தாராபுரம், செப். 29–
தாராபுரத்தில் வாக்குச் சேகரித்த த.வெ.க. வேட்பாளரை எதிர்த்து கேள்வி எழுப்பியவர்களை படம்பிடித்த மாணவர்களை விஜய் அரசு கைது செய்ததற்கு திராவிட வெற்றிக் கழகத் தலைவர் மல்லை சி.ஏ. சத்யா கண்டனம் தெரிவித்துள்ளார்.
இது குறித்து அவர் விடுத்துள்ளஅறிக்கை வருமாறு:–
தமிழ்நாட்டில் அக்டோபர்
06 செவ்வாய்க்கிழமை அன்று நடைபெறவுள்ள மதுராந்தகம் மற்றும் தாராபுரம் சட்டமன்ற இடைத்தேர்தல் சுயநல அரசியலால் மக்கள் மீது திணிக்கப்பட்டு மக்களின் வரிப்பணம் நேரம், காலம் வீணாகிறது இதனால் வாக்காளர்கள் கோபத்தின் உச்சதற்கே சென்று
இதற்கு காரணமாக இருந்தவர்கள் வேட்பாளராகி மீண்டும் வாக்கு கேட்டு வரும் போது
தங்கள் எதிர்ப்பைத் தெரிவித்து வருகின்றனர்.
அந்த வகையில் தாராபுரம் சட்டமன்றத் தொகுதி இடைத்தேர்தலில் போட்டியிடும் ஆளும் கட்சி வேட்பாளர் திருமதி சத்தியபாமா மதுராந்தகம் சட்டமன்ற தொகுதியில் போட்டியிடும் ஆளும் கட்சி வேட்பாளர் திருமதி மரகதம் குமரவேல் ஆகியோர் வாக்கு சேகரிக்க செல்லும் இடத்தில் எல்லாம் ஜனநாயகத்தின் இறுதி எஜமானர்களான வாக்காளர்கள் தாங்கள் வாக்களித்து வெற்றிப்பெற செய்தவர்கள் தங்கள் சுயநலத்
திற்காக சட்டமன்ற உறுப்பினர் பதவியை ராஜினாமா செய்ததை ஏன் எதற்கு எதனால் பதவியை ராஜினாமா செய்தீர்கள் என்று கேள்வி எழுப்பி வருகின்றனர். இதை சம்பந்தப்பட்ட வேட்பாளர்கள் பிரச்சாரத்தில் ஒப்புதல் வாக்கு மூலம் அளித்து வருகின்றனர் இதை திராவிட வெற்றிக் கழகம் ஜனநாயகத்தின் வெற்றியாக பார்க்கிறது.
இந்நிலையில் நேற்று முன்தினம் தாராபுரம் சட்டமன்றத் தொகுதிக்குட்பட்ட பொட்டிக்காம்பாளையம் ஊராட்சியில் வாக்கு சேகரிக்க தங்கள் கிராமத்திற்கு வந்த த.வெ.க. வேட்பாளர் திருமதி சத்தியபாமா அவர்களை ஜனநாயகத்தின் இறுதி எஜமானர்களான வாக்காளர்கள் கேள்வி எழுப்பி வாக்குவாதம் செய்து உள்ளனர் இதை அந்த கிராமத்தைச் சேர்ந்த கல்லூரி மாணவர்கள் கைபேசியில் பதிவு செய்து கொண்டு இருக்கும் போது ஆளும் கட்சி தரப்பினர் காவல்துறையை ஏவி கைபேசியில் பதிவு செய்யக் கூடாது பதிவை எடுக்கச் சொல்லி மிரட்டி உள்ளனர்.
இது ஒன்றும் தனிப்பட்ட ஒருவரின் அந்தரங்க விஷயங்களை பதிவு செய்ய வில்லை பொதுவெளியில் நடப்பதை பொதுச்
சமூகம் பதிவு செய்வது தார்மீக உரிமை உண்டு என்று மாணவனுக்கு ஆதரவாக கிராமத்தினர் குரல் கொடுத்த போது அவர்களை காவல்துறை சுற்றி வளைத்து வாகனத்தில் ஏற்றி சென்று குண்டடம் காவல்நிலையத்திற்கு கொண்டு சென்று பல்வேறு பிரிவுகளின் கீழ்க்கண்ட நபர்கள் நாச்சிமுத்து, பக்தவச்சலம், ராசு குழந்தைவேல், சிறிதர், குணசேகரன், கோவிந்தராசு ஆகியோர் மீது இந்திய தண்டனைச் சட்டம்குற்ற எண் 321/26, U/S 189(2), 126(2),296(B), 115(2),351(3) BNS R/W 4 OF TNPHW ACT & 3(1) OF TNPPDL ACT ஆகிய பிரிவுகளின் கீழ் வழக்குப் பதிவு செய்து வாக்களிக்கும் ஜனநாயக கடமையாற்ற முடியாமல் சிறையில் அடைத்து உள்ளது பாசிச த.வெ.க. அரசு.
செத்தே பிறக்கும் குழந்தையைப் போன்று தேர்தலுக்கு முன்பே முடிவு தெரிந்து விட்டதால் தங்களுக்கு எதிரானவர்களை காவல்துறை மூலமாக அச்சுறுத்தும் ஜனநாயக விரோத நடவடிக்கையை திராவிட வெற்றிக் கழகம் கண்டனம் தெரிவித்து கொள்வதோடு கைது
செய்யப்பட்ட அனைவர் மீதும் போடப்பட்ட வழக்குகளை திரும்பப் பெற்று நிபந்தனை இல்லாமல் உடனடியாக விடுதலை செய்ய தமிழ்நாடு அரசை திராவிட வெற்றிக் கழகத்தின் சார்பில் கேட்டுக் கொள்கின்றேன்.
இவ்வாறு மல்லை சி.ஏ. சத்யா தமது அறிக்கையில் கூறியுள்ளார்