சென்னை, செப்.29 –
த.வெ.க ஆட்சியில் மாற்றுத்திறனாளிகளுக்கு கொலை மற்றும் பாலியல் வன்கொடுமைகள் தொடர்ந்து நிகழ்வதை தடுக்க தவறிய த.வெ.க. ஆட்சிக்கு கண்டனம் தெரிவித்து, தி.மு.க. மாற்றுத்திறனாளிள் அணி மாநில தலைவரும், தமிழ்நாடு மாற்றுத்திறனாளிகள் முன்னேற்ற சங்க மாநில தலைவர் ரெ.தங்கம் தனது கண்டனத்தை தெரிவித்துள்ளார்.
அவரது அறிக்கை வருமாறு
முத்தமிழ் அறிஞர் கலைஞர் ஆட்சிக் காலத்தில் மாற்றுத்திறனாளிகள் நலத்துறையை தனது நேரடி கட்டுப்பாட்டில் வைத்துக் கொண்டு ஊனமுற்றோர் என்ற சொல்லை நீக்கி மாற்றுத்திறனாளிகள் என பெயர் வைத்து மகுடம் சூட்டி மகிழ்ந்த முத்தமிழ் அறிஞர் கலைஞர் அவர்களை நன்றி உணர்வோடு நினைவு கூறுகிறோம்.
இதனைத் தொடர்ந்து, முன்னாள் முதலமைச்சர் மு.க.ஸ்டாலின் தனது ஆட்சி காலத்தில் மாற்றுத்திறனாளிகள் நலத்துறையை தனது நேரடி கட்டுப்பாட்டில் வைத்துக் கொண்டு ஏராளமான வரலாற்று திட்டங்களை வாரி வழங்கி மாற்றுத்திறனாளிகள் சமூகத்திற்கு பெருமை சேர்த்தார் என்பதை நன்றியுணர்வோடு நினைவு கூறுகிறோம்.
முதலமைச்சர் ஜோசப் விஜய் அவர்கள் தலைமையிலான ஆட்சியில், மாற்றுத்திறனாளிகள் நலத்துறையை தனது கட்டுப்பாட்டில் வைத்துக்கொண்டும், அவர்களுக்கு த.வெ.க தேர்தல் அறிக்கையில் அறிவித்த ரூ.3000/– மாதாந்திர உதவித் தொகையை வழங்காமல் மாற்றுத்திறனாளிகள் சமூகத்தை ஏமாற்றியதும், தமிழ்நாடு முழுவதும் அனைத்து பேருந்துகளிலும் தங்கு தடை இன்றி இலவசமாக சென்று வர ஆணை பிறப்பிக்கப்படும் என கூறிவிட்டு, பின்னர் நீங்கள் அளித்த தேர்தல் வாக்குறுதிக்கு புறம்பாக உள்ளூர் மாநகர, நகர பேருந்துகளிள் மட்டும் செல்லலாம் என மாற்றுத்திறனாளிகளை ஏமாற்றிய தவெக ஆட்சியில், தொடர்கதையாக
நாகர்கோயிலில் பெட்டிக்கடை வைத்து வியாபாரம் செய்து தனது குடும்பத்தை காப்பாற்றி வந்த மாற்றுத்திறனாளி சபரிவர்மனை, காவல் துறையினரால் விசாரணைக்கு காவல் நிலையத்திற்கு அழைத்துச் சென்று கொலை செய்யப்பட்டதை தொடர்ந்து, தமிழக முழுவதும் மாற்றுத்திறனாளிகளுக்கு பாதுகாப்பு இல்லாத சூழ்நிலையில், மதுராந்தகத்தில் ஐந்தாம் வகுப்பு படிக்கும் மாற்றுத்திறனாளி சிறுமி பாலியல் வன்கொடுமைக்கு ஆளாக்கப்பட்டு செய்தியை அறிந்து வேதனைப்படுவதுடன், பாதுகாக்க தவறியதவெக அரசையும், முதலமைச்சர் ஜோசப் விஜய் அவர்களுக்கும், மாற்றுத்திறனாளிகள் அணியின் சார்பாகவும், தமிழ்நாடு மாற்றுத்திறனாளிகள் முன்னேற்ற சங்கம் சார்பாக கண்டனத்தை தெரிவித்துக் கொள்கிறேன்.
இவ்வாறு ரெ.தங்கம் தனது கண்டனத்தை பதிவு செய்துள்ளார்.
மதுராந்தகம் சட்டமன்றத் தொகுதி இடைத்தேர்தலில், திராவிட முன்னேற்றக் கழகத்தின் வெற்றி வேட்பாளர் இ.பரந்தாமனை ஆதரித்து, சென்னை மேற்கு மாவட்டத்திற்கு ஒதுக்கப்பட்டுள்ள காஞ்சிபுரம் வடக்கு மாவட்டம், அச்சிறுப்பாக்கம் வடக்கு ஒன்றியம், கரிக்கிலி, வேடந்தாங்கல், வெள்ளாப்புத்தூர் பகுதிகளில் 100 நாள் வேலைத் திட்டத்தில் பணியாற்றும் பொதுமக்களை சென்னை மேற்கு மாவட்ட கழக செயலாளர் நே.சிற்றரசு தலைமையில் கழக நிர்வாகிகள் நேரில் சந்தித்து கலந்துரையாடி, மக்களிடம் துண்டு பிரசுரங்களை கொடுத்து,கழகத்தின் சார்பில் வாக்கு சேகரித்தனர்.