தாராபுரம் சட்டமன்றத் தொகுதி இடைத்தேர்தலில் கழக வெற்றி வேட்பாளர் எஸ்.சுகன்யாவை ஆதரித்து குளத்துபுஞ்சை பகுதியில் அ.தி.மு.க. 16 வார்டு பிரதிநிதி லோகநாதன் உள்பட 10க்கும் மேற்பட்டோர் முன்னாள் அமைச்சர்கள் கழக முதன்மைச் செயலாளர் கே.என்.நேரு, கழக துணைப் பொதுச் செயலாளர் மு.பெ.சாமிநாதன், திருப்பூர் கிழக்கு மாவட்டச் செயலாளர் இல.பத்மநாபன் முன்னிலையில் கழகத்தில் இணைந்தனர். இதில் கழக மகளிர் அணி துணை செயலாளர் என்.கயல்விழி செல்வராஜ், கழக இளைஞர் அணி துணை செயலாளர்கள் கே.இ.பிரகாஷ் எம்.பி., இன்பா ரகு, தர்மபுரி மேற்கு மாவட்டச் செயலாளர் ஆ.மணி எம்.பி., நகரச் செயலாளர் எஸ்.முருகானந்தம், துணைச் செயலாளர் வெ.கமலகண்ணன், திருப்பூர் வடக்கு மாநகரப் பொறுப்பாளர் ஈ.தங்கராஜ், நகர் மன்றத் தலைவர் கு.பாப்புகண்ணன் உள்பட பலர் கலந்து கொண்டனர்.