தாராபுரம், செப். 30 –
த.வெ.க.வின் 4 மாத ஆட்சியில் 200 கொலைகளும், 300 பாலியல் வன்கொடுமைகளும், 8 காவல் மரணங்களும் 10 ஆணவப் படுகொலைகளும் நடந்தேறி தமிழ்நாட்டிற்கு களங்கம் ஏற்படுத்தப்பட்டுள்ளது. எனவே இங்கு த.வெ.க. ஆட்சிக்குப் பாடம் புகட்ட கழக வேட்பாளரை ஆதரித்து உதயசூரியன் சின்னத்தில் வாக்களித்திடுவீர் என்று தாராபுரம் தொகுதி தேர்தல் பிரச்சாரத்தில் கழக துணைப் பொதுச் செயலாளர் கனிமொழி ராஜாத்தி கருணாநிதி எம்.பி. அவர்கள் உரையாற்றுகையில் வேண்டுகோள் விடுத்தார்.
திருப்பூர் மாவட்டம் தாராபுரம் தொகுதியில் உள்ள மானூர்பாளையம் பகுதியில் திமுக துணைப் பொதுச்செயலாளரும், நாடாளுமன்ற திமுக குழுத் தலைவருமான கனிமொழி ராஜாத்தி கருணாநிதி பிரச்சாரம் மேற்கொண்டார்.
அப்போது அவர் பேசியதாவது :–
இந்த இடைத்தேர்தல் வருவதற்கான காரணம், அதிமுகவில் இருந்து ஆளுங்கட்சியாக இருக்கக்கூடியவர்கள், தீர்ந்துபோன சக்தி என்று கூறினார்களே? அங்கிருந்து ஒரு வேட்பாளரைத் தங்கள் பக்கம் இழுத்து, ஆட்சிப் பொறுப்பேற்ற பிறகு எப்படியாவது சட்டமன்ற உறுப்பினர்களின் எண்ணிக்கையை அதிகப்படுத்த வேண்டும் என்பதற்காகவே அந்த வேட்பாளரைத் திருடிக் கொண்டுவந்து, அவரைப் பதவி விலகச் செய்து, மீண்டும் இந்த இடைத்தேர்தலை நடத்துகிறார்கள்.
அதே வேட்பாளர், முன்னர் உங்களிடம் வந்து இரட்டை இலைச் சின்னத்திற்கு வாக்களியுங்கள் என்றார்; வெற்றி பெற்ற பிறகு நன்றி சொல்லக்கூட அவருக்கு நேரம் கிடைக்கவில்லை. ஆனால் இப்போது மீண்டும் நான் விசில் அடித்துக்கொண்டு வருகிறேன் என்று உங்களிடம் ஓட்டு கேட்க வருகிறார்.
தீர்ந்து போன சக்தியும்
புண்ணிய பராசக்தியும்!
தங்களுக்கு வாக்களித்த மக்களுக்குக்கூட நேர்மையாகவும், நியாயமாகவும் நடந்துகொள்ளாத ஒருவரை மீண்டும் மக்களிடம் கொண்டுவந்து நிறுத்துகிறார் கள். அதுவரை இதே சத்யபாமாவை
தீர்ந்துபோன சக்தி என்றார்கள்; இப்போது புண்ணிய பராசக்தி என்பது போல உங்களிடம் கொண்டுவந்து நிறுத்துகிறார்கள். இத்தனை நாட்களாக அவர் தொலைந்துபோன சக்தி; ஆனால் தமிழக வெற்றிக் கழகத்தில் வந்து சேர்ந்தவுடனே, ஆட்சியாளர்களுக்கு அவர் திடீரென்று தங்க சத்யபாமா ஆகிவிட்டார்.
இதுதான் தூய சக்தி செய்யும் வேலையா? இது திருட்டுச் சக்தி செய்யும் வேலை. உண்மையான தூய சக்தி இந்த வேலையைச் செய்யாது. அம்மையார் ஜெயலலிதா மறைந்த பிறகு, குறுக்கு வழியில் ஆட்சிப் பொறுப்பிற்கு வருவதற்கு எல்லா வாய்ப்புகளும் இருந்தும், பின்வாசல் வழியாக ஆட்சியை நாங்கள் கைப்பற்ற மாட்டோம் என்று உறுதியாக நின்றாரே முத்துவேல் கருணாநிதி ஸ்டாலின், அவர்தான் உண்மையான தூய சக்தி.
திரும்பத் திரும்ப தூய சக்தி, தீய சக்தி, தொலைந்துபோன சக்தி என்று முதலமைச்சர் விஜய் பேசுகிறார். அவர் இப்போது நமக்குச் சொந்தக்காரப் பையனாகவே மாறிவிட்டார். ஏனென்றால், நம்முடைய அண்ணனைப் பார்த்து
My dear sweet uncle என்கிறார். அதனால் அவரைப்பார்த்து இனிமேல் நான்
அன்புத் தம்பி விஜய்என்று அழைக்கலாம் என்றிருக்கிறேன்.
அன்புத் தம்பி விஜய், காலையில் எழுந்தவுடனேயேதி.மு.க.வைத்தான் நினைத்துக்கொண்டு எழுகிறார். வீட்டி
லிருந்து அலுவலகத்திற்குப் புறப்படும் போதும் தி.மு.க. நினைப்புதான்; அமர்ந்திருக்கும்போதும், முகம் கழுவும்போதும் தி.மு.க.தான். டிபன் பாக்ஸைத் திறந்தால் அப்போதும் தி.மு.க.வின் நினைப்புதான். அதனால்தான் மதுராந்தகத்தில் தேர்தல் வாக்குறுதிகளைப் பேசி வாக்கு கேட்கும் நேரத்தில், 21 நிமிடங்கள் ஆற்றிய உரையில் எத்தனை முறை தி.மு.க. என்று
கூறினார் தெரியுமா. கிட்டத்தட்ட 40 முறைக்கும் மேலாக தி.மு.க. என்று கூறியிருக்கிறார்.
மக்கள் மனதில் நிலைத்து
நிற்கும் பெயர் தி.மு.க.!
நமக்காக அவரே சென்று தி.மு.க., தி.மு.க. என்று ஓட்டு கேட்கிறார்.
அண்ணன் தளபதி மு.க.ஸ்டாலின் கூட ஒருநாளைக்கு இத்தனை முறை தி.மு.க. என்று கூறுவாரா எனத் தெரியவில்லை. ஆனால் தம்பி விஜய்க்கு மக்கள் மனதில் நிலைத்து நிற்கும் பெயர் எதுவென்று தெளிவாகத் தெரிந்திருக்கிறது.
பொதுமக்களாகிய நீங்கள் ஜனநாயகத்தைக் காப்பாற்ற வேண்டும் என்றாலும், மக்களுடைய உரிமைகளைப் பாதுகாக்க வேண்டும் என்றாலும், தேர்ந்தெடுத்த உறுப்பினர்களைப் பத்திரமாக வைத்துக்கொள்ளத் தெரிந்த அண்ணன் தளபதியின் திராவிட முன்னேற்றக் கழகத்திற்கே வாக்களியுங்கள்.
இன்றைக்கு எத்தனை சோதனைகள் வருகிறது என்று பார்க்கிறோம். வாரத்திற்கு ஒருமுறை நமது அண்ணன் நேரு அவர்களின் வீட்டிற்குச் சோதனையிட வருகிறார்கள். யாரைப் பார்த்தாலும் வழக்கு, கைது நடவடிக்கை. ஆனால், இதுவரை திராவிட முன்னேற்றக் கழகத்தில் இருந்து ஒரு சட்டமன்ற உறுப்பினரோ, மக்கள் பிரதிநிதியோதடம் மாறியிருக்கிறாரா என்றால், இல்லை என்று பெருமையோடு கூறுவேன்.
இன்றைக்கு அ.தி.மு.க.வில்இருக்கக்கூடிய எடப்பாடி பழனிசாமிபோன்றவர்கள், தன் கையில் கட்சி இருந்தால் போதும் என நினைத்து, அக்கட்சியையே ஒரு நிலையற்ற இடத்திற்குக் கொண்டுவந்து நிறுத்திவிட்டார்கள். எனவே, இங்குள்ள ஆட்சிக்குச் சரியான பாடத்தைப் புகட்ட உதயசூரியன் சின்னத்தில் வாக்களித்துச் சகோதரி சுகன்யா அவர்களை வெற்றி பெறச் செய்ய வேண்டும்.
தூய சக்தி என்று கூறுகிறாரே,
த.வெ.க. கட்சியில் உள்ள ஒரு வழக்கறிஞர், அரசு வழக்கறிஞராக நியமிக்க ரூ.30 லட்சம் லஞ்சம் வாங்கினார் என்று நீர்வளத்துறை அமைச்சர் மீது புகார் அளிக்கிறார். அதற்காகத் தூய சக்தி என்ன செய்தது. புகார் அளித்த அந்தப் பெண்ணையே கட்சியிலிருந்து உடனடியாக நீக்கியது.ஆனால் அமைச்சர் தொடர்ந்து அமைச்சராகவே நீடிக்கிறார்.
ஈரோடு பகுதியில் மற்றொரு அமைச்சர் சாயப்பட்டறைகளிடம் ரூ.9 கோடி முதல் ரூ.10 கோடி வரை வசூல் செய்திருப்பதாகக் குற்றச்சாட்டு எழுகிறது. ஆட்சிக்கு வந்த நான்கே மாதங்களில் 10 கோடி ரூபாய் வசூல் செய்யப்பட்டதற்கு என்ன நடவடிக்கை எடுத்தீர்கள். இதுவரை
ஒன்றுமே இல்லை.
மோசமாக மிரட்டியவர்
அமைச்சராக நீடிக்கிறார்!
ஆண், பெண் சமம்; பெண்களிடம்
மரியாதையாகப் பேச வேண்டும் என்று கூறுகிறீர்கள். ஒரு பெண்ணை தவறாகப் பேசுவது தவறென்றால், ஓர் ஆணைத் தவறாகப் பேசுவது மட்டும் சரியாகி
விடாது. உங்கள் அமைச்சரே உங்கள் கட்சியின் நிர்வாகி ஒருவரை மிரட்டும் தொனியில் மிக மோசமாகப் பேசியிருக்கிறார். அவர் இன்றளவும் அமைச்சராகத்தானே தொடர்கிறார்.
ஐ.பி.எல். போட்டியின் போது ஆப்பிள் கைபேசியை வைத்துக்கொண்டு குழந்தைக்கு மருந்து நுணுக்கிக் கொண்டிருந்தாரே, அவரை அழைத்து ஒரு இரத்தப் பரிசோதனைதான் செய்யவில்லை. அது குழந்தைக்கான மாத்திரையா அல்லது அவருடைய மாத்திரையா என்று தெரிந்திருக்குமே, அதுபற்றி என்ன விசாரணை தூய சக்தி நடத்தியது.