திருப்பூர், அக். 1 –
திருப்பூர் மாவட்டம், தாராபுரத்தில் நடைபெற்ற நிகழ்வு ஒன்றின்போது, அமைச்சர் ஆனந்த் காலில் தவெக நிர்வாகிகள் விழுந்த காட்சிகளைப் படம் பிடித்த ‘நியூஸ் 18 தமிழ்நாடு’ செய்தித் தொலைக்காட்சி செய்தியாளரின் செல்போனைப் பறித்து, அதில் பதிவான காட்சிகளை வலுக்கட்டாயமாக நீக்கியுள்ள அராஜகச் செயலும், அதேபோல மதுராந்தகம் தொகுதிக்குட்பட்ட அச்சரப்பாக்கம் பகுதியில் பிரச்சார நிகழ்வுகளைப் படம் பிடித்த செய்தியாளர்களின் செல்போன்களை மறித்தும், பறித்தும் ஈடுபட்டுள்ள அத்துமீறல்களும் ஊடக சுதந்திரத்தின் மீதான நேரடித் தாக்குதலாகும்.
செய்தியாளர்களின் பாதுகாப்பை உறுதி செய்ய வேண்டிய காலக்கட்டத்தில், அரசின் மற்றும் ஆளும் கட்சி சார்ந்த நிகழ்வுகளிலேயே ஊடகவியலாளர்களுக்கு எதிராக இதுபோன்ற அத்துமீறல்களும் அச்சுறுத்தல்களும் தொடர்ச்சியாக நடைபெறுவது மிகுந்த வேதனையையும், அதிர்ச்சியையும் அளிக்கிறது.
இச்சம்பவங்களுக்கு திருப்பூர் மாவட்ட செய்தியாளர்கள் சங்கம் தனது வன்மையான கண்டனத்தைத் தெரிவித்துக் கொள்கிறது.
ஜனநாயகத்தின் நான்காவது தூணாக விளங்கும் ஊடகவியலாளர்கள் தங்களது கடமையைச் சரியாகச் செய்வதைத் தடுக்கும் வகையிலும், உண்மையை மறைக்கும் நோக்கத்துடனும் மேற்கொள்ளப்படும் இத்தகைய மிரட்டல் போக்குகள் எக்காலத்திலும் ஏற்கத்தக்கது அல்ல. குறிப்பாக, பொதுவெளியில் நடக்கும் நிகழ்வு களைப் பதிவு செய்யும் செய்தியாளர்களை மிரட்டுவதும், அவர்களின் பணித்தடைகளை ஏற்படுத்துவதும் ஊடக சுதந்திரத்திற்கு விடப்படும் நேரடி சவாலாகும். காவல்துறையினர் முன்னிலையி லேயே இதுபோன்ற அத்துமீறல்கள் அரங்கேறியுள்ளதும், செல்போனைப் பறித்து மிரட்டல் விடுத்தவர்கள் மீது உடனடியாக நடவடிக்கை எடுக்காமல் வேடிக்கை பார்த்ததும் காவல்துறையின் நடுநிலையான செயல்பாட்டின் மீது கடும் சந்தேகத்தை எழுப்புகிறது. ஊடகவியலாளர்களுக்குப் பாதுகாப்பு அளிக்கத் தவறி, அத்துமீறலுக்கு மறைமுகமாகத் துணைபோன சம்பந்தப்பட்ட காவல்துறையினர் மீது துறை ரீதியான உரிய நடவடிக்கை எடுக்கப்பட வேண்டும். தமிழகம் முழுவதும் செய்தியாளர்கள் எவ்வித அச்சுறுத்தலுமின்றி தங்களது ஜனநாயகக் கடமையைத் தடையின்றி ஆற்றுவதற்கான பாதுகாப்பான சூழலை அரசு உடனடியாக உறுதி செய்ய வேண்டும்.
மதுராந்தகம் சட்டமன்ற தொகுதியின் கழக வேட்பாளராக போட்டியிடும் இ.பரந்தாமனை ஆதரித்து, சென்னை தென்மேற்கு மாவட்ட செயலாளர் மயிலை த.வேலு முன்னாள் எம்.எல்.ஏ. தலைமையில், பகுதி செயலாளர்கள் கே.ஏழுமலை எம்.சி., கோ.சு.மணி, நந்தனம் கி.மதி எம்.சி., எஸ்.முரளி ஆகியோரின் முன்னிலையில், சுற்றுச் சூழல் அணியின் சார்பாக மாவட்ட அமைப்பாளர் என்.எஸ். பாலசுப்ரமணியன், மாவட்ட துணை அமைப்பாளர்கள் Wefas த.பத்மநாபன், கோ.வெங்கட்ராமன், ஜி.ஹரி நாராயணன், கிளை கழக செயலாளர் தட்சிணாமூர்த்தி ஆகியோர் பாகம் 280 நெசப்பாக்கம் அரியனூர் பகுதி மக்களிடம் உதயசூரியன் சின்னத்தில் வாக்கு கேட்டு பரப்புரை மேற்கொண்டனர்.