மதுராந்தகம், செப்.28–
மதுராந்தகம் சட்டமன்ற தொகுதி பாகம் 3ல் உட்பட்ட சூறை ஊராட்சி கிராமத்தில் சென்னை மாநகராட்சி மேயர் திருமதி ஆர்.பிரியா கழக வேட்பாளர் பரந்தாமன் அவர்களை ஆதரித்து பிரச்சாரம் மேற்கொண்டு தீவிர வாக்கு சேகரிப்பில் ஈடுபட்டார்.
இந்த பிரச்சாரத்தின் போது மேயர் பிரியா அப்பகுதியை சார்ந்த தாய்மார்கள் மற்றும் பெண்களுடன் கலந்துரையாடினார். அப்பொழுது பெண்கள் தான் இந்த சமுதாயத்திற்கு முக்கியமானவர்கள் ஒரு குடும்பத்தையே வழிநடத்தக் கூடியவர்கள்.
ஏற்கனவே இங்கே கடந்த நான்கு மாதங்களுக்கு முன்பு நடைபெற்ற சட்டமன்றத் தேர்தலில் வெற்றி பெற்றவர் தன்னுடைய சுயநலத்திற்காக பதவியை ராஜினாமா செய்துவிட்டு வேறு ஒரு கட்சியில் சேர்ந்திருக்கிறார்.
இடைத்தேர்தல் வருவதற்கு த.வெ.க.வே காரணம்!
எப்பொழுதுமே ஒரு தொகுதிக்கு இடைத்தேர்தல் என்பது அந்த தொகுதியில் வெற்றி பெற்ற வேட்பாளர் மரணமடைந்தால் மட்டுமே வரும். ஆனால் இப்பொழுது வெற்றி பெற்றவர் உயிரோடு இருக்கும் பொழுதே இடைத்தேர்தல் வருகிறது. இதற்கு முக்கிய காரணம் தற்போது உள்ள த.வெ.க. ஆட்சி தான்.
ஒரு சட்டமன்ற உறுப்பினர் எந்தக் கட்சியில் இருந்தாலும் பொது மக்களுக்கு சேவை செய்ய வேண்டியது அவருடைய கடமை.
எந்த கட்சி ஆளுங்கட்சியாக வருகிறதோ அந்த கட்சிக்கு நான் மாறி விடுவேன் என்று சொல்வது அது அவர்களுடைய சுயநலம். திருமதி மரகதம் குமரவேல் அவர்கள் தன்னுடைய சுயநலத்திற்காக பொதுமக்களாகிய நீங்கள் அளித்த அனைத்து வாக்குகளையும்வீணாக்கி உள்ளார்.
திருமதி மரகதம் குமரவேல் எடுத்த ஒரு முடிவினால் ஓட்டுப்போட்ட இந்த தொகுதியின் மொத்த மக்களும் ஏமாற்றப்பட்டுள்ளனர்.
த.வெ.க. வேட்பாளர்
வெற்றி பெறக் கூடாது!
அவர் மறுபடியும் வெற்றி பெற்றால் இதே ஏமாற்றம் தான் மக்களுக்கு திரும்பக் கிடைக்கும் மே மாதம் நடைபெற்ற தேர்தலில் ஒரு கட்சி சின்னத்தில் ஓட்டு கேட்டு வந்தார். இப்பொழுது இன்னொரு கட்சி சின்னத்தில் ஓட்டு கேட்டு வருகிறார். அவர் மீண்டும் வெற்றி பெறக் கூடாது. ஏனென்றால் அவர் வெற்றி பெற்றால் அடுத்த முறை வேறொரு கட்சியின் சார்பாக வந்து இங்கே ஓட்டு கேட்டு வருவார்.
பெண்களுக்கு முக்கியத்துவம் அளிப்பவர் எங்கள் தலைவர்!
அந்த வேட்பாளருக்கு அவருடைய சுயநலம் மட்டும்தான் முக்கியமாக உள்ளது. எந்த கட்சியில் இருந்தாலும் மக்களுக்கே தேவை யானதை சட்டமன்றத்தில் பேசி போராடி பெற வாய்ப்பு உள்ளது.
ஆனால் அவர் அதை செய்யாமல் தன்னுடைய சுயநலத்திற்காக பதவியை ராஜினாமா செய்து விட்டு கட்சியில்இணைந்துள்ளார்.
கடந்த ஐந்தாண்டுகள் திராவிட முன்னேற்ற கழகத்தின் தலைவர் முத்துவேல் கருணாநிதி ஸ்டா லின் அவர்கள் பெண்களுக்கு முக்கியத்து வம் அளித்து சிறப்பான ஆட்சியை வழங்கினார்.
பொதுவாக கிராமப்பு றங்களில் பெண் பிள்ளைகளை பத்தாம் வகுப்பிற்கு மேல் கல்லூரிக்கு அனுப்ப மாட்டார்கள். ஆனால் கழகத் தலைவர் மு.க. ஸ்டாலின் அவர்கள் மாணவிகள் படிக்க வேண்டும் என்பதற்காக மாதம் ரூபாய் 1000 புதுமை ப்பெண் திட்டம் என்ற ஒரு திட்டத்தை உருவாக்கி உதவித்தொகை வழங்கி அவர்களை படிப்பதற்கு கல்லூரி படிப்பதற்கு வழிகாட்டினார்.
பெண்கள் தன்னுடைய தாய் வீட்டிற்கு செல்லும் பொழுது கூட கணவர்கள் இவ்வளவு செலவாகும் அவ்வளவு செலவாகும் என்று எதற்கு போக வேண்டும் என்று கேள்வி கேட்பார்கள்.
பல பெண்கள் தங்களுடைய குடும்ப வாழ்வாதாரத்திற்காக முக்கியமான மார்க்கெட் பகுதிகளில் பொருட்களை வாங்கி வந்து தங்களுடைய பகுதிகளில் விற்று குடும்பத்தை காப்பாற்றி வருவார்கள் அவர்களுக்கெல்லாம் பயணம் செய்வதற்கு இலவச பேருந்து பயணத்தை வழங்கியவர் முத்துவேல் கருணாநிதி ஸ்டாலின் அவர்கள்.
மகளிர் சுயமாக தொழில் செய்ய ஏதுவாக மகளிர் சுய உதவிக் குழுக்களை உருவாக்கியவர் கழகத் தலைவர் மு.க. ஸ்டாலின் அவர்கள். அதுமட்டுமின்றி அவர்களுக்கு தொழில் செய்ய 5 லட்சமாக வழங்கப்பட்டு வந்த கடனை 10 லட்சமாக உயர்த்தி வழங்கியவரும் கழகத் தலைவர் மு.க. ஸ்டாலின் அவர்கள் தான்.
இப்படி பெண்களுக்காக பெண்களின் வாழ்வாதாரத்திற்காக கல்விக்காக நிறைய திட்டங்களை செயல்படுத்தி கடந்த ஐந்து ஆண்டுகள் ஆட்சி நடத்தியவர் தலைவர் அவர்கள்.
தி.மு.க. வெற்றி பெற்று ஆட்சி அமைத்திருந்தால் ஒவ்வொருவருக்கும் 8000 கூப்பன் வழங்கப்பட்டிருக்கும். அதை வைத்து நீங்கள் உங்களுடைய வீட்டிற்கு தேவையான முக்கியமான பொருட்கள் பிரிட்ஜ் வாஷிங் மெஷின் மிக்ஸி இது போன்ற ஏதேனும் ஒரு முக்கிய பொருட்களை வாங்கிக் கொள்ளலாம் ஆனால் தற்போது ஆட்சிக்கு வந்துள்ளவர்கள் ஆட்சிக்கு வந்தவுடன் மகளிர் உரிமைத் தொகையை 2000 ரூபாயாக வழங்குவோம் என்று சொன்னார்கள் ஆனால் அதை வழங்கவில்லை.
வாக்குறுதியை நிறைவேற்றாத த.வெ.க. அரசு!
இந்த கிராமத்தை சேர்ந்த ஒரு பாட்டி என்னிடம் தெரிவிக்கும்போது அந்த ஆயிரம் ரூபாய் வைத்து தான்மருந்து வாங்கி நான் இப்பொழுது வரை உயிரோடு இருக்கிறேன் என்று சொல்கிறார்.
கழகத் தலைவர் அவர்கள் ஆட்சியில் வழங்கப்பட்ட இந்த ஆயிரம் ரூபாய் ஒரு சமூகத்தில் எந்த அளவிற்கு ஒருவருக்கு உதவிகரமாக உள்ளது என்பதற்கு இதுவே எடுத்துக்காட்டு.
பெண்களின் வாழ்வாதாரத்தை மேம்படுத்துவதற்காக திட்டங்களை செயல்படுத்துவது தான் ஒரு நல்ல அரசாங்கம் ஆனால் இன்று வந்துள்ள அரசாங்கத்தினர் ரீல்ஸ் மற்றும் பொய்யான செய்திகளை வெளியிட்டு சினிமாவில் பேசுவது போல் டயலாக் பேசிக் கொண்டிருக்கிறார்கள்.
மக்களுக்கு தேவையான ஒரு நல்ல ஆட்சி அமைய வேண்டும் என்றால் மதுராந்தகம் சட்டமன்ற தொகுதியில் தி.மு.க.வின் வேட்பாளர் வெற்றி பெற வேண்டும்
எனவேஇங்குள்ள அனைத்து தாய்மார்களும் உங்களுடைய வாக்குகளை உதயசூரியன் சின்னத்திற்கு அளிக்க வேண்டும் அதேபோன்று உங்களுடைய பிள்ளைகளையும் உங்களுடைய கணவர்மார்களையும் உதயசூரியன் சின்னத்திற்கு வாக்களிக்க வேண்டும் என்று எடுத்து சொல்ல வேண்டும்.
குழந்தைகளின் எதிர்காலம் என்ன ஆவது?
மே மாதம் நடந்த தேர்தலில் வீட்டில் உள்ள குழந்தைகள் சொன்னார்கள் என்று ஓட்டு போட்டு விட்டீர்கள். ஆனால் இப்பொழுது அப்படி செய்யக்கூடாது. குழந்தைகள் பேச்சைக் கேட்டு ஓட்டை போட்டு விட்டால் அவர்களுடைய எதிர்காலம் என்ன ஆவது.
அந்த குழந்தைக்கு தேவையான கல்வி எப்படி வரும்? ஒரு பெண் குழந்தைக்கு பாதுகாப்பு எப்படி வரும்? ஒரு ஆண் குழந்தை வீட்டை விட்டு வெளியே செல்லும்போது அது நல்ல முறையில் சமூகத்தில் வளரவேண்டும். இதெல்லாம் ஒரு குழந்தைக்கு கிடைக்க வேண்டுமென்றால்நல்ல சமூகமும் நல்ல ஆட்சியும் அமைய வேண்டும். அதற்கு அனைவரும் உதயசூரியன் சின்னத்தில் வாக்களிக்க வேண்டும்.
இவ்வாறு சென்னை மாநகராட்சி மேயர் பிரியா ராஜன் வாக்குகள் சேகரித்து உரையாற்றினார்.
மதுராந்தகம் சட்டமன்ற தொகுதி மதச்சார்பற்ற முற்போக்கு கூட்டணி வெற்றி வேட்பாளர் இ.பரந்தாமன் அவர்களை ஆதரித்து கிணார் ஊராட்சியில் காஞ்சிபுரம் வடக்கு மாவட்டச் செயலாளர் - முன்னாள் அமைச்சர் தா.மோ.அன்பரசன், வீடுவீடாக சென்று பொதுமக்களை நேரில் சந்தித்து உதயசூரியன் சின்னத்திற்கு வாக்குகளை சேகரித்தார். அருகில் முன்னாள் சட்டமன்ற உறுப்பினர்
இ.கருணாநிதி, பகுதி செயலாளர் வே.கருணாநிதி, எஸ்.சதீஷ் மற்றும் கழக நிர்வாகிகள் உள்ளனர்.