சென்னை, செப்.30–
தமிழ்நாட்டை தனியார் மயத்தை நோக்கி நகர்த்துகிறதா த.வெ.க. அரசு? என்று திராவிடர் கழகத் தலைவர் கி.வீரமணி கேள்வி எழுப்பியுள்ளார்.
இது குறித்து அவரது அறிக்கை வருமாறு:–
போக்குவரத்து, மின்சாரம், விமான நிலையம், பல்கலைக்கழகங்கள் எல்லாவற்றையும் தனியாரிடம் தாரை வார்ப்பதற்கா ஓர் அரசு வேண்டும்?
இது வெறும் பொருளாதாரப் பிரச்சினை மட்டுமல்ல – இட ஒதுக்கீடுப் பிரச்சினை யும் இருக்கிறது என்பதை மறக்கவேண்டாம்!
தமிழ்நாட்டில் புதிய த.வெ.க. அரசு பொறுப்பேற்றதில் இருந்து, பல துறைகளையும் தனியார் மயமாக்குவதில் மும்முரம் காட்டி வருவது ஏற்கத்தக்கதல்ல!
போக்குவரத்து ஊழியர்களை நிரப்ப
வடநாட்டு நிறுவனத்துக்கு அனுமதி!
தமிழ்நாடு அரசுப் போக்குவரத்துத் துறையில் ஓட்டுநர், நடத்துநர் பணிகளுக்குத் தற்காலிகமாக ஆள் தேர்வு செய்து தரும் ஒப்பந்தம் உத்தரப் பிரதேசத்தைச் சேர்ந்த அவந்திகா என்ற ஒரு நிறுவனத்துக்கு அளிக்கப்பட்டு, வட மாநிலங்களைச் சேர்ந்தவர்கள் மறைமுகமாகப் பணியில் ஈடுபடுத்தப்படும் ஆபத்துஏற்படுத்தப்பட்டிருப்பது – ஏற்கெனவே கண்டனத்திற்குள்ளாகியுள்ளது. தனியார் மயம், அத்துடன் வடநாட்டவர் திணிப்பு என்னும் இரட்டை ஆபத்து!
மின்சாரத் துறையில்
தனியார் மயமாக்கலா?
இப்போது, தூத்துக்குடி, எண்ணூர் அனல் மின் நிலையங்களில் பொது மற்றும் தனியார் பங்களிப்புடன் கூடிய புதிய திட்டங்கள் கொண்டுவரப்படும் என்ற அறிவிப்பு – மின்சாரத் துறையைத் தனியார் மயத்தை நோக்கி நகர்த்துவதற்கான மறைமுகத் திட்டமாகும்.
அத்துடன், தமிழ்நாட்டில் வருகிற 6 மாதத்துக்குள் மின் கட்டணக் கணக்கீட்டு பணிகளில் ஒப்பந்த தொழிலாளர்களை நியமிப்பத ற்காக தனியாருக்கு டெண்டர் வெளி யிடப் போவதாகவும், இந்தப் பணிகள் அக்டோபர் மாதம் தொடங்கி நடைபெற இருப்பதாகவும் தகவல்கள் வெளியாகி உள்ளன. மின்வாரியத்தில் பணியாளர்கள் பற்றாக்குறையால் ஒப்பந்த ஊழியர்கள் நியமிக்கப்பட்டுள்ளனர் என்று மின்சாரத்துறைதெரிவித்துள்ளது. போதிய பயிற்சி இல்லாத பணியாளர்களால் ஏற்படும் தவறுகளுக்குகூடுதல் மின் கட்டணம் விதிக்கப்பட்டு, பொது மக்கள் பாதிக்கப்படும் நிலை இருப்பதை மின் துறையினர் சுட்டிக் காட்டுகின்றனர்.
தமிழ்நாட்டில் இந்த ஆட்சி வந்தது முதலே அறிவிக்கப்படாத மின்வெட்டு தொடர்ந்துஅமலாகிவருகிறது. அமைச்சரும், உயர்நீதிமன்ற நீதிபதியும் கலந்துகொண்ட நிகழ்ச்சியிலேயே மின்வெட்டு ஏற்பட்டிருப்பது நடப்பு நிலையை எடுத்துக் காட்டுவதாகும். இதில் பயிற்சி பெறாதவர்களையும்,
விமான நிலையத்தைத்
தனியார் மயமாக்க வேண்டுமா?
அதே போல, சென்னை விமான நிலையத்தைத் தனியார் மயமாக்க வேண்டும் என்று முதலமைச்சர் ச.ஜோசப் விஜய் அவர்கள் பிரதமருக்கு ஒரு மாதத்திற்கு முன்பு எழுதிய கடிதம் வெளிவந்துள்ளது. விமான நிலையம் சரியாகச் செயல்படவில்லை, அது மேம்படுத்த ப்பட வேண்டும் என்று முதலமைச்சர் விரும்புவாரே யானால், அதற்குரிய நடவடிக்கையை மேற்கொள்வதற்குக் கோரிக்கை விடுக்க வேண்டுமே தவிர, அதைச் சிறப்பாகச் செயல்படுத்துவதற்கு வற்புறுத்த வேண்டுமே தவிர, விமான நிலை யத்தையே தனியாருக்குத் தாரை வார்க்கப் பரிந்துரைப்பதா? தனியார் மயத்தைத் தடுக்க வேண்டும் என ஒன்றிய அரசுக்குக் கூற வேண்டிய முதலமைச்சரே தனியார் மயமாக்க வேண்டுகோள் விடுப்பதா?
தமிழ்நாடு அரசுக்கே உரிமையாகும் வகையில் அமைக்கப்படவிருந்த பரந்தூர் விமான நிலையத் திட்டத்தைக் கைவிட்டதோடு மட்டுமல்லாமல், ஏற்கெனவே இரு க்கும் மீனம்பாக்கம் விமான நிலையத்தையும் தனியார் மயமாக்குமாறு வேண்டுகோளும் விடுத்திருப்பது எந்த நோக்கத்தில்? யாருக்குப் பயன் அளிப்பதற்காக என்ற சந்தேகத்திற்கு என்ன பதில்? விமான நிலையங்களைக் குத்தகைக்கு எடுக்கும் அதானி, அம்பானி போன்ற பெரு நிறுவனங்களுக்குத் தானே இந்தப் பரிந்துரை பயன்படும்?
தனியார் பல்கலைக்கழகங்கள் மூலம்
இடஒதுக்கீடு பறிப்பு!
இன்னொரு புறம், அண்மையில் தமிழ்நாடு அரசு தனியார் பல்கலைக்கழகங்களை அமைப்பதற்கான விதிகளைத் திருத்தி, ஒரு சட்டத்தை நிறைவேற்றியு ள்ளது. தனியார் பல்கலைக் கழகங்களை அமைப்பதற்குக் குறைந்தது 100 ஏக்கர் நிலம் தேவை என்ற விதியை மாற்றி, சென்னை பெருநகரம் என்றால் 12 ஏக்கர் நிலம் போதுமானது என்றும், பிற மாநகராட்சிகள், நகராட்சிகள் என்றால் 18 ஏக்கரும், பிற இடங்களுக்கு 24 ஏக்கரும் போதுமானது என்று மாற்றியுள்ளது. இதன் மூலம் ஏராளமான தனியார் கல்லூரிகள் - தனியார் பல்கலைக்கழங்க ளாகஉருவாகும்.
அரசுப் பல்கலைக்கழகங்களின் இணைப்புக் கல்லூரியாக இருக்கும் கலை - அறிவியல் கல்லூரிகளிலும், அண்ணா பல்கலைக்கழகத்தின் இணைப்புக் கல்லூரிகளாக இருக்கும் தனியார் பொறியியல் கல்லூரிகளிலும் தமிழ்நாடு அரசுச் சட்டப்படியான 69% இடஒதுக்கீடு வழங்கப்பட்டு வருகிறது. தனியார் பல்கலைக்கழகங்களை உருவாக்கத் திருத்தப் பட்டுள்ள இந்த விதிமுறை கள் மூலம், அரசுப் பல்கலைக்கழகங்களிலிருந்து விடுபடும் தனியார் நிறுவனங்கள் இந்த இடஒதுக்கீட்டைப் பின்பற்ற மாட்டார்கள். இதனால், பாதிக்கப்படப் போவது யார்? ஒடுக்கப்பட்ட, பிற்படுத்தப்பட்ட, சிறுபான்மை இஸ்லாமியச் சமூகங்களைச் சார்ந்த ஏழை, எளிய மக்கள் தான்! அரசியலமைப்புச் சட்டத்தின் பாதுகாப்புடன் உள்ள 69% இட ஒதுக்கீட்டை, இப்படி தனியார் மயத்தின் மூலம் காலி செய்வதா?
சமூகநீதியை மறைமுகமாக
மறுக்கும் நடவடிக்கையே!
தனியார் மயம் என்பது பொருளாதாரப் பிரச்சினை மட்டுமல்ல; சமூகநீதிப் பிரச்சினையும் ஆகும். தற்காலிகப் பணியாளர்களை நிரப்புவது சமூகநீதியை மறைமுகமாக மறுக்கும் நடவடிக்கை ஆகும். தனியார் மயமாகும் நிறுவனங்களில் இடஒதுக்கீடு அறவே இல்லை என்பதையும் சேர்த்துத் தான் இப் பிரச்சினையை அணுக வேண்டும்.
முன்பு இப்படித்தான், ஒன்றிய அரசுப் பணியிடங்களில் பிற்படுத்தப்பட்டோ ருக்கு இடஒதுக்கீடு வழங்கும் மண்டல் ஆணையப் பரிந்துரை செயல்படுத்தப்பட்ட பின், வரிசையாக அரசு நிறுவனங்கள் தனியார் மயமாக்கப்பட்டு, இடஒதுக்கீட்டின் பலன் முழுமையாகக் கிடைக்காமல் தடுக்கப்பட்டது. அதே போன்ற செயலைத் தமிழ்நாட்டிலும்செய்யலாம் என்று யார் நினைத்தாலும், அது அவர்களுக்குக் கடுமையான எதிர் விளைவைத் தோற்றுவிக்கும் என்பது அனுபவப் பூர்வமாகத் தமிழ்நாடு கண்டுள்ள வரலாறு! மீண்டும் அதைச் சோதித்துப் பார்க்க த.வெ.க. அரசு முயற்சிக்க வேண்டாம் என்று எச்சரிப்பது நம் கடமை.
இவ்வாறு திராவிடர் கழகத் தலைவர் கி.வீரமணி அறிக்கையில் தெரிவித்துள்ளார்.
மதுராந்தகம் சட்டமன்றத் தொகுதி இடைத்தேர்தலில் கழக வேட்பாளர் இ.பரந்தாமனை ஆதரித்து காஞ்சிபுரம் வடக்கு மாவட்டக் கழகச் செயலாளர், முன்னாள் அமைச்சர் தா.மோ.அன்பரசன் ஆலோசனைபடி, கினார் ஊராட்சி, கே.கே.புதூர், 243 பாகப் பொறுப்பாளர்கள் செம்பாக்கம் வடக்கு பகுதிச் செயலாளர் பல்லாவரம் ஏ.கே.கருணாகரன், தாம்பரம் கிழக்கு பகுதிச் செயலாளர் மாடம்பாக்கம் ஆ.நடராஜன் ஆகியோர் தலைமையில் புஷ்பராஜ், வைலட் ராணி, அஜித், சி.ஆர்.நரேஷ்குமார், கே.பிரபு, ஆர்.ராதாகிருஷ்ணன், எம்.ஐ.டி.இ.சுரேஷ், பொண்.சதாசிவம், சாம்சன், கார்த்திகேயன் மற்றும் கழக நிர்வாகிகள் பலர் வாக்கு சேகரித்தனர்.
மதுராந்தகம் சட்டமன்ற தொகுதி வெற்றி வேட்பாளர் இ.பரந்தாமனை ஆதரித்து சென்னை வடக்கு மாவட்ட இலக்கிய அணி சார்பில் மாவட்ட இலக்கிய அணி அமைப்பாளர் ஒலி ஒளி ஆ.பாபு தலைமையில் பள்ளியகரம் பழைய காலனி கருணகரச்சேரி ஊராட்சியில் உதயசூரியனுக்கு வாக்களர்களிடம் வாக்கு கேட்டு பிரச்சாரம் செய்தனர்.ஆர்.கே.நகர் கிழக்கு பகுதி செயலாளர் இரா.லட்சுமணன் துவக்கி வைத்தார். உடன் இலக்கிய அணி பகுதி அமைப்பாளர் அழகானந்தம், ஆ.மணி, இரா.சீமான், டேனியல், டி.மனோகரன், எஸ்.கிருஷ்ணசாமி, பாபு, முகமது பரூக், மாரிமுத்து, வீரராகவன், ஹரி, சிவசங்கர், மூர்த்தி, கோகுல், உள்ளிட்ட அனைத்து கழக நிர்வாகிகளும் வாக்கு சேகரித்தனர்.