சென்னை, செப். 28–
சட்டம்- ஒழுங்கு தொடர்பான முக்கிய விவரங்கள் இனி தகவல் அறியும் உரிமைச் சட்டத்தின் கீழ் வழங்கப்படாது என த.வெ.க. அரசு புதிய அரசாணை வெளியிட்டுள்ளது சர்ச்சையை ஏற்படுத்தி உள்ளது.
த.வெ.க. ஆட்சியில் தமிழ்நாட்டின் சட்டம்-ஒழுங்கு மிகவும் கேடுகெட்ட, மோசமான நிலைக்குச் சென்றுவிட்டதாக தி.மு.க.
உள்ளிட்ட அரசியல் கட்சிகள் தொடர்ந்து குற்றம்சாட்டி வருகின்றன. த.வெ.க. நிர்வாகிகள் மீதான பாலியல் புகார்கள், பெண்கள் பாதுகாப்பு ஆகியவற்றில் தமிழ்நாடு அரசு அலட்சியமாக செயல்படுவதாகவும் தொடர் குற்றச்சாட்டுக்கள் எழுந்துள்ளன.
இந்நிலையில், சட்டம்-
ஒழுங்கு தொடர்பான முக்கிய விவரங்கள் இனி தகவல் அறியும் உரிமைச் சட்டத்தின் கீழ் வழங்கப்படாது என த.வெ.க. அரசு புதிய அரசாணை வெளியிட்டுள்ளது. அதன்படி மாணவர்கள், விவசாயிகள், அரசியல் கட்சிகளின் போராட்டங்கள், காவல் மரணங்கள், துப்பாக்கிச் சூடுதொடர்பான அறிக்கைகள் RTI-ன் கீழ் இனி பெற முடியாது.
மேலும், சமூக-சாதிய மோதல்கள், போராட்ட வழக்குகளை திரும்பப் பெறுவதற்கான கோரிக்கைகள்உள்ளிட்டவை தொடர்பான தகவல்களையும் RTI-ன் கீழ் பெற முடியாது. தவெக அரசு தனது தவறுகள், முறைகேடுகள் மற்றும்காவல்துறையின் மீதான புகார்களைப் பொதுமக்களிடம் இருந்து மறைக்கவே இந்த அரசாணை வெளியிடப்பட்டுள்ளதாக சமூக ஆர்வலர்கள் குற்றம்சாட்டி உள்ளனர்.
இந்நிலையில் RTI உரிமையைக் கட்டுப்படுத்த முயற்சிப்பது வெட்கக்கேடானது என திமுக துணை பொதுச்செயலாளர் கனிமொழி ராஜாத்தி கருணாநிதி எம்.பி. கண்டனம் தெரிவித்துள்ளார்.
தி.மு.க. துணை பொதுச்செயலாளர் கனிமொழி வெளியிட்டுள்ள சமூக வலைதளப்பதிவில், “வெளிப்படையான அரசு” என்று சொல்லி ஆட்சிக்கு வந்த தவெக அரசு, நான்கே மாதங்களில் மக்களை கேள்வி கேட்கக்கூடாது என்கிறது. 500க்கும் மேற்பட்ட கொலைகள் நடந்தும், சட்டம் ஒழுங்கைச் சீர்செய்ய
திறனற்ற அரசு என்று விமர்சித்
துள்ளார். இப்போது தனது தவறை மறைக்க, சட்டம் ஒழுங்கு குறித்த தகவல்களையே மக்கள் கேட்க முடியாதபடி RTI உரிமையைக் கட்டுப்படுத்த முயற்சிப்பது வெட்கக் கேடானது. இதுதான் மாற்றமா? என, கனிமொழி ராஜாத்தி
கருணாநிதி எம்.பி. வெளியிட்டுள்ள சமூக வலைதளப்பதிவில் கடுமையாக சாடியுள்ளார்.
அரசாணை வாபஸ்!
அரசின் இந்த முடிவுக்கு பல்வேறு தரப்பிலிருந்தும் கடும் எதிர்ப்பு எழுந்ததால் த.வெ.க. அரசு அரசாணையை வாபஸ்வாங்கியுள்ளது குறிப்பிடத்தக்கது.