காத்­மாண்டு, செப்.30–

நேபா­ளத்­தில் வெள்ள பாதிப்­பு­கள் தொடர்ந்து வரும் நிலை­யில், இயற்கை அங்கு எந்­த­ள­வுக்கு கொடூ­ர­மாக இருக்­கி­றது என்­பதை காட்­டும் வீடி­யோக்­கள் சமூக வலைதளங்களில் பரவி வரு­கி­றது. வெறும் ஆறே நொடி­க­ளில் ஒட்­டு­மொத்த மலை­யும் சரிந்து விழும் காட்­சி­கள் சமூக வலைதளங்களில் பர­ப­ரப்பை கிளப்­பி ­யுள்­ளது.

நேபா­ளத்­தில் அடுத்­த­டுத்து ஏற்­பட்ட வெள்­ளம், நிலச்­ச­ரிவு மற்­றும் பனிச்­ச­ரிவு சம்­ப­வங்­கள் பெரும் பாதிப்பை ஏற்­ப­டுத்­தி­யுள்­ளன. இதில் இரண்டு வெவ்­வேறு இடங்­க­ளில் எடுக்­கப்­பட்ட வீடி­யோக்­கள் தற்­போது அதிர்ச்­சியை ஏற்­ப­டுத்­தி­யுள்­ளன. அதில் சுமார் 6 விநா­டி­க­ளில் மலைப்­ப­கு­தி­கள் அப்­ப­டியே சரிந்து விழும் காட்­சி­கள் பதி­வா­கி­யுள்­ளன. மலை சரி­வதை பார்த்த மக்­கள் அச்­சத்­தில் கதறி அழு­வது பெரும் பர­ப­ரப்பை ஏற்­ப­டுத்­தி­யுள்­ளது.

முதல் வீடியோ முதல் வீடியோ மஸ்­டாங் மாவட்­டத்­தின் லேட் பகு­தி­யில் ஞாயிற்­றுக்­கி­ழமை வெள்­ளம் ஏற்­பட்ட போது எடுக்­கப்­பட்­டது. திடீர் வெள்­ளத்­தால் நிலச்­ச­ரிவு ஏற்­பட்ட போது மலை­யின் பெரிய பகுதி ஒன்று கீழே உள்ள காளி­கண்­டகி ஆற்­றுக்­குள் சரிந்து விழு­வது தெரி­கி­றது. சுமார் 6 விநா­டி­க­ளில் மண் மற்­றும் பாறை­கள் வேக­மாக ஆற்­றில் சரிந்து விழு­கின்­றன. இதை பார்த்த அப்­ப­குதி மக்­கள் அச்­சத்­தில் அல­றும் சத்­த­மும் பதி­வா­கி­யுள்­ளது. சார் தம் புனித யாத்­திரை சென்­ற­வர்­கள் இந்த வீடி­யோவை எடுத்­த­தாக தெரி­விக்­கப்­பட்­டுள்­ளது. மலைப்­ப­குதி சரிந்து விழுந்­த­தால் காளி­கண்­டகி ஆற்­றின் பாதையே சற்று நேரம் முடங்­கி­யது.. பின்­னர் நீர், குவிந்­தி­ருந்த இடி­பா­டு­க­ளுக்கு நடுவே புதிய பாதையை உரு­வாக்கி மீண்­டும் ஓட தொடங்­கி­யது. இவை அனைத்­துமே அந்த வீடி­யோ­வில் மிக தெளி­வாக பதி­வா­கி­யுள்­ளது.