திருவள்ளூர்,அக் 01;–
திருவள்ளூர் நகரம் 21–வது வார்டில், த.வெ.க. மாவட்டக் கழகச் செயலாளரும் பூந்தமல்லி சட்டமன்ற உறுப்பினருமான அலுவலகத்திற்கு எதிரே நடந்து சென்ற பெண்ணிடம் இருந்து 9 சவரன் தங்கச் சங்கிலியை இருசக்கர வாகனத்தில் வந்த மர்ம நபர்கள் பறித்துச் சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.
சாலையில் நடந்து சென்று கொண்டிருந்த பெண்ணை பின்தொடர்ந்து வந்ததாக கூறப்படும் இரு நபர்கள், திடீரென அருகில் வந்து அவரது கழுத்தில் அணிந்திருந்த தங்கச் சங்கிலியை பறித்துக்கொண்டு இருசக்கர வாகனத்தில் மின்னல் வேகத்தில் தப்பிச் சென்றதாக கூறப்படுகிறது. அதிர்ச்சியடைந்த பெண் கூச்சலிட்டதைத் தொடர்ந்து அப்பகுதி பொதுமக்கள் திரண்டனர்.
தகவலறிந்து சம்பவ இடத்திற்கு வந்த போலீசார் விசாரணை மேற்கொண்டு வருகின்றனர். அப்பகுதியில் பதிவாகியுள்ள கண்காணிப்பு கேமரா காட்சிகளை ஆய்வு செய்து, சங்கிலி பறிப்பில் ஈடுபட்டதாக கூறப்படும் இருவரையும் அடையாளம் காணும் பணியில் போலீசார் ஈடுபட்டுள்ளனர்.
“பெண்களின் பாதுகாப்பே முக்கியம்” என்று ஆட்சியாளர்கள் தொடர்ந்து பேசிவரும் நிலையில், ஆளுங்கட்சியைச் சேர்ந்த மாவட்டக் கழகச் செயலாளரும் சட்டமன்ற உறுப்பினருமானவரின் அலுவலகத்திற்கு எதிரிலேயே ஒரு பெண்ணின் கழுத்தில் இருந்து 9 சவரன் சங்கிலி பறிக்கப்பட்டிருப்பது எத்தகைய பாதுகாப்பு நிலை? என பொதுமக்களும் சமூக ஆர்வலர்களும் கேள்வி எழுப்பியுள்ளனர்.
பெண்களின் பாதுகாப்பு குறித்து மேடைகளில் பேசுவது மட்டும் போதுமா? மக்கள் நடமாட்டம் உள்ள முக்கியப் பகுதிகளில் காவல்துறை கண்காணிப்பும், ரோந்து பணியும் போதுமான அளவில் உள்ளதா என்பதையும் அதிகாரிகள் ஆய்வு செய்ய வேண்டும். ஆளுங்கட்சியினரின் அலுவலகத்திற்கு அருகிலேயே பெண்களுக்கு பாதுகாப்பு கேள்விக்குறியாகும் நிலை ஏற்பட்டுள்ளதாக மக்கள் அச்சம் தெரிவிக்கும் நிலையில், அரசு இதற்கு என்ன பதில் சொல்லப் போகிறது? என்ற கேள்வியும் எழுந்துள்ளது.
மதுராந்தகம் தொகுதி இடைத்தேர்தலில் போட்டியிடும் கழக வெற்றி வேட்பாளர் இ.பரந்தாமனை ஆதரித்து அருங்குணம் ஊராட்சியில் புனித தோமையார் மலை வடக்கு ஒன்றிய செயலாளர் ஜி.கே. விவேகானந்தன் (எ) ரவி தலைமையில் நேற்று 30.9.2026 ஊராட்சியில் உள்ள வார்டுகளில் வீடு வீடாக சென்று தீவிரவாக்கு சேகரிப்பில் ஈடுபட்டனர். உடன் ஒன்றிய கழக நிர்வாகிகள் கே. செல்வராஜ், டி. புருஷோத்தமன், இளங்கோவன், ச. மனோகர், வனஜா தயாளன், வி.ஜோசப், சி.கே.ஜெகதீஸ்வரன், கழக அணிகளின் அமைப்பாளர், துணை அமைப்பாளர்கள் மற்றும் கழக நிர்வாகிகள் கலந்து கொண்டனர்.