தாராபுரம், அக். 2 –
தாராபுரம் சட்டமன்றத் தொகுதிக்கான இடைத்தேர்தலில் தி.மு.க. தலைமையிலான மதச்சார்பற்ற முற்போக்குக் கூட்டணி யின் வெற்றி வேட்பாளர் திருமதி சுகன்யாவை ஆதரித்து உதயசூரியன் சின்னத்தில் வாக்கு கேட்டு மனிதநேய ஜனநாயக கட்சியின் தலைவர் மு.தமிமுன்அன்சாரி எம்.எல்.ஏ. தொகுதி யின் பல்வேறு இடங்களில் பரப்புரை மேற்கொண்டார்.
முன்னதாக தாராபுரத்தில் அனைத்து ஜமாத்தினர் மற்றும் சான்றோர்கள் பங்கேற்ற மனிதநேய ஜன நாயக கட்சி ஏற்பாடு செய்திருந்த கூட்டத்தில் பங்கேற்றார்.
இதில் திருப்பூர் மாவட்டதி.மு.க. செயலாளரும், முன்னாள் அமைச்சருமான
மு.பெ.சாமிநாதன், நெல்லை மத்திய மாவட்ட தி.மு.க. செயலாளர், பாளை அப்துல் வாஹப் எம்.எல்.ஏ. பங்கேற்றார்கள்.
கரையூர் நாலு ரோட்டில் பரப்புரையை தொடங்கியவர், தேனி நாடாளுமன்ற உறுப்பினர் தங்க தமிழ்ச்செல்வன் மற்றும் வாசுதேவ நல்லூர் சட்டமன்ற உறுப்பினர் ராஜா, தென்காசி சட்டமன்ற உறுப்பினர் டாக்டர். கலை கதிரவன் ஆகியோர் ஏற்பாடு செய்த பரப்புரை கூட்டத்திலும் பேசினார்.
அதன் பிறகு மாலையில் அலங்கியம் என்ற இடத்தில் முன்னாள் தி.மு.க. அமைச்சர்கள் கே.கே.எஸ்.எஸ்.ஆர்.ராமச்சந்திரன் எம்.எல்.ஏ. மற்றும் தங்கம் தென்னரசு எம்.எல்.ஏ. ஆகியோர் ஏற்பாடு செய்திருந்த கூட்டத்தில் பேசினார்.
தளவாய் பட்டினம் என்ற இடத்தில் மடத்துக்குளம் சட்டமன்ற உறுப்பினர் ஜெயராமன், ஒன்றியச் செயலாளர் செந்தில்குமார் ஏற்பாடு செய்த கூட்டத்தி லும் பேசினார்.
நிறைவாக தாராபுரம் ஜின்னா தியேட்டரில் நகர் மன்ற தலைவர் பப்பு கண்ணன் தலைமையில் நடைபெற்ற பரப்புரையில் பேசினார். மொத்தம் 5 இந்த இடங்களில் எழுச்சியாக ஏற்பாடு செய்யப்பட்ட கூட்டங்களிலும் உரையாற்றினார்.
முன்னதாக வழியெங்கும் தி.மு.க.வினர் உற்சாகமாக ஏற்பாடு செய்த நிகழ்ச்சிகளிலும் பங்கேற்றார்.
தனது உரையில் அவர் கூறியதாவது...
த.வெ.க. வேட்பாளர் சத்தியபாமா அ.தி.மு.க.வில் வெற்றி பெற்று, தனது சுயநலத்திற்காக தற்போது எம்.எல்.ஏ. பதவியை ராஜினாமா செய்து விட்டு, மீண்டும் இதே தொகுதியில் தமிழக வெற்றி கழகத்தின் சார்பில் போட்டியிடுகிறார்.
இது சந்தர்ப்பவாத அரசியலுக்காக ஏற்படுத்தப்பட்ட வீண் செலவு மட்டுமல்ல. வீண் தேர்தலும் கூட. செல்கின்ற இடமெல்லாம் அவரை பொதுமக்கள் விரட்டியடித்த காரணத்தினால், இன்றைய தினம் முதல்வரின் மேடையில் நீலிக்கண்ணீர் வடித்து நாடகம் ஆடுகிறார். இதன் மூலம் அனுதாப அலையை தேட முயற்சிக்கிறார்.
இந்த இரண்டு தொகுதிகளிலும் ஆளுங்கட்சியின் கடந்த நான்கு மாத கால தவறுகளுக்கும், சட்டம் ஒழுங்கு சீர்குலைவுகளுக் கும், அறிவிக்கப்படாத மின் கட்டணம் ஏற்றத்திற்கும், விலைவாசி உயர்வுக்கும், பாலியல் வன்முறைகளுக்கும், பாடம் கற்பிக்கும் வகையில் மக்கள் தி.மு.க. தலைமையிலான வேட்பாளர்களுக்கு வாக்களிப்பது மூலம் குதிரை பெற அரசியலை தமிழ்நாடு ஆதரிக்கவில்லை என்பதை தெரியப்படுத்த வேண்டும்.
இன்றைய தினத்தந்தியில் ஒரே நாளில் எட்டு பேர் படுகொலை என்ற வந்திருக்கும் தலைப்புச் செய்தியே இந்த ஆட்சி அவலத்தை காட்டு கிறது.
இவ்வாறு அவர் பேசினார்.
இன்றைய பரப்புரையில்அவருடன் கட்சியின் பொருளாளர் கேப்டன் சையது முகம்மது பாரூக், மாநில முதன்மைச் செயலாளர் கோவை ஜாபர், மாநில துணைச் செயலாளர்கள் கோவை அப்பாஸ்,பொதக்குடி ஜெயினுதின், திருப்பூர் கண்ணன் ஆகியோரும் உடன் சென்றனர்.
மேலும் திருப்பூர் மாவட் டச் செயலாளர் ராயல் ராஜா, ம.ஜ.க. சமூக நீதி பாசறை மாநிலச் செயலாளர் நெல்லை ரமேஷ், தொண்டரணி மாநிலச் செயலாளர் கோவை
ஆர்.எம்.ரபி, ம.ஜ.க. விளையாட்டு கழக மாநிலச் செயலாளர் மேட்டுப்பாளையம் நிவாஸ், தலைமைச் செயற்குழு உறுப்பினர் ஈரோடு ஷபி உள்ளிட்டோரும் பங்கேற்றனர் .
மேலும் திண்டுக்கல் கிழக்கு, திருப்பூர், கோவை வடக்கு, ஈரோடு மேற்குஆகிய மாவட்டங்களின் செயலாளர்களும், நிர்வாகிகளும் ஆங்காங்கே பங்கேற்றனர்.
நிகழ்ச்சியை தாராபுரம் சட்டமன்றத் தொகுதிக்குட்பட்ட மனிதநேய ஜனநாயக கட்சி நிர்வாகிகள் ஆங்காங்கே தி.மு.க. தலைமை யிலான கூட்டணி கட்சியினருடன் இணைந்து எழுச்சியாக முன்னெடுத்தது குறிப்பிடத்தக்கது.
மதுராந்தகம் சட்டமன்ற தொகுதி கழக வேட்பாளர் வழக்கறிஞர் ஐ. பரந்தாமனை ஆதரித்து கள்ளபிரான்புரம் ஊராட்சி பாகம் 71 மற்றும் 72-ற்கு உட்பட்ட பகுதிகளில் மாவட்ட இளைஞரணி துணை அமைப்பாளர் வழக்கறிஞர் ச. சங்கர் கணேஷ் எம்.சி. தலைமையில் ஒன்றிய அமைப்பாளர் ஆர். லோகேஷ் குமார் முன்னிலையில் தலைமைக் கழக இளம் பேச்சாளர் சந்தோஷ் ஜெய், இளைஞரணி மாவட்ட துணை அமைப்பாளர் செ. ரவி,பகுதி துணை அமைப்பாளர்கள் ஏ.செந்தில்குமார், ஆர்.விஜய்,வட்ட இளைஞரணி அமைப்பாளர் அணிஷ்,துணை அமைப்பாளர் பா. புருஷோத்தமன் உள்ளிட்ட இளைஞரணி நிர்வாகிகள் வாக்கு சேகரித்தனர்.