சென்னை, செப்.28–
சட்டப்பேரவை முன்னாள் தலைவர் மு.அப்பாவு விடுத்துள்ள அறிக்கை வருமாறு:–
தமிழ்நாட்டில் த.வெ.க. கூட்டணி ஆட்சி அமைந்த பிறகு போதைப் பொருள் பயன்பாடு, ஆதாயக் கொலைகள், பெண்களுக்கு எதிரான பாலியல் வன்கொடுமைகள், கட்டப்பஞ்சாயத்துகள் மற்றும் மாமூல் கேட்பது போன்றவை அதிகரித்திருப்பதும் அதன் பின்னணியில் ஆளும் கட்சியைச் சேர்ந்தவர்கள் இருப்பதும் தகவல் அறியும் உரிமை பெறும் சட்டத்தின் கீழ் அம்பலமாகி வந்ததை அறிந்த முதலமைச்சர் ஜோசப் விஜய் சட்டம் ஒழுங்கு குறித்து தகவல் அறியும் உரிமைச்சட்டத்தின் கீழ் தகவலைப் பெறுவதிலிருந்து விலக்கு அளித்து அதிரடி அரசாணை (எண்:404/21.09.2026) பிறப்பித்திருப்பது பயமா? அல்லது சர்வாதிகாரத்தின் தொடக்கமா CM Sir?
தனது ஆட்சி குறித்த அவலங்கள் வெளியே தெரிவதையும், பல்வேறு குற்றங்களுக்கு பின்னணியில் தவெக நிர்வாகிகளுக்கும், ஆந்திர ரெட்டி கேங்-க்கும் தொடர்பு இருப்பது வெளியே தெரிந்துவிடாமல் தடுக்கவா இந்தப் #படுபாதக செயலை செய்திருக்கிறீர்கள் CM Sir?.
மக்களால்தான் ஜனநாயகம் மக்களுக்காகத்தான் ஆட்சி என்பதை உறுதிப்படுத்துவதற்காக இந்தியாவுக்கே முன்னோடியாக 1997–ஆம் ஆண்டு தமிழ்நாட்டில் முதலமைச்சராக இருந்த முத்தமிழறிஞர் கலைஞர் அவர்கள் தகவல் அறியும் உரிமைச் சட்டத்தை கொண்டு வந்து, அதே ஆண்டு மே 4–ஆம் தேதி ஆளுநரின் ஒப்புதலை பெற்று நடைமுறைபைபடுத்தி எட்டு ஆண்டுகளுக்குப் பிறகு தான் ஒன்றிய அரசு அது போன்ற ஒரு
சட்டத்தை கொண்டு வந்தது உங்களுக்கு தெரியுமாCM Sir?.
அனைத்து மக்களும் அரசின் அனைத்துச் செயல்பாடுகளையும் அறியும் வகையில் கலைஞர் கொண்டு வந்த சட்டத்தை நீர்த்துப்போகச் செய்யும் வகையிலும்,தனது காட்டாட்சித் தர்பார் குறித்து மக்கள் தெரிந்து கொள்வதை தடுக்கவும் கொண்டுவந்துள்ள இந்த ஜனநாயக படுகொலைச் சட்டத்தை உடனடியாக திரும்பப் பெறாவிட்டால் ஏற்கனவே கொதித்துப் போயிருக்கும் இளைஞர்களும், மக்களும் வீதியில் இறங்கி போராடி உடனடியாக உங்கள் ஆட்சியை வீட்டுக்கு அனுப்ப தயாராகிவிட்டார்கள் CM Sir.
இவ்வாறு அவர் தனது பதிவில் குறிப்பிட்டுள்ளார்.