சென்னை, அக்.1–

சென்னை கிழக்கு மாவட்ட ஆதிதிராவிட நலக்குழு துணை அமைப்பாளர் வழக்கறிஞர் குமரவேல் (வயது 54) மதுராந்தகம் இடை தேர்தலில் பணியாற்றி கொண்டு இருந்தபோது பக்கத்தில் உள்ள உறவினர் வீட்டிற்கு சென்றவர் மாரடைப்பு ஏற்பட்டு இயற்கை எய்தினார் என்பதை அறிவிக்க வருந்துகிறோம்.

அன்னாருக்கு கே. கலைவாணி என்ற மனைவி, கே.தீபிகா, B.Tech, கே.திவ்யா தர்ஷணி +2 ஆகிய இரண்டு மகள்கள் உள்ளனர். அன்னாரின் உடலுக்கு கழகத்தினர் மலர் மாலை வைத்து அஞ்சலி செலுத்தினர்.

மறைவு செய்தியறிந்த கழகத் தலைவர் மு.க.ஸ்டா லின் அவர்கள், தமது ஆழ்ந்த இரங்கலை அன்னாரின் குடும்பத்தினருக்கு தெரிவித்துள்ளார்.

மதுராந்தகம் சட்டமன்றத் தொகுதி இடைத் தேர்தலில் மதச்சார்பற்ற முற்போக்கு கூட்டணி கட்சி திமுக வேட்பாளர் இ.பரந்தாமனை ஆதரித்து பண்ருட்டி நகரத்திற்கு ஒதுக்கப்பட்டுள்ள பெருவெளி பையம்பாடி பாகம் எண் 257 இல் பண்ருட்டி நகர மன்ற தலைவர் நகர கழக செயலாளர் க.இராஜேந்திரன் தலைமையில், கடலூர் மேற்கு மாவட்ட கழகவைத் தலைவர் டாக்டர் கொ.நந்தகோபாலகிருஷ்ணன் முன்னிலையில், கழக நிர்வாகிகளுடன் வீடு வீடாகச் சென்று உதயசூரியன் சின்னத்திற்கு தீவிர வாக்கு சேகரித்தனர். இந்நிகழ்ச்சியில் மாவட்ட துணை செயலாளர்கள் தணிகை செல்வம் ஆனந்தி சரவணன் மாவட்ட மாவட்ட தொண்டரணி அமைப்பாளர் கதிர்காமன், மாவட்ட வர்த்தக அணி அமைப்பாளர் குணசேகரன், நகர அவைத் தலைவர் ராஜா நகர பொருளாளர் ராமலிங்கம், நகர துணை செயலாளர் கௌரி அன்பழகன், மாவட்ட பிரதிநிதி பிரபு சரவணன் மாவட்ட விவசாய தொழிலாளர் அணி துணை அமைப்பாளர்கள் ஏழுமலை, செந்தில்குமார், நகர இளைஞரணி அமைப்பாளர் சம்பத், நகர மாணவரணி அமைப்பாளர் பார்த்திபன், நகர தகவல் தொழில்நுட்ப அணி அமைப்பாளர் மோகன் உள்ளிட்ட நிர்வாகிகள் கலந்து கொண்டு வாக்குகள் சேகரித்தனர்.