தஞ்சாவூர் அக்.2.
தஞ்சாவூர் மாவட்டம், கும்பகோணத்தை தலைமையிடமாக கொண்டு இயங்கி வரும் கும்ப கோணம் பரஸ்பர சகாயநிதி நிறுவனத்தை எந்தவித தகுதியும் இல்லாமல் கழக நிர்வாகிகள் மீது அவதூறு வழக்கு பதிந்துகாவல்துறை மூலம் முடக்கி கைப்பற்ற துடிக்கிறது த.வெக. அரசு.
தஞ்சாவூர் மாவட்டம், கும்பகோணம் பரஸ்பர சகாயநிதி 123 ஆண்டுகாலமாக 156 கிளைகளுடன் தமிழ்நாடு முழுவதும் சிறப்பாக இயங்கி வருகிறது. இதன் தலைவராக கழக சட்டத்திட்ட திருத்தக்குழு தலைவர் சு.கல்யாண
சுந்தரம் எம்.பி, துணைத் தலைவராக முன்னாள் எம்.பி செ.இராமலிங்கம், மேலாண் இயக்குநராக பி.ஆர்.பி.வேலப்பன், இயக்குனர்களாக தஞ்சை வடக்கு மாவட்டக் கழகப் பொறுப்பாளர் க.அன்பழகன், மற்றும் கழக நிர்வாகிகள்பி..பிரகாசம், ஜி.துரைராஜ், இ.அம்பிகா, எம்.குருபிரசாத், கூடுதல் இயக்குனராக எஸ்.இரவிச்சந்திரன் ஆகியோர் கொண்ட குழுவினர் நிறுவனத்தை இயக்கி வருகின்றனர்.
இந்நிலையில் ஒன்றிய நிதி அமைச்சகத்தின் சட்டத்திட்ட விதிகளுக்கு உட்பட்டு நிதி நிறுவனத்தில் இயக்குனர்களுக்கான தேர்தல் செப்டம்பர் 27,28 &29 ஆகிய மூன்று தேதிகளில் நிறுவனத்தின் பங்குதாரர்களை கொண்டு NSDL என்ற ஒன்றிய அரசின் அங்கீகாரம் பெற்ற இணையதளம் வழியாக தேர்தல் நடைபெற்றது. இதில் முறையாக நடைபெற்ற இத்தேர்தலில் கழக நிர்வாகிகள் அதிக வாக்குகள் பெற்று வெற்றி பெற்றனர்.
இதனை பொறுத்துக்கொள்ள முடியாத த.வெ.க சேர்ந்த வேளாண்மைத்துறை அமைச்சர் வினோத் ரவி தூண்டுதலின் பேரில் நிதி நிறுவனத்தின் தலைமை அலுவலகத்தை த.வெ.க மாநகரச் செயலாளர் முருகானந்தம், காங்கிரஸ் மாவட்டத் தலைவர் குமரன் உள்ளிட்டோர் 100-க்கும் அதிகமான நபர்களுடன் நிறுவனத்தின் உள்ளே புகுந்து இது எங்கள் ஆட்சி, வேளாண்மைத்துறை அமைச்சரை மீறி நிறுவனத்தை நடத்திடுவீர்களா என்றும் கழக நிர்வாகிகளை ஆபாசவார்த்தைகளால்பேசியும் கலவரத்தில் ஈடுபட்டனர். இதில் நிதிநிறுனத்தின் கண்ணாடி மற்றும் முகப்பு கதவுகள் உடைக்கப்பட்டது. இதுகுறித்து ஏற்கனவே காவல்துறைக்கு தகவல் தெரிவித்து உரிய பாதுகாப்பு கோரியிருந்த போதிலும் காவல்துறையினர் எந்தவித முன் நடவடிக்கையும் எடுக்காமல், நிதி நிறுவனத்தின் உள்ளே 100 க்கும் மேற்பட்டோரை அனுமதித்து த.வெ.க-வினருக்கு ஆதரவாக செயல்பட்டனர். நிறுவனத்தை சூறையாட முயன்றபோது அதனை தடுத்த நிறுவனத்தின் துணை பொது மேலாளர்களை எந்தவித விசாரணையும் இன்றி சட்டத்திற்கு புறம்பாக கைது செய்து அழைத்து சென்றுள்ளனர்.
அதே நேரத்தில் சென்னையில் உள்ள மண்டல அலுவலகத்தில் இருந்த மேலான் இயக்குனர் பி.ஆர்.பி.வேலப்பனையும் உரிய காரணமின்றி கைது செய்து மாம்பழம் R1 காவல் நிலையத்தில் அடைத்து வைத்தனர்.
அதனை தொடர்ந்து த.வெ.க, காங்கிரஸ், அ.தி.மு.க கட்சியை சேர்ந்தவர்கள் மற்றும் காவல்துறை அதிகாரிகள் நிதி நிறுவன அதிகாரிகளிடம் உங்கள் நிர்வாக குழுவை உடனே ராஜினாமா செய்ய சொல்லுங்கள் இல்லாவிட்டால் உங்கள் அனைவர் மீதும் பொய் வழக்கு பதிந்து அசிங்க படுத்தி வெளியே அனுப்புவோம் என்று மிரட்டி
யுள்ளனர்.
அதனை அறிந்த கழக நிர்வாகிகள் ஜனநாயகமுறைப்படி தேர்ந்தெடுக்கப்பட்டுள்ளோம் நாங்கள் ஏன் ராஜினாமா செய்ய வேண்டும் என்று கேள்ளி எழுப்பினர்.
இதற்கிடையே அமைச்சர் வினோத் காவல்துறையிடம் நிதி நிறுவன இயக்குனர்கள் மீது பொய் வழக்கு பதிய அழுத்தம் கொடுத்ததையடுத்து த.வெ.க மகளிர் அணியினரை வைத்தும், நிதி நிறுவனத்தில் முறைகேடு செய்ததால் பணியிடை நீக்கம் செய்யப்பட்டவர்களையும்கொண்டு பெண்கள் வன்கொடுமை சட்டத்தின் கீழ் பொய் வழக்குப் பதிவு செய்துள்ளனர்.
மேலும் அங்கு பணி பயிற்சிக்கு வந்தபயிற்சி ஊழியர்களை காலை 11.30 மணிக்கு காவல்துறையினர் சிறைபிடித்து இரவு 10.30 மணி விடுவித்தனர். வெளியே வந்த பயிற்சி ஊழியர்களிடம் விசாரித்த போது நிதி நிறுவனத்தில் வேலைக்கு சேர பணம் கேட்டனர் என்றும் எங்களை பயன்படுத்திதான் இணையத்தளத்தில் வாக்கு பதிவு செய்தனர் என்று கட்டாயபடுத்தி மிரட்டி எழுதிவாங்கினார்கள் என்று தெரிவித்தனர். எழுதி தராதவர்களை மேலும் 1 மணிநேரம் அடைத்து வைத்து அவர்களிடமும் எழுதி வாங்கியுள்ளனர்.
எந்தவித தகுதியும் இல்லாமல் ரீல்ஸ் மூலம் மட்டுமே கவர்ச்சி காட்டிஆட்சிக்கு வந்த த.வெ.க தற்போது ஜனநாயக முறைப்படி கும்பகோணம்பரஸ்பர சகாய நிதி நிறுவனத்தில்வெற்றி பெற முடியாததால் குறுக்கு வழியில் த.வெ.ககுண்டர்களை வைத்தும், காவல்துறையினரை வைத்தும் மிரட்டி கொல்லைபுறம் வழியாக நிதி நிறுவனத்தை பிடிக்க முயற்சி செய்கிறார்கள்.
நிதிநிறுவனத்தில் வைப்பு தொகை வைத்துள்ள வாடிக்கையாளர்கள் த.வெ.க-வினர் நிதி நிறுவனத்தை கைப்பற்றினால் எங்கள் வைப்பு தொகைகள் என்னாவது என்ற அச்சத்தில் உள்ளனர்.