புதுடெல்லி, அக்.1–
தலைமை தேர்தல் ஆணை யர் ஞானேஷ்குமார் தன்னிச்சையாக செயல்பட்டதாக தொடரப்பட்ட வழக்குகளை அவசரமாக விசாரிக்க உச்சநீதிமன்றம் சம்மதம் தெரிவித்துள்ளது.
இந்திய தேர்தல் ஆணையத்தில் உள்ள மற்ற 2 தேர்தல் ஆணையர்களிடம் எந்தவித ஆலோசனையும் ஒப்புதலும் பெறாமல். தலைமை தேர்தல் ஆணையர் ஞானேஷ் குமார் தன்னிச்சையாக முக்கிய முடிவுகளை எடுத்ததாக தொடர் குற்றச்சாட்டுகள் எழுந்தன. அரசியல் சாசன அமைப்பான தேர்தல் ஆணையத்தை ஒரு தனிநபர் தனது விருப்பம்போல் வழிநடத்துவது முறையற்றது என பல்வேறு அரசியல் கட்சிகள் கடும் கண்டனம் தெரிவித்து வந்தன.
மேலும், இந்த விவகாரத்தை கண்டித்துகரப்பான்பூச்சி அமைப்பின் சார்பில் நாடு தழுவிய போராட்டங்களும் அறிவித்துள்ளது. சூழலில், மக்கள் பிரதிநிதித்துவ சட்டத்தின் கீழ் தலைமை தேர்தல் ஆணையர் ஞானேஷ்குமார் மீது முதல் தகவல் அறிக்கை பதிவு செய்ய வேண்டும் எனவும், அவரை உடனடியாக பத வியிலிருந்து நீக்க வேண்டும் எனவும் உச்சநீதிமன்றத்தில் பல்வேறு புதியமனுக்கள் தாக்கல் செய்யப்பட்டன.
இந்த மனுக்கள் தலைமை நீதிபதி சூர்யகாந்த், நீதிபதி கள் ஜாய்மால்யா பாக்சி மற்றும் வி.மோகனா ஆகியோர் அடங்கிய அமர்வு முன் மூத்த வழக்கறிஞர் விகாஷ் சிங் மூலம் அவசர முறையீடாக கொண்டுவரப்பட்டது.
அப்போதுவாதாடிய அவர், ‘தேர்தல் ஆணையத்தில் உள்ள மற்ற 2 ஆணையர்களின் ஒப்புதல் இல்லாமல் தலைமை தேர்தல் ஆணையர் ஞானேஷ்குமார் தன்னிச்சையாக முடிவெடுக்க அதிகாரம் உள் ளதா என்ற நியாயமான சந்தேகம் எழுகிறது; ஆணையத் தின் முடிவுகள் அனைத்தும் ஒருமனதாகவோ அல்லது பெரும் பான்மை அடிப்படையிலோதான் இருக்க வேண்டும் என்ற சட்டப் பூர்வ விதிமுறைகளை மீறி எடுக்கப்பட்ட அனைத்து நடவடிக்கைகளையும் ரத்து செய்ய வேண்டும்’ என்று வாதிட்டார்.
தேர்தல் ஆணையத்தின் செயல்பாடுகளில் தனிநபர் ஆதிக்கம் இருப்பதாக எழுந்திருக்கும் சுடுமையான சந்தேகங்களை தெளிவுபடுத்தும் வகையில் இந்த மனுக்களை அவசர வழக்காக விசாரிக்க வேண்டும் என்றும் வழக்கறிஞர் வலியுறுத்தினார். மூத்த வழக்கறிஞர் முன்வைத்த அழுத்தமான வாதங்களை ஏற்றுக் கொண்ட தலைமை நீதிபதி சூர்யகாந்த் தலைமையிலான அமர்வு, ஜனநாயக நடைமுறைகளை பாதுகாக்கும் நோக்கில் மனுக்களை பரிசீலிப்பதாக உறுதி அளித்தது.
அதனைத் தொடர்ந்து, தலைமை தேர்தல் ஆணையர் ஞானேஷ்குமாருக்கு எதிராக தாக்கல் செய்யப்பட்டுள்ள அனைத்து வழக்கு களையும் வரும் வாரம் முறைப்படி பட்டியலிட்டு முழுமையாக விசாரிப்பதாக உச்சநீதிமன்ற நீதிபதிகள் அதிரடி உத்தரவு பிறப்பித்தனர்.
சென்னை, அக். 1–
முத்தமிழறிஞர் கலைஞர் அவர்களின் முன்னாள் பாதுகாவலர் (PSO) பாண்டியனின் மனைவி திருமதி மீனாட்சி அவர்கள் நேற்று இயற்கை எய்தினார் என்பதை அறிவிக்க வருந்துகிறோம்.
இச்செய்தியறிந்ததும் கழகத் தலைவர் மு.க.ஸ்டாலின் அவர்கள் தமது ஆழ்ந்த இரங்கலைத் தெரிவித்துள்ளார்.
மு.க.ஸ்டாலின் அவர்களின் இரங்கல் செய்தி வருமாறு:–
தலைவர் கலைஞர் அவர்களிடம் நீண்டகாலம் பாதுகாவலராகப் பணியாற்றியவர் பாண்டியன். அவரது மனைவி திருமதி மீனாட்சி அவர்கள் நேற்று மறைவுற்றார் என்ற செய்தியறிந்து துயருற்றேன்.
மனைவியை இழந்து வாடும் திரு.பாண்டியன் அவர்களுக்கும் மற்றும் அவரது உறவினர்களுக்கும் எனது ஆழ்ந்த வருத்தத்தை தெரிவித்துக் கொள்கிறேன்.
இவ்வாறு தலைவர் மு.க.ஸ்டாலின் அவர்கள் இரங்கல் செய்தியில் குறிப்பிட்டுள்ளார்.