சென்னை, செப். 30 –

மது­ராந்­த­கம் சட்­ட­மன்ற தனி தொகுதி இடைத்­தேர்­தல் அக்­டோ­பர் 6ம் தேதி நடை­பெற உள்­ளது. தி.மு.க. சார்­பில் வழக்­க­றி­ஞர் இ.பரந்­தா­மன் போட்­டி­யி­டு­கி­றார். அவரை ஆத­ரித்து தே.மு.தி.க. பொதுச்­செ­ய­லா­ளர் பிரே­ம­லதா நேற்று நெல்­வாய் ஜங்­ஷன் பகு­தி­யில் திறந்த ஜீப்­பில் நின்­ற­படி வாக்கு சேக­ரித்­தார்.

அங்கு பிரே­ம­லதா விஜயகாந்த் பேசி­ய­தா­வது:

இந்த தொகு­தி­யில் இடைத்­தேர்­தல் வரு­வ­தற்கு கார­ணம் துரோ­கம். துரோ­கம் செய்­த­வர்­க­ளால் இந்த தேர்­தல் வந்­தது. வாக்­க­ளித்த மக்­க­ளின் விரல்­க­ளில் மை காய்­வ­தற்­குள் மக்­க­ளுக்கு துரோ­கம் செய்ய வேண்­டிய அவ­சி­யம் என்ன? துரோ­கத்­திற்கு மது­ராந்­த­கம் தொகுதி மக்­கள் பாடம் புகட்­டு­வார்­கள்.

எந்த கட்­சிக்­கா­ரர்­கள் உழைத்து உங்­களை வெற்றி பெற செய்­தார்­களோ அந்த கட்­சிக்கு துரோ­கம் செய்து விட்­டீர்­கள். துரோ­கம் செய்­த­வர்­க­ளுக்கு தமிழ்­நாட்­டில் இடம் இல்லை என்­பதை மக்­க­­ளி­டம் கேட்­டுக்­கொள்­கி­றேன்.

மது­ராந்­த­கம் விவ­சா­யம் நிறைந்த பகுதி. இங்கு பெரும்­பா­லான விவ­சா­யி­கள் நெற்­ப­யிர் விவ­சா­யம் செய்­கின்­ற­னர். விவ­சா­யம் செய்த நெல் கொள்­முதல் செய்­யப்­ப­ட­வில்லை. இத­னால் விவ­சா­யி­கள் வேதனை அடைந்­துள்­ள­னர். 100 நாள் வேலை திட்­டம் இந்த பகு­தி­யில் முறை­யாக வழங்­கப்­ப­டு­வ­தில்லை. அதற்­கான கூலி­யும் முறை­யாக வழங்­கப்­ப­ட­வில்லை.

முதி­யோர் பென்­ஷன் நிறுத்­தப்­பட் ­டாச்சு. முத­ல­மைச்­ச­ராக இருந்­த­போது மு.க.ஸ்டாலின் ரூ.1000 வழங்­கி­னார். ஆனால் முதல்­வர் விஜய் ரூ.2500 தேர்­தல் வாக்­கு­றுதி கொடுத்­தார். அதை அவ­ரால் நிறை­வேற்ற முடிந்­ததா? தேர்­தல் வாக்­கு­று­தி­களை நிறை­வேற்­றும் வரை திமு­க­வு­டன் இணைந்து நாங்­கள் மிகப்­பெ­ரிய போராட்­டத்தை நடத்த உள்­ளோம்.

பெண்­க­ளுக்கு பாது­காப்பு இல்லை!

பெண்­க­ளுக்கு பாது­காப்பு இங்கே இருக்­கி­றதா, விவ­சா­யம் இருக்கா, வேலை­வாய்ப்பு இருக்கா, குடி­நீர் இருக்கா என்று பொது­மக்­களை பார்த்து கேள்வி எழுப்­பி­னால் பொது­மக்­கள் இல்லை என பதில் அளிக்­கின்­ற­னர். இதே மது­ராந்­த­கம் தொகு­தி­யில் கடந்த சில தினங்­க­ளுக்கு முன்பு சிறுமி பாலி­யல் வன்­கொ­டுமை செய்­யப்­பட்­டி­ருக்­கி­றார். அக்கா, தங்கை என்றுசொல்­கி­றீர்­களே. அந்த அக்கா, தங்­கை­க­ளுக்கு முழு பாது­காப்பு கொடுக்­கி­றீர்­களா? தேர்­த­லில் நிறைய வாக்­கு­று­தி­கள் கொடுத்­தீர்­கள். அந்த வாக்­கு­று­தி­களை நிறை­வேற்­றி­னீர்­ களா? மின் கட்­ட­ண­மும், விலை­வா­சி­யும்­தான் உயர்ந்­தது.

தமிழ்­நாட்­டில் தற்­பொ­ழுது போதை பழக்­கம் அதி­க­ரித்­துள்­ளது. பாது­காப்­பற்ற தமிழ்­நாடு. எங்கு பார்த்­தா­லும் கற்­ப­ழிப்பு, பெண்­க­ளுக்கு பாது­காப்பு இல்­லா­மல் தமிழ்­நாடு சுடு­கா­டாக மாறி உள்­ளது. என்ன மாற்­றத்தை தமிழ்­நாட்­டில் பார்த்­தோம், ஏமாற்­றத்தை மட்­டுமே பார்த்­தோம். எந்த மாற்­ற­மும் கிடை­யாது. இருக்­கவே இருக்­காரு எங்க தம்பி ஆதவ் அர்­ஜுன். அவர் வாயைத் திறந்­தாலே சண்­டை­தான். சட்­ட­மன்­றத்­தி­லேயே நான் சொன்­னேன், சட்­ட­ச­பையா இல்லை, சண்டை சபையா என்று சொன்­னேன். மக்­க­ளு­டைய பிரச்­னையை பேச வேண்­டிய சட்­ட­ச­பை­யில் தி.மு.க. மீது உள்ள காழ்ப்­பு­ணர்ச்சி இந்த சட்­ட­ச­பை­யில் பேசு­கி­றீர்­கள் என்­றேன்.

ஆதவ் அர்­ஜூனா பதவி விலக நேரி­டும்!

நேற்று முன்­தி­னம் எதிர்க்­கட்­சித் தலை­வர் உத­ய­நிதி இந்த பகு­தி­யில் பிரச்­சா­ரம் செய்­தார். அதே நேரத்­தில் அமைச்­சர் ஆதவ் அர்­ஜு­னும் பிர­சா­ரம் செய்­தார். நுண­லும் தன் வாயால் கெடும் என்­ப­தற்­கேற்ப மது­ராந்­த­கம் தொகு­தி­யில் தவெக தோற்­று­விட்­டால் நான் பொதுச் செய­லா­ளர் பத­வியை ராஜி­னாமா செய்­கி­றேன். அதே­போல், உங்­க­ளால் செய்ய முடி­யுமா என்று சவால் விட்டு சென்று இருக்­கி­றார்.

இந்த சவாலை மக்­கள் நீங்­கள் புரிந்­து­கொள்ள வேண்­டும். அவர் விட்ட சவா­லுக்கு நீங்­கள்­தான் இந்த தேர்­த­லில் திமு­க­விற்கு வாக்­க­ளித்து பதி­லடி கொடுக்க வேண்­டும். இந்த மது­ராந்­த­கம் தொகு­தி­யில் போட்­டி­யி­டும் திமுக வேட்­பா­ளர் பரந்­தா­ம­னுக்கு உத­ய­சூ­ரி­யன் சின்­னத்­தில் பெரு­வா­ரி­யான வாக்­க­ளித்து வெற்றி பெறச் செய்ய வேண்­டும். மது­ராந்­த­கத்­தில் திமுக வெற்றி பெற்று, ஆதவ் அர்­ஜுனா கட்­சிப் பதவி விலக வேண்­டிய நிலை வரும். தவளை தன்வாயால் கெடும் என்­ப­து­போல ஆதவ் அர்­ஜுனா பேசி­யுள்­ளார்.

இவ்­வாறு அவர் பேசி­னார்.

மதுராந்தகம் சட்டமன்ற இடைத்தேர்தலில் கழக வேட்பாளர் இ. பரந்தாமனை ஆதரித்து சென்னை வடக்கு மாவட்டம், இராயபுரம் கிழக்கு பகுதி கழகத்தினர். புக்கத்துறை ஊராட்சி கோடி தண்டலம் கிராமத்தில் பகுதி செயலாளர் இரா.செந்தில்குமார். 49 வது வட்டச் செயலாளர் க. கலைசெல்வன், கிளைசெயலாளர் கண்ணன், மாவட்டப் பிரதிநிதி ஐசிஎப். பழனி, தொமுச நிர்வாகி டி.தேவராஜ், தகவல் தொழில் நுட்ப அணி வழக்கறிஞர் எஸ்.மாரிமுத்து, வழக்கறிஞர் ஐ.கமலி மற்றும் சு.பிரபு, பி.பிரவீன், எஸ்.சுந்தரமூர்த்தி, ஆர்.தாமோதரன், தனபால், சிவகுமார் உள்ளிட்டோர் வீடு வீடாகச் சென்று வாக்கு சேகரித்தனர்.