ஸ்­டன்­டைன்ரவீந்­தி­ரன் (26.9.2026) செய்­தி­யா­ளர்­களை சந்­தித்­தார்.

அப்­போது அவர் அளித்த பேட்டி வரு­மாறு:–

நடை­பெற இருக்­கின்ற இடைத்­தேர்­த­லில், ஆளும் விஜய் தலை­மை­யி­லான அர­சின் அத்­து­மீ­றல்­க­ளை­யும், ஜன­நா­யக விரோ­த­மான அதி­கார துஷ்­பி­ர­யோ­கத்­தை­யும் தேர்­தல் ஆணை­யத்­தின் கவ­னத்­திற்கு கொண்டு வரும்பொருட்டு, இன்று திரா­விட முன்­னேற்­றக் கழ­கத்­தின் சார்­பில் தலை­மைத் தேர்­தல் அதி­காரி அவர்­க­ளின் அலு­வ­ல­கத்­தில் மனு அளித்­தி­ருக்­கி­றோம்.

குறிப்­பாக, ஜெம் கிரா­னைட் நிறு­வ­னத்­தின் அதி­பர் சம்­பந்­த­மான வழக்­கில் ஏற்­க­னவே இது குறித்து பேசிய அமைச்­சர்­கள் ஆதவ் அர்­ஜுன் மற்­றும் நிர்­மல் குமார் ஆகி­யோர் மீது, எங்­க­ளு­டைய பொதுச்­செ­ய­லா­ளர் அண்­ணன் துரை­மு­ரு­கன் அவர்­கள் அவ­தூறு வழக்­கைத் தொடர்ந்­தி­ருந்­தார்.

அந்த வழக்கை விசா­ரித்த நீதி­ய­ர­சர் அவர்­கள், இந்த வழக்­கில் தி.மு.க.விற்கோ, தி.மு.க.வின் முன்­னாள் அமைச்­சர்­க­ளுக்கோ அல்­லது நிர்­வா­கி­க­ளுக்கோ சம்­பந்­தம் இருப்­ப­தாக எந்த முகாந்­தி­ர­மும் இல்­லாத நிலை­யில், இதில் தி.மு.க.வை சம்­பந்­தப்­ப­டுத்­திப் பேசக்­கூ­டாது என்று தீர்ப்பு வழங்­கி­யி­ருக்­கி­றார். அமைச்­சர்­க­ளின் சார்­பில் ஆஜ­ரான வழக்­க­றி­ஞ­ரி­ட­மும் இதை நீதி­ய­ர­சர் அவர்­கள் மிகத் தெளி­வா­கச் சுட்­டிக்­காட்­டி­யி­ருக்­கி­றார்.

தேர்­தல் ஆதா­யத்­திற்­காக

பொய்­யான குற்­றச்­சாட்டு!

இது­போன்ற உண்­மைக்­குப் புறம்­பான அல்­லது நிரூ­பிக்­கப்­ப­டாத எந்த ஒரு புகா­ரை­யும் எடுத்­துக்­கொண்டு எந்த ஒரு கட்­சி­யை­யும் விமர்­சிக்­கக் கூடாது என்­றும், அதை தேர்­தல் ஆதா­யத்­திற்­கா­கப் பயன்­ப­டுத்­தக் கூடாது என்­றும் நீதி­மன்­றம் அறி­வு­றுத்­தி­யி­ருக்­கி­றது.

ஆனால், அதற்கு நேர்­மா­றாக, முதல்­வர் விஜய் அவர்­களே தன்­னு­டைய பரப்­பு­ரைக் கூட்­டத்­தில் இது குறித்து தேவை­யில்­லாத அவ­தூ­று­க­ளைப் பேசி­யி­ருக்­கி­றார். உயர்­நீ­தி­மன்­றத்­தின் தீர்ப்­பை­யும் மதிக்­கா­மல், அதை­விட மிக முக்­கி­ய­மாக, தேர்­தல் ஆணை­யம் வழங்­கி­யுள்ள மக்­கள் பிர­தி­நி­தித்­து­வச் சட்­டம் மற்­றும் தேர்­தல் தொடர்­பான வழி­காட்­டு­தல் நெறி­மு­றை­க­ளில், இரண்­டா­வது பிரி­வில் மிகத் தெளி­வா­கக் கூறப்­பட்­டுள்ள விதி­மு­றை­க­ளுக்கு மாறா­க­வும் அவர் செயல்­பட்­டி­ருக்­கி­றார்.

எந்த ஒரு கட்­சித் தலை­வ­ரும், இன்­னொரு கட்­சி­யைச் சார்ந்து கூறப்­ப­டும் ஊர்­ஜி­தம் செய்­யப்­ப­டாத அல்­லது முகாந்­தி­ரம் இல்­லாத எந்த ஒரு குற்­றச்­சாட்­டை­யும் பேசக்­கூ­டாது என்று தேர்­தல் ஆணை­ய­மும் தெளி­வா­கக் கூறி­யி­ருக்­கி­றது.

முதல்­வர் விஜய்­யின்

ஜன­நா­யக விரோத நட­வ­டிக்கை!

எனவே, தேர்­தல் ஆணை­யத்­தை­யும் நாங்­கள் மதிக்க மாட்­டோம்; உயர்­நீ­தி­மன்­றத்­தை­யும் நாங்­கள் மதிக்க மாட்­டோம் என்ற வகை­யில், சட்­டத்­திற்கு புறம்­பாக முத­ல­மைச்­சரே நடந்து கொள்­வது வன்­மை­யா­கக் கண்­டிக்­கத்­தக்­கது; ஜன­நா­யக விரோ­த­மா­னது.

எனவே, இது குறித்து தலை­மைத் தேர்­தல் அதி­காரி அவர்­க­ளைச் சந்­தித்து, திரா­விட முன்­னேற்­றக் கழ­கத்­தின் சார்­பில் புகார் கடி­தம் கொடுத்­தி­ருக்­கி­றோம்.உட­ன­டி­யாக நட­வ­டிக்கை எடுக்க வேண்­டும் என்று வலி­யு­றுத்­தி­யி­ருக்­கி­றோம்.

ஏற்­க­னவே மது­ராந்­த­கம் தொகு­தி­யில் வாக்­கா­ளர்­க­ளுக்கு பணம் பட்­டு­வாடா செய்­தது தொடர்­பான வீடியோ காட்­சி­க­ளு­டன், அங்­குள்ள தேர்­தல் நடத்­தும் அலு­வ­ல­ரி­ட­மும் புகார் கடி­தம் கொடுத்­தி­ருக்­கி­றோம்.

இரண்­டா­வ­தாக, அரசு வாக­னங்­களை அவ­ரு­டைய தேர்­தல் பிரச்­சா­ரத்­திற்­குப் பயன்­ப­டுத்­து­வ­தைத் தெளி­வாக வீடியோ பதிவு செய்து, அதை­யும் அங்­குள்ள தேர்­தல் அதி­கா­ரி­யி­டம் கொடுத்­தி­ருக்­கி­றோம். அரசு வாக­னங்­களை எந்­தக் கார­ணத்தை முன்­னிட்­டும் தேர்­தல் பிரச்­சா­ரத்­திற்­குப் பயன்­ப­டுத்­தக்­கூ­டாது. அது அதி­கார துஷ்­பி­ர­யோ­கம். எனவே, சம்­பந்­தப்­பட்ட வேட்­பா­ளர் மீது நட­வ­டிக்கை எடுக்க வேண்­டும் என்­றும் புகார் கொடுத்­தி­ருக்­கி­றோம்.

மாண­வர்­களை பிரச்­சா­ரத்­தில்

ஈடு­ப­டுத்­தும் விஜய்!

அதற்கு அடுத்து, நம் எல்­லோ­ருக்­கும் தெரிந்­த­தும், அறி­வு­றுத்­தப்­பட்­ட­து­மான ஒரு விஷ­யம் இருக்­கி­றது. சமூக அக்­கறை கொண்ட அனை­வ­ரும் ஏற்­றுக்­கொள்­ளக்­கூ­டிய விஷ­யம் என்­ன­வென்­றால், குழந்­தை­களை, குறிப்­பா­கப் பள்ளி மாண­வர்­களை, தேர்­தல் பிரச்­சா­ரத்­திற்­குப் பயன்­ப­டுத்­தக் கூடாது என்­ப­து­தான்.

அது சட்­ட­மாக இல்­லா­விட்­டால்­கூட, அறி­வு­டை­யோர், பகுத்­த­றி­வு­டை­யோர் மாண­வர்­களை இது­போன்ற அர­சி­யல் ஆதா­யத்­திற்­குப் பயன்­ப­டுத்த மாட்­டார்­கள். ஆனால், மாண­வர்­க­ளின் கைக­ளில் அந்­தக் கட்­சி­யின் கொடி­யைக் கொடுத்து, அந்­தக் கட்­சிக்கு தேர்­தல் பிரச்­சா­ரம் செய்­யும் வகை­யில் மாண­வர்­களை அழைத்­துச் சென்­ற­தை­யும் வீடியோ பதிவு செய்து, அந்த அதி­கா­ரி­யி­டம் கொடுத்­தி­ருக்­கி­றோம்.

ஆக, தேர்­தல் ஆணை­யமோ, சட்­டமோ, நீதி­மன்­றமோ கூறு­கின்ற எதை­யும் பொருட்­ப­டுத்­தா­மல், ஒரு எதேச்­ச­தி­கா­ரப் போக்­கோடு நடந்­து­கொள்­கிற த.வெ.க அர­சின் இந்த அலட்­சி­யப் போக்கை உட­ன­டி­யா­கத் தடுத்து நிறுத்­தி­னால்­தான், தேர்­தல் ஆணை­யம் நியா­ய­மா­ன­தும் நேர்­மை­யா­ன­து­மான தேர்­தலை நடத்­து­கி­றது என்­பதை நிரூ­பிக்க முடி­யும்.

எனவே, தேர்­தல் ஆணை­யம் உட­ன­டி­யாக நட­வ­டிக்கை எடுத்து இது­போன்ற அத்­து­மீ­றல்­க­ளைத் தடுத்து நிறுத்த வேண்­டும் என்று தலை­மைத் தேர்­தல் அதி­கா­ரி­யி­ட­மும், மாவட்­டத் தேர்­தல் அதி­கா­ரி­யி­ட­மும் நாங்­கள் புகார் அளித்­தி­ருக்­கி­றோம். அவர்­கள் உரிய நட­வ­டிக்கை எடுப்­பார்­கள் என்று நாங்­கள் நம்­பு­கி­றோம் என அவர் பேட்­டி­ய­ளித்­தார்.

மேலும் செய்­தி­யா­ளர் கேள்­விக்கு அளித்த பதில்­கள் வரு­மாறு:–

நான் பிரச்­சா­ரத்­திற்­குச் செல்­லும்­போது என் பிள்­ளை­யும் கூட வரு­வது என்­பது வேறு. பள்­ளிக்­கூ­டத்­திற்கே சென்று பிள்­ளை­க­ளைப் பிடித்து வந்து, அவர்­க­ளைப் பயன்­ப­டுத்­து­வது என்­பது வேறு. அப்­படி இது­வரை நடந்­த­தாக வர­லாறு இல்லை. திரா­விட முன்­னேற்­றக் கழ­கம் ஒரு­போ­தும் அதைச் செய்­த­தில்லை.

ஆனால், அந்­தக் கட்­சி­யைச் சார்ந்த உறுப்­பி­னர்­கள் அல்­லது நிர்­வா­கி­கள் பிரச்­சா­ரத்­திற்­குச் செல்­லும்­போது, அவர்­க­ளு­டைய வீட்­டுப் பிள்­ளை­கள் உடன் சென்­றால் அது தவ­றில்லை என்று கூறப்­பட்­டுள்­ளது. அவர்­களை அழைத்­துக்­கொண்டு செல்­வது வேறு; பள்ளி மாண­வர்­கள் அல்­லது கல்­லூரி மாண­வர்­களை கட்­டா­யப்­ப­டுத்தி அழைத்­துச் சென்று தேர்­தல் பிரச்­சா­ரத்­தில் ஈடு­ப­டுத்­து­வது என்­பது வேறு.

நீதி­மன்­றத்தை மதிக்­காத

த.வெ.க. அரசு!

அதைச் செய்­யக்­கூ­டாது என்­ப­தைத்­தான் தேர்­தல் ஆணை­ய­மும் நீதி­மன்­ற­மும் உறுதி செய்­தி­ருக்­கின்­றன. அதை இந்த அரசு கண்­டு­கொள்­ளா­மல் மீண்­டும் அதையே செய்­கி­றது என்­ப­த­னால்­தான் நாங்­கள் அதைத் தேர்­தல் ஆணை­யத்­தின் கவ­னத்­திற்கு எடுத்­துச் சென்­றி­ருக்­கி­றோம்.

ஜெம் வீர­மணி வழக்கு தொடர்­பான கேள்வி....

2025–ஆம் ஆண்டு அக்­டோ­பர் 5–ஆம் தேதி புகார் கொடுக்­கப்­ப­டு­கி­றது. 26 எஃ.ப்.ஐ.ஆர்.கள் போக்சோ வழக்­கில், உங்­க­ளுக்­குத் தெரி­யும், ஏனைய வழக்­கு­க­ளைப் போல் எடுத்­தேன், கவிழ்த்­தேன் என்று விசா­ர­ணையை முடித்­து­விட முடி­யாது. மிகத் தெளி­வாக பாதிக்­கப்­பட்­ட­வர்­க­ளை­யும், அந்­தப் பாதிப்­புக்கு உள்­ளாக்­கி­ய­வர்­க­ளை­யும் அறிந்த பிற­கு­தான் குற்­றப்­பத்­தி­ரிகை தாக்­கல் செய்ய முடி­யும்.

அப்­ப­டிப் பார்க்­கும்­போது, அக்­டோ­ப­ரில் புகார் கொடுக்­கப்­பட்டு, நவம்­பர், டிசம்­பர், ஜன­வரி ஆகிய மூன்று மாதங்­க­ளுக்­குப் பிறகு, பிப்­ர­வரி மாதத்­தில் நாங்­கள் நட­வ­டிக்கை எடுத்­தோம்.

நாம் எல்­லோ­ரும் அறிந்­த­து­தான். மார்ச், ஏப்­ரல், மே ஆகிய மூன்று மாதங்­க­ளும் அரசு காபந்து அர­சா­கத்­தான் இருந்­தது. அந்­தக் கால­கட்­டத்­தில் காவல்­து­றை­யின் ஒட்­டு­மொத்த நிர்­வா­கப் பொறுப்­பும் ஆளு­ந­ரி­டம் சென்­று­வி­டும்.

எனவே, பிப்­ர­வரி மாதம் நாங்­கள் நட­வ­டிக்கை எடுத்­தோம். அதன் பிறகு எங்­க­ளு­டைய அரசு இல்லை.

மீண்­டும் சொல்­கி­றேன். நாம் சொன்­னதை நீதி­மன்­றம் ஏற்­றுக்­கொள்­ளா­விட்­டால்­கூட, இந்த விவ­கா­ரத்­தில் நியா­யம் தேவை என்று கூறி, அரசு பொறுப்­பேற்ற உட­னேயே அவ­ரைக் கைது செய்­தி­ருந்­தால் அது நியா­ய­மா­ன­தாக இருந்­தி­ருக்­கும்.

ஜெம் வீர­ம­ணியை காப்­பாற்ற

த.வெ.க. அரசு எடுத்த முயற்­சி­கள்!

ஆனால், என்­னால் தேதி வாரி­யா­கச் சொல்ல முடி­யும். ஜூன் மாதம் 6ஆம் தேதி, ஜூன் மாதம் 26ஆம் தேதி, அதன் பிறகு ஆகஸ்ட் மாதம் 8ஆம் தேதி மற்­றும் 26ஆம் தேதி என, இந்த வழக்கை முடிப்­ப­தற்கு இந்த அர­சில் முயற்­சி­கள் மேற்­கொள்­ளப்­பட்­டி­ருக்­கின்­றன.

“இந்த விசா­ர­ணை­யில் எங்­க­ளுக்கு எந்த முன்­னேற்­ற­மும் இல்லை. எனவே, ஜெம் வீர­ம­ணி­யின் மீதான வழக்கை நாங்­கள் வாபஸ் பெறு­கி­றோம்;” என்ற நிலைப்­பாட்டை எடுத்­தி­ருக்­கி­றார்­கள்.

இந்த விசா­ர­ணையை முற்­றி­லு­மாக முடிப்­ப­தற்கு இந்த அரசு நான்கு முறை முயற்­சித்­தி­ருக்­கி­றது. விஜய் தலை­மை­யி­லான அரசு நான்­கா­வது முறை­யாக முயற்­சித்­த­போ­து­தான், மக்­க­ளுக்­குப் புரிய வேண்­டும் என்­ப­தற்­காக இதைச் சொல்­கி­றேன்.

நீதி­ய­ர­சர் அவர்­கள் கோபப்­பட்டு, “இது­போன்ற அநி­யா­யத்தை நாங்­கள் பொறுத்­துக்­கொண்­டி­ருக்க முடி­யாது. உட­ன­டி­யாக வீர­மணி அவர்­க­ளைக் கைது செய்ய வேண்­டும்” என்று 27ஆம் தேதி ஆணை­யிட்ட பிற­கு­தான், 29ஆம் தேதி விஜய் அரசு கைது செய்­தது.

ஜெம் வீர­ம­ணி­யு­டன்

த.வெ.க. அமைச்­சர்­கள்!

விஜய் அர­சி­னு­டைய காவல்­துறை நேர­டி­யாக வீர­ம­ணி­யைக் கைது செய்­ய­வில்லை; நீதி­ய­ர­ச­ரு­டைய கட்­டா­யத்­தின் பேரில்­தான் கைது செய்­தது என்று சொன்­னால், அவர்­கள் சொன்­னார்­களே, அமைச்­சர்­கள் எங்­க­ளு­டைய குடும்ப நண்­பர்­கள் என்று. இந்த அமைச்­சர்­கள் எல்­லாம் கூட இருந்து ஜெம் வீர­ம­ணி­யோடு கொஞ்­சிக் குலா­வி­ய­தைப் பார்த்­தி­ருக்­கி­றீர்­கள். அப்­போதுஅவர்­கள் பேசி­ய­தெல்­லாம் வீடி­யோக்­க­ளில் இருக்­கி­றது. நீங்­க­ளும் ஒளி­ப­ரப்­பி­யி­ருக்­கி­றீர்­கள்.

அப்­ப­டி­யா­னால், குடும்ப நண்­பர்­க­ளைக் காப்­பாற்­று­வ­தற்கு நான்கு முறை முயற்­சித்­தி­ருக்­கி­றார்­கள் விஜய் தலை­மை­யி­லான காவல்­து­றை­யி­னர். ஆனால், நான்­கா­வது முறை­யாக, நல்­ல­வே­ளை­யாக நீதி­ய­ர­சர் அவர்­கள் தெளி­வா­கப் பிடித்­து­விட்­டார்; உட­ன­டி­யாக வீர­ம­ணி­யைக் கைது செய்ய வேண்­டும் என்று உத்­த­ர­விட்­டார்.

எனவே, நீதி­மன்­றத்­தின் ஆணை­யின் பேரில் கைது செய்­யப்­பட்­டாரே ஒழிய, நீதி, நியா­யத்­திற்­காக விஜய் அரசு அவ­ரைக் கைது செய்­ய­வில்லை.

எனவே, மூடி மறைக்க நினைத்த விஜய் அரசு மாட்­டிக்­கொண்ட கார­ணத்­தி­னால், அதைத் திமுக மீது மடை­மாற்­றம் செய்ய நினைக்­கி­றது. மக்­கள் முட்­டாள்­கள் அல்ல; அவர்­க­ளுக்கு உண்மை தெரி­யும்.

இவ்­வாறு கான்ஸ்­டன்­டைன் ரவீந்­தி­ரன் எம்.பி. பேட்­டி­ய­ளித்­தார்.