சோவை, செப். 30–
தமிழ்நாட்டின் முன்னேற்றம் மற்றும் சமூக நீதிப் பாதுகாப்பிற்காக, திராவிட முன்னேற்றக் கழகத்துடன் இணைந்து செயல்பட மனிதநேய ஜனநாயக நீதிக்கட்சி முடிவெடுத்து ஆதரவு வழங்குவதாக அதன் தலைவர் கோவை இல்முதன் தெரிவித்துள்ளார்.
இது குறித்து அவரது அறிக்கை வருமாறு:–
வணக்கம். தமிழக மண்ணில் சமூக நீதியையும், மதச்சார்பற்ற நல்லிணக்கத்தையும், சமத்துவத்தையும் நிலைநிறுத்துவதில் திராவிட முன்னேற்றக் கழகம் ஆற்றி வரும் பேரியக்கப் பணிகள் போற்றுதலுக்குரியவை.
மாநிலத்தின் உரிமைகளைப் பாதுகாக்கவும், எளிய மக்களின் வாழ்வாதாரத்தை உயர்த்தவும், சனாதன மற்றும் பிரிவினைவாத சக்திகளுக்கு எதிராக ஒரு வலுவான முற்போக்குக் கூட்டணி அமைவது இன்றைய காலத்தின் கட்டாயமாகும்.
மக்களுக்கான இந்த உன்னதப் பயணத்தில், கொள்கை ரீதியாக ஒத்த கருத்துடைய இயக்கங்கள் கைகோர்த்துச் செயல்படுவது தமிழகத்தின் எதிர்காலத்திற்கு வலிமை சேர்க்கும் என எங்கள் இயக்கம் திடமாக நம்புகிறது.
அதன்படி, மனிதநேய ஜனநாயக நீதிக்கட்சி, திராவிட முன்னேற்றக் கழகத்தின் உன்னதக் கொள்கைகளையும், மக்கள் நலத் திட்டங்களையும் முழுமையாக ஆதரிப்பதோடு, உங்களோடு இணைந்து அரசியல் மற்றும் சமூகத் தளங்களில் கூட்டாகச் செயல்பட ஒருமனதாக முடிவெடுத்
துள்ளது என்பதை இக்கடிதத்தின் மூலம் தெரிவித்துக் கொள்கிறோம்.
எங்களது முதன்மையான நோக்கங்கள்:
மதநல்லிணக்கப் பாதுகாப்பு: தமிழகத்தின் அமைதியையும், பன்முகத்தன்மையையும் சிதைக்க நினைக்கும் சக்திகளுக்கு எதிராக ஒன்றிணைந்து நிற்பது.
மக்களுக்கான கூட்டுப் பணி: அடித்தட்டு மக்களின் கல்வி, வேலைவாய்ப்பு மற்றும் வாழ்வாதார உரிமைகளுக்காகக் களத்திலும், மக்கள் மன்றத்திலும் இணைந்துகுரல் கொடுப்பது.
மாநில சுயாட்சி முழக்கம்: தமிழகத்தின் தன்னாட்சி உரிமைகளை மீட்டெடுக்க உங்களது கரங்க ளை வலுப்படுத்துவது.
இனிவரும் காலங்களில், திராவிட முன்னேற்றக் கழகம் எடுக்கும் மக்கள் நலன் சார்ந்த அனைத்து முடி வுகளுக்கும், முற்போக்குச் சிந்தனைமிக்க நடவடிக்கைகளுக்கும் மனிதநேய ஜன நாயக நீதிக்கட்சி ஒரு தோழமைச் சக்தியாக என்றும் தோளோடு தோள் நின்று செயல்படும் என உறுதி கூறுகிறோம்.
தமிழகத்தின் விடி யலுக்காகவும், சமூக நீதியின் தொடர் வெற்றிக்காகவும் இரு இயக்கங்களின் இந்த இணக்கம் புதிய வரலாற்றுப் பாதையை வகுக்கட்டும்! ‘சமூக நீதி வெல்லட்டும்! மனிதநேயம் நிலைக்க ட்டும்
இவ்வாறு அவர் தெரிவித்துள்ளார்.
மதுராந்தகம்,செப்.30–
மதுராந்தகம் தொகுதி இடைத்தேர்தலில் கழக வேட்பாளர் இ.பரந்தாமன் அவர்களை ஆதரித்து சென்னை கிழக்கு மாவட்டக் கழக செயலாளர் பி.கே.சேகர்பாபு அவர்களின் தலைமையில்,
சென்னை கிழக்கு மாவட்டத்திற்கு ஒதுக்கப்பட்ட மதுராந்தகம் வடக்கு ஒன்றியம்,குன்னவாக்கம் பகுதியில் பாகம் எண்:58-ல் பாக பொறுப்பாளர் திரு.வி.க.நகர் தொகுதியின் 72-வது வார்டு மாமன்ற உறுப்பினர் வழக்கறிஞர் எம்.சரவணன், பாக முகவர் விஜயகுமார், கிளை செயலாளர் சுதேஷ் ஆகியோர் முன்னிலையில்
கழக துணை அமைப்பு செயலாளர் முன்னால் சட்டமன்ற உறுப்பினர் வழக்கறிஞர் ப.தாயகம்கவி அவர்கள் உதயசூரியன் சின்னத்திற்கு வாக்கு கேட்டு அப்பகுதி வாழ் மக்களிடம் திண்ணை பிரச்சாரம் மேற்கொண்டார்.
வழக்கறிஞர்கள் விஜய மகேந்திரன், ரிஸ்வான், ஆனந்தன்,ஹரிஸ் உள்ளிட்ட நிர்வாகிகள் உடனிருந்தனர்.
மதுராந்தகம் சட்டமன்ற தொகுதி இடைத்தேர்தலில் கழக வெற்றி வேட்பாளர் வழக்கறிஞர் இ.பரந்தாமனை ஆதரித்து பேரவை துணைத் தலைவர் இரா.பொன்ராம், மாநிலத் தலைவர் ராஜா குப்புசாமி தலைமையில் அமைப்பு சாரா தொ.மு.ச. மாநில பிரச்சாரச் செயலாளர் ஏ.ஏ.ஆறுமுகம், தொழிலாளர்களிடையே வாக்கு சேகரித்தனர். இதில் தொ.மு.ச. நிர்வாகிகள் த.பத்மநாதன், பெப்சி.கண்ணன், த.ரவி, காஞ்சிபுரம் தொ.மு.ச. போக்குவரத்து பொதுச் செயலாளர் க.செல்வராஜ், சென்னை கவுன்சிலிங் பொருளாளர் கண்ணன், சுடர்மணி ராஜா, ராஜ்குமார், வி.ராஜேந்திரன், ராஜன் சுவாமிநாதன், வி.சந்திரசேகர், சிந்தாமணி அலிசன் மற்றும் பலர் கலந்து கொண்டனர்.