மதுரை,அக்.2–
மதுரை மாநகராட்சியின் 41-ஆவது மாமன்றக் கூட்டம் பொறுப்பு மேயர் நாகராஜன் மற்றும் ஆணையாளர் கௌரவ குமார் ஆகியோர் தலைமையில் நடைபெற்றது. கூட்டம் தொடங்கியவுடன் மதுரை மீனாட்சி அம்மன் கோயில் கும்பாபிஷேகம் சிறப்பாக நடைபெற்றது குறித்து மேயர் உரையாற்றத் தொடங்கியபோது, அங்கிருந்த தி.மு.க. மாமன்ற உறுப்பினர்கள் மாமன்ற குழு தலைவரும் தி.மு.க. தலைமைச் செயற்குழு உறுப்பினருமான மா. ஜெயராம் தலைமையில் கருப்புச் சட்டை அணிந்து, கைகளில் பதாகைகளை ஏந்தியவாறு திடீர் ஆர்ப்பாட்டத்தில் ஈடுபட்டனர்.
கும்பாபிஷேக பாஸ்வழங்கியதில் முறைகேடு புகார்!
மீனாட்சி அம்மன் கோயில் கும்பாபிஷே கத்திற்கான நுழைவுச் சீட்டுகள் (பாஸ்) வழங்கியதில் பெரும் முறைகேடு நடந்துள்ளதாக தி.மு.க. உறுப்பினர்கள் மாமன்ற குழு தலைவர் மா. ஜெயராமன் தலைமையில் குற்றம் சாட்டினர். மேலும், “கும்பாபிஷேகம் மீனாட்சி அம்மனுக்கு நடைபெற்றதா அல்லது அமைச்சர்நிர்மல் குமாருக்கு நடைபெற்றதா?” என்று முழக்கங் களை எழுப்பி அவர்கள் தொடர் போராட்டத்தில் ஈடுபட்டனர்.
மாமன்றத்தில் அ.தி.மு.க.– தி.மு.க. உறுப்பினர்கள் இடையே காரசார வாக்குவாதம்
மாமன்ற கூட்டத் தொடர் வளாகத்திற்குள் இதுபோன்று ஆர்ப்பாட்டம் நடத்த அனுமதி இல்லை எனக் கூறி, போராட்டத்தில் ஈடுபட்ட தி.மு.க. உறுப்பினர்களை உடனடியாக வெளியேற்றுமாறு மேயர் உத்தரவிட்டார்.
மேயர் அறிவுறுத்திய பின்னரும் தொடர்ந்து அரசுக்கு எதிராகவும் பாஸ் முறைகேடு தொடர்பாகவும் முழக்கமிட்டதால், தி.மு.க. உறுப்பினர்கள் மாமன்றக் கூட்டத்
தொடரில் இருந்து வெளியேற்றப்பட்டனர்.
தி.மு.க. உறுப்பினர்கள் வெளியேற்றப்பட்டதால் கூட்டத்தை தொடர்ந்து நடத்துவதற்கு போதிய மாமன்ற உறுப்பினர்கள் (மெஜாரிட்டி) இல்லாமல், நீண்ட நேரமாகத் தீர்மானங்கள் நிறைவேற்றப் படாமல் கூட்டம் தடைபட்டது. பின்னர், வெளியேற்றப்பட்ட திமுக உறுப்பினர்கள் மீண்டும் கூட்டத் திற்குத் திரும்பியதைத் தொடர்ந்து 28 தீர்மானங்கள் நிறை வேற்றப்பட்டன. இதில் சாலமன் பாப்பையா வசித்த பகுதிக்கு அவரதுபெயரைச் சூட்டுவது உள்ளிட்டசிறப்புத் தீர்மானங்களும் நிறைவேற்றப்பட்டது.
கூட்டத்திற்கு பிறகு செய்தியாளர்களை சந்தித்த மாமன்ற குழு தலைவர் மா.ஜெயராம், மீனாட்சியம்மன் கோவில் கும்பாபிஷேகம் மன்னர்கள் காலத்தில் இருந்து நடைபெற்ற வரலாற்றை சுட்டிக்காட்டியும் மக்களாட்சி காலத்தில் முன்னாள் முதலமைச்சர்கள் கலைஞர், ஜெயலலிதா ஆகியோரது ஆட்சி காலங்களிலும் பல லட்சம் மக்கள் கூடிய கும்பாபிஷேகம் தமிழகவெற்றிக்கழக அமைச்சர்களின் செயல்பாட்டினால் மிக மோசமான நிலையில் நடைபெற்றதை சுட்டிக்காட்டினார்.