அரியலூர், அக்.1- –

அரியலூர் மாவட்டம் அரியலூர் அருகே தவுத்தாய்குளம் பகுதி யில் டைல்ஸ் மற்றும் இரும்பு கடைகளில் வெள்ளி குத்து விளக்கு ரொக்கப் பணம் மற்றும் கைபேசிகளை திருடிச் சென்ற மர்ம நபர்களை காவல்துறை யினர் தேடி வருகின்றனர்.

அரியலூர் புது மார்க்கெட் தெருவைச் சேர்ந்தவர் ராஜ வேலன்(50) தவுத்தாய் குளத்தில் வேலு என்ற பெயரில் டைல்ஸ் கடை வைத்துள்ள இவர், வழக்கம் போல் நேற்று காலை கடையை திறக்க வந்த போது கடையின் மேற்கூரை பிரித்து கிடைப்பதைக் கண்டு அதிர்ச்சி அடைந்தார்.

பின்னர் அவர் உள்ளேச் சென்று பார்த்த போது கல்லா பெட்டியை உடைத்து அதில் வைத்திருந்த ரூ.30,000 ரொக்கம் மற்றும் வெள்ளி குத்து விளக்கு உள்ளிட்ட பொருள்களை மர்ம நபர்கள் திருடிச் சென்றிப்பது தெரிய வந்தது.

இதுகுறித்து காவல் துறையில் புகார் செய்ததின் பேரில் சம்பவ இடத்துக்குச் சென்ற அரியலூர் நகர காவல் துறையினர், அங்குள்ள சிசிடிவி காட்சிகளை ஆய்வு செய்து பார்த்த போது ஒருவர் மேற் கூரையை பிரித்து உள்ளே இறங்கியது பதிவாகி யுள்ளது.

இதன் தொடர்ச்சியாக டைல்ஸ் கடையின் எதிரே உள்ள இரும்பு கடையின் கண்ணாடியை உடைத்து 2 கைப்பேசிகள், ரூ.2,000 ஆகியவற்றை மர்ம நபர் திருடிச் சென்றிருப்பதும் தெரிய வந்தது.

இந்த இரு சம்பவங்கள் குறித்து காவல்துறையினர் வழக்குப் பதிந்து விசாரி க்கின்றனர் இதனால் அப்பகுதி மக்கள் மிகுந்த அச்சத்தில் உள்ளனர். காவல்துறையும், த.வெ.க. அரசும் நடவடிக்கைகள் எடுத்து பொதுமக்களின் அச்சத்தை போக்குமா என எதிர்பார்க்கின்றனர்.