மதச்சார்பற்ற முற்போக்குக் கூட்டணி கட்சிகளின் சார்பில் தாராபுரம் சட்டமன்றத் தொகுதி இடைத்தேர்தலில் போட்டியிடும் கழக வெற்றி வேட்பாளர் வழக்கறிஞர் எஸ்.சுகன்யாவை ஆதரித்து மனிதநேய மக்கள் கட்சித் தலைவர், நாகப்பட்டினம் சட்டமன்ற உறுப்பினர் ஜவாஹிருல்லா தாராபுரம் நகரப் பகுதியில் உதயசூரியன் சின்னத்திற்கு பொதுமக்களிடம் வாக்கு சேகரித்தார். இதில் நெல்லை மத்திய மாவட்டக் கழக செயலாளர் மு.அப்துல் வஹாப் எம்.எல்.ஏ., தாராபுரம் நகரக் கழக செயலாளர் எஸ்.முருகானந்தம், நகர்மன்ற தலைவர் கு.பாப்புகண்ணன் உள்பட கூட்டணிக் கட்சி நிர்வாகிகள், கழக நிர்வாகிகள் பலர் கலந்து கொண்டனர்.