திருவள்ளூர், அக். 2 –
மகளிர் விடியல் பயணப் பேருந்தில் பெண்களிடமும் டிக்கெட் கட்டணம் வசூலிக்குமாறு நடத்துநர்களை பணிமனை மேலாளர் மிரட்டும் வீடியோ வெளியாகி அதிர்ச்சியை ஏற்படுத்தியுள்ளது. விடியல் பயணத் திட்டத்திற்கு மூடுவிழா நடத்த த.வெ.க. அரசு முயற்சிப்ப தாக குற்றச்சாட்டு எழுந்துள்ளது.
திராவிட மாடல் ஆட்சியில் மகளிர் விடியல் பயண திட்டம் தொடங்கப்பட்டு பெண்களிடம் மாபெரும் வரவேற்பை பெற்றது. இந்நிலையில், அடுத்து ஆட்சிக்கு வந்த த.வெ.க. அரசு, இத்திட்டத்தை பெயர் மாற்றம் செய்து தன்னுடைய திட்டம் போலும், புதிய திட்டம் போலும் காழ்ப்புணர்ச்சியுடன் செயல்படுத்தி வருகிறது. ஆட்சிக்கு வந்ததும் மாநிலம் முழுவதும் அனைத்து பேருந்துகளிலும் பெண்கள் இலவசமாக பயணம் செய்யலாம் என தேர்தல் வாக்குறுதி அளித்துவிட்டு, தற்போது பல்வேறு கட்டுப் பாடுகளை முதலமைச்சர் விஜய் விதித்துள்ளார்.
இந்நிலையில், இத்திட்டத்தையே முடக்க தவெக அரசு முயற்சி செய்து வருவதாக குற்றச்சாட்டு எழுந்துள்ளது. அதனை நிரூபிக்கும் வகையில், திருவள்ளூர் மாவட்டத்தில் மகளிர் விடியல் பயணம் திட்டத்தின் கீழ் இயக்கப்பட்ட பேருந்துகளில் 70% பேருந்துகளில் கட்டணம் வசூல் செய்யப்படுகிறது.
திருவள்ளூர் போக்குவரத்து கிளை மேலாளர் பாஸ்கரன் மகளிர் பயணியரிடம் கட்டணம் வசூல் செய்ய உத்தரவிட்டுள்ளதாக கூறப்படுகிறது. மகளிரிடம் பயணக்கட்டணம் வசூல் செய்ய நடத்துனர்கள் எழுத்து பூர்வ உத்தரவை கேட்டபோது, நீ யார் அதை கேட்பதற்கு, உனக்கு மகளிரிடம் கட்டணம் வசூல் செய்ய பயமாக இருந்தால் வேலையை விட்டு போய்விடு என நடத்துநர்களை அவர் மிரட்டியுள்ளார். இந்த வீடியோ தற்போது சமூகவலை தளங்களில் வைரலாகி வருகிறது.
த.வெ.க. அரசின் இந்த உத்தரவு மகளிரிடையே அதிர்ச்சியை ஏற்படுத்தியுள்ளது. மகளிர் விடியல் பயணத்தில் பெயர் மாற்றிய த.வெ.க. அரசு, விரைவில் அதற்கு மூடு விழா நடத்தவிருப்பதையே இது காட்டுவதாக குற்றச்சாட்டு எழுந்துள்ளது.
இந்நிலையில், த.வெ.க. அரசின் ஏமாற்று வேலைக்கும், வாக்குறுதியை காற்றில் பறக்கவிடும் முதலமைச்சர் விஜய்-க்கும் மகளிர் கடும் கண்டனம் தெரிவித்துள்ளனர்.